去過臺灣嘅朋友，除咗鳳梨酥、太陽餅，以沙律醬取代牛油、口味獨特嘅洪瑞珍三文治亦都係深受歡迎嘅手信之一。洪瑞珍近年甚至紅到韓國同香港，並喺兩地開設分店。

不過喺2018年就曾經有一家「洪家手作洪瑞珍」嘅三文治就發生食物中毒事件。香港法院舊年已經作出裁決，禁止「洪家手作」使用「洪瑞珍」名稱。

喺臺灣，新北智慧財產法院最近亦就「洪瑞珍」商標鬧雙胞一案作出裁決，判洪家第二代堂兄洪峻聲勝訴，堂妹洪毓珊經營嘅「洪瑞珍傳世有限公司」侵犯商標權，禁止再使用洪瑞珍名稱，另須賠償80萬元新台幣。全案仍可上訴。

（民視）