澳門同珠海之間嘅關閘——拱北邊境係世界上最繁忙嘅邊境。而位於新加坡同馬來西亞新山之間嘅新柔長堤都非常繁忙。

但係講到出入馬來西亞，大家就要小心啦！

馬來西亞《中國報》星期日（7日）報道，有一對新加坡夫婦日前接完叔仔去新山之後返新加坡，結果發現護照無出境章。連原本當日要去雲頂嘅行程擔心再入境會出問題，都要取消。有親友建議換護照，而新加坡當局畀佢哋意見係：「印章重要，掃瞄護照更重要，至少系統可以查到出境記錄」並建議事主向駐新加坡嘅馬來西亞高級專員公署（相當於大使館）報告。

而原來新山移民局官員出錯已經唔係第一次。4月3日又有新加坡人去完新山，發現出境日期竟然係第二日（4月4日）。

*****
版主：2010年第一次去大馬，喺檳城機場入境，個移民局官員居然冇幫我護照蓋章。結果喺吉隆坡離境嘅時候，因為咁就畀人「的」入房，出示咗入境機票先走得！

（圖片來源：維基共享資源CC-SA-3.0）