今日就係端午節啦！除咗爬龍舟之外，食粽亦都係應節活動。如果你屋企收到好多粽做禮物，今晚食粽，聽日又食粽，食足一個星期，你都咪話唔厭！

不過喺內地，食粽都可以分成甜黨同鹹黨，即係偏好食甜嘅或者鹹嘅口味兩種。咁你又屬於邊一黨呢？

喺台灣，就有所謂北部粽同南部粽之爭。北部粽嘅米加入醬料先炒過，再蒸熟，用筍殼包裹，口味較濃郁。南部粽就係用生米做材料，用竹葉包粽，再滾水煮熟，口味清淡。不過當地仲有嘉興粽、潮州粽、廣東裹蒸粽、客家粽等其他種類。

至於濠仔至愛，上面通通都無份！而係可以追溯到唐代嘅西安涼粽。外表雪白，口感冰涼，大熱天時最啱！沾上桂花蜜更係脫俗。

不過無論係邊一種粽，都係熱量高嘅食物：鹹粽味重肥膩，甜粽糖分較高。一隻粽熱量隨時多達700卡路里，即係一餐飯嘅量！營養師建議一般人每日最多一隻粽就好啦！

我非常愛看「小高姐的」是陝西人，做法相信十分正宗。