尋晚係農曆四月初一，為全球穆斯林更係一個神聖時刻——因為尋日亦係伊斯蘭曆九月一號，象徵一年一度的齋戒月（拉馬丹月）嘅開始。

但各地方齋戒月開始唔一定係初一。由於各地天氣不同，未必喺初一見到新月🌙，例如近日港澳地區天氣唔好，睇唔到新月，齋月就喺初二（今日）開始。

如果你有信奉伊斯蘭教嘅親戚、朋友、同事、鄰居、家傭，請尊重佢哋嘅習俗，避免喺佢哋面前飲食或日頭請人食飯，但如果你齋月喺馬來西亞、中東等地方旅行，佢哋可能會夜晚請你食開齋飯，或者可以去齋月市場掃街！想同佢哋加油打氣，可以講一聲Ramadan Mubarak，即係「齋月吉慶」啦！

另外，如果喺中東國家旅行，要注意齋月期間當地車輛開得比較快，外出時請注意交通同人身安全。

當地司機白天禁食，易疲勞，建議盡量避免坐車長途旅行，以免發生交通意外。如果確需長途旅行，應要求司機唔好開快車，同時增加中途休息次數。

（部分資料：中國駐阿聯酋大使館）