澳門依家被稱為「亞洲拉斯維加斯」，喺以前就稱為「東方蒙地卡羅」。而真實嘅蒙地卡羅就係位於法國東南部嘅公國摩納哥（Monaco）。

喺六十四年前，大西洋嘅另一面，一位荷里活影星剛剛成為奧斯卡影后。冇幾耐喺一次拍攝活動中認識到當時摩納哥親王雷尼爾三世。呢段相遇為佢哋二人以及呢個世界面積第二細嘅小國又創造咗乜嘢傳奇？

依家喺澳門銀河正舉行緊嘅「影后王妃：嘉麗絲姬莉的藝術形象」，係為期五個月的「藝文薈澳」系列活動之一。展覽得到包括摩納哥王室嘅支持，借出有關摩納哥已故親王妃嘉麗絲姬莉所用過嘅服飾同藝術作品，更介紹咗摩納哥呢個國家嘅歷史同城市發展。足不出戶，可以神遊地中海岸，彌足珍貴！場外亦有源自摩納哥嘅蒙特卡洛巴黎咖啡館，觀展完畢可以嘆杯咖啡、稍事休息，細細回味之餘又可以再期待真正嘅蒙地卡羅童話之旅……

*****
參加周六、日舉行的「影后王妃：嘉麗絲姬莉的藝術形象」公眾導賞團，探索展覽及精選展品。每團名額15 人，需時約45分鐘。免費活動，先到先得。

5月25日至8月28日導賞團時間（以粵語、普通話為主）

周六、日 14:30 / 15:30 / 16:30

展覽期至8月28日
時間：週日至週四 10:00-22:00
週五至週六、公眾假期 10:00-24:00
地點：澳門銀河水晶大堂
免費入場