仲有一個星期就過年啦！除咗大掃除、團年飯、拜年之外，今個假期仲有咩地方好去呢？

喺澳門威尼斯人，來自丹麥，有官方認證嘅樂高專門店今日開幕啦！

濠仔下晝三點到達現場，已經由門口排到對岸，一共排咗超過半個鐘頭，再每十五個人為一批分批入場。店入面好多人排緊畀錢，準備將自己嘅心頭好帶返屋企。

既然係澳門第一間認證專門店，咁當然要有返啲澳門特色啦！店面外牆有一幅描繪澳門議事亭前地嘅壁畫，全部都係用樂高積木砌成嘅！店入面仲有「大三巴牌坊」，原裝牌坊上面嘅各種細節，包括教堂嘅名稱啦、牌坊上面嘅浮雕啦，都做得維妙維肖。另外仲有Lego專業認證大師砌成嘅氹仔龍環葡韻，唔知可唔可以從中偷吓師呢？

店入面亦有各色各樣積木套裝，仲有各種零件，大家仲可以用$109，組裝屬於自己嘅人形公仔。為慶祝新店開幕，仲有農曆新年嘅模型套裝特價發售。如果大家買完野覺得攰，仲可以去隔離嘅安德魯蛋撻坐低休息一下，食返兩件葡撻𠻹！

• 

• 

• 

• 

• 

• 

• 

• 

• 

•