萬豪國際旗下，以時尚為號召嘅酒店品牌W酒店，好多澳門朋友都可能住過台北嘅分店。依家終於有機會唔駛離開澳門，喺澳門就可以住到啦！

新濠博亞娛樂尋日公佈，同萬豪國際達成戰略合作協議，澳門W酒店（W Macau）將會落戶新濠影滙二期，酒店將會喺明年十二月，與新濠影滙二期同期開幕。

澳門W酒店將設有557個房間，其中包括127間套房，並設有健身中心、室內泳池、水療中心等康體設施。 酒店著名嘅Living Room大堂以及WOOBAR酒吧將成為賓客社交嘅理想場地。餐飲方面，分別會有兩家餐廳，提供帶有亞洲風的國際菜式以及中葡兩國嘅精美菜式。酒店另一品牌標誌性「W音效套房」（W Sound Suite）現場錄音室亦將會一齊嚟到澳門。新酒店將設有面積1,100平方米嘅會展空間。