七十四年前今日嘅呢一刻（日本時間1945年8月9日早上11點02分），日本長崎遭到原子爆彈攻擊。

尋日，喺原爆中心點不遠，當年遭到原子彈毀滅嘅「浦上天主堂」嘅十字架，亦由美國威明頓大學交還聖堂所屬嘅天主教長崎總教區。

可惜嘅係，美國上星期五（8月2日）正式退出《中程導彈條約》，預計美國幾星期內會試射導彈。咁將會終結上世紀八十年代尾「冷戰」結束以來，相對和平嘅局面。戰爭風險再次升溫。

願世界和平，不要再搞核武，不要軍備競賽，因為下一場戰爭，我哋無一個人係贏家。