位於紐西蘭南島城市但尼丁（Dunedin）嘅鮑德溫街（Baldwin Street）多年來以「世上最斜的街」聞名於世。

但喺舊年6月，呢個稱號拱手相讓咗畀英國北威爾斯海岸哈萊克（Harlech）嘅Ffordd Pen Llech（意思係「多石角路」）。

不過「健力士世界紀錄」喺上星期宣佈，經過上訴，鮑德溫街重奪呢個銜頭。經過量度道路中軸，鮑德溫街以34.8%嘅斜率擊敗斜率28.6%嘅Ffordd Pen Llech。但後者仍然係英國最斜嘅道路。

（健力士世界紀錄大全）