疫情已經進入第三年，出國旅行，甚至返內地隨時都仲係有被隔離嘅風險。唔知大家對旅行仲有冇感覺呢？你係咪仲係用緊各種方法滿足想去旅行嘅欲望呢？

香港歌手黎明前日上載咗由十三年推出嘅《眼睛想旅行》，重新填上歌詞嘅《全身想旅行》，似乎反映咗大家喺疫情下，始終唔會好似香港早前某學校咁樣，只滿足於用眼睛去旅行，而係希望用感官、用足跡、用心靈去體驗呢個世界上，不同嘅景色，不同嘅風土人情。

萬一疫情真係好似專家估計，今年內可以降級，變成一種風土病，大家可以再安心去旅行，你嘅願望清單會係點呢？