踏入候鳥季，路氹城生態保護區在11月上旬已迎來首批來澳度冬的黑臉琵鷺，目前最多觀察到43隻黑臉琵鷺和1隻白琵鷺在生態區活動。市民可透過參加環境保護局每月定期舉辦的路氹城生態保護區系列活動，欣賞黑臉琵鷺的美態。12月的活動將於11月30日起接受報名，因應疫情及相關防疫工作，參觀者到場時須出示當日的澳門健康碼、接受體溫檢測，以及在活動期間必須佩戴口罩。有興趣人士可致電環保熱線（2876 2626）或透過網頁（http://www.dspa.gov.mo）查詢及報名，名額有限，額滿即止。

12月份的公眾觀賞日將於4日及11日（上午十時和下午三時）舉行，名額共100個。在兩小時的參觀中，導賞員會帶領參觀者進入有限度開放的生態一區及開放式管理的生態二區，觀賞區內植物和雀鳥。

12月4日（上午十時和下午三時）同時舉行親子「自然學堂」工作坊，每場設10組（每組為1位小朋友和1位陪同的成人）。在兩個半小時的活動中，導師會講解生態知識，並指導小朋友把就地取材的植物製作成樹葉畫。

此外，直至明年4月的候鳥季期間，每月將舉行生態區濕地觀鳥行，12月份的舉行日期為12月11日（上午九時三十分和下午二時三十分）名額共40人。在兩個半小時的參觀中，導師帶領參觀者到觀鳥路線和觀鳥點，利用本局提供的望遠鏡觀鳥，並提供專業講解。

環境保護局將於活動前一日以短訊通知參觀者最新信息，倘因惡劣天氣或參加人數不足，環境保護局有權取消活動。此外，公眾可下載局方流動應用程式（DSPA app，請見附圖QR Code），了解相關的動、植物資料，讓參觀增添趣味。局方又呼籲參與者支持環保，自備飲用水。

喺疫情下，市民留喺澳門活動，假日期間多咗市民享受大自然。而近來去路氹城保護區、大炮台、松山，有不少觀鳥人士，帶埋「長短火」拍攝雀鳥生態。

原來根據市政署2018年的調查，澳門有126種雀鳥，分屬12目41科，其中留鳥57種，佔總鳥種45%；遷徙鳥包括：冬候鳥、夏候鳥和遷徙過境鳥69種。

本澳優勢種是白頭鵯，共記錄3050隻，另外小白鷺5302隻；常見種有10種，其中珠頸斑鳩、八哥、長尾縫葉鶯、暗綠繡眼及麻雀等五種屬於林鳥，蒼鷺、大白鷺、池鷺、夜鷺及綠翅鴨等五種屬於水鳥。

另外，2018年本澳也新記錄了兩個鳥種，分別是烏鵑及鳳頭潛鴨。另外，中國二級保護鳥類有八種，包括岩鷺、黑臉琵鷺、黑鳶、松雀鷹、普通鵟、白腹海雕、鳳頭鷹及褐翅鴉鵑。

至於分佈方面，松山、紀念孫中山市政公園、大潭山環山徑、小潭山2000環山徑、黑沙水庫家樂徑、東北步行徑系統、九澳水庫環湖徑、龍環葡韻濕地、路氹城生態一區和二區都錄得超過30種鳥類。

各位朋友，趁復活節假期，不妨出外欣賞各種鳥類，認識澳門豐富的生態啦！不過要記得保持社交距離同地方清潔，同埋要安靜、唔好騷擾雀仔呀！

（圖片攝於2019年，下紅圈為黑臉琵鷺）

想小朋友放假對少啲電子產品？想吸收新鮮空氣、親親大自然？機會嚟啦！

由生態教育及資源中心主辦嘅「2019澳門鷺鳥節：覓鷺——親子賞鳥活動」，將於下星期六（4月27日）舉行。

根據負責人Samson介紹，中心會喺世界各地舉辦類似活動，佢哋會選擇喺當地特有、值得保護嘅物種，進行公眾教育嘅活動，透過導賞、講座等，話畀當地人知道，喺佢哋咫尺之間就已經有好豐富嘅生態環境。

至於點解要揀鷺鳥做主題物種？原來鷺鳥係一個總稱，喺澳門常見嘅都有成五、六種，仲有每年遷徒來到嘅品種。Samson話：「鷺鳥對澳門嚟講，尤其是喺近二十年間，伴隨著城市高速發展、生態破壞，佢哋對澳門都依然不離不棄。所以因著呢樣嘢，我哋覺得已經值得話畀澳門市民聽，有一種動物，無論我哋變成點都好，都依然陪伴住我哋。」

另外，Samson又話，鷺鳥亦係我哋睇一個濕地生態系統重要嘅指標性物種：「就算一個地方冇一啲明星物種，可能有一啲普通嘅物種而可以繁殖得到、有一個穩定嘅族群，其實越多咁樣普通嘅雀仔、普通嘅蝴蝶、普通嘅蜻蜓，代表嗰度嘅生態系統係完整嘅，係一個應該受保護嘅地方。」

Samson希望喺鷺鳥繁殖嘅季節，舉辦親子同樂嘅活動，拉開鷺鳥節嘅序幕。佢又話喺澳門，除咗學校教育以外，喺民間對於呢方面嘅認識同活動都比較少，希望透過活動促進親子關係，亦可以令大人同小朋友吸收一啲生態知識，「認識澳門呢個咁漂亮嘅城市、咁亮嘅生態環境。」

是次活動會用上SWAROVSKI OPTIK嘅專業望遠鏡，可以畀到參加者有更好嘅觀鳥體驗！

日期：4月27日（星期六）
時間：下午3:00至4:30
集合地點：T424 海濱圓形地/生態保護區 巴士站
費用：全免
報名：https://bit.ly/2GvGZBS