鐮倉係日本東京附近一個好受歡迎嘅旅遊城市。當地除咗有露天大佛、江之島等傳統景點之外，江之島電鐵「鐮倉高校前」站嘅平交道更由於有漫畫、廣告等加持，近年都成為遊客「打咭」必到嘅地點。

不過最近傳聞話平交道禁止攝影。事實又係點呢？

原來鐮倉市早前通過條例，希望改善好似喺馬路上拍攝阻礙交通、路軌周圍等危險地方拍攝、邊行邊食可能導致衣服污損等嘅行為（日文稱影響他人嘅行為做「迷惑行為」）。不過條條例並無罰則，目前仍然係勸導教育為主。

不過情況再惡化落去，遲吓「加辣」都唔出奇！希望大家出去旅行，無論去到邊度都好，都可以注意吓啦！

（攝於2016年12月）