位於臺灣宜蘭對出海面的龜山島，遠離臺灣本島的「龜首」部分上周四清晨出現崩塌情況。

繼續閱讀 臺龜山島「龜首」崩塌 疑為大爆發前徵兆 →

我哋講火山，通常都係講日本、菲律賓或印尼嘅火山。

不過澳門人嘅熱門旅遊地臺灣，其實都有活火山嘅，而且位於大家好熟悉嘅陽明山國家公園內！

根據中央社29號嘅報道，中央研究院經長期監測，證實咗大屯火山同位於宜蘭外海嘅龜山島都係活火山，大油坑地區仲觀測到類似動物「心跳」現象，平均大約每18分鐘發生一次重複性地震。

至於龜山島亦有由活火山造成、海底溫泉湧上流嘅「陰陽海」景觀。中研院研究員林正洪指出，雖有海嘅隔絕，一旦火山噴發造成龜山島地形崩塌，可能引發小規模海嘯：「如果有五公尺海嘯，可能將近半個宜蘭平原會泡在水裡」。

不過，林正洪亦話，民眾毋需過度恐慌，大屯火山觀測站設立各項偵測裝置提出預警。若出現地震次數暴增到上千或上萬、地表溫度升高、氣體濃度驟增等，都係火山活動前嘅異常現象，可以喺兩星期甚至一、兩個月前提出示警功能。

（2010年7月攝於宜蘭）