大家對於薯條有咩印象呢？熱氣？漢堡包陪襯？

喺比利時，薯條（法語：frites / 荷蘭語：friet），尤其加埋青口（Moules-frites / mosselen-friet），係比利時國菜。不過受到新型肺炎影響，薯仔無人買，總共有75萬噸，係750000噸咁多！可以載滿三萬架貨車！

當地產業協會唯有呼籲國民幫手食，一個星期食兩次，以免最後要當垃圾倒咗去。

其實版主去過比利時旅行（一日咁多啦），無食到薯條，而係食當地另一種名食窩夫餅。至於青口薯條，就係喺巴黎一家連鎖餐廳食嘅（比利時、法國，甚至美國都一直爭奪薯條嘅命名權）。