講起葡國，相信大家好少人諗到高山，更少人都會諗到會落雪。

但葡國係有山，亦都會落雪嘅！

位於葡國中部嘅埃什特雷拉山（Serra da Estrela，即係「星星山」咁解），上星期五（5日）上午九點由於有雪，部份山區道路被迫封閉。

埃什特雷拉山海拔1,993米，係葡國喺歐洲部份嘅最高點。當地有滑雪場，特產係用綿羊奶做原料、手工製作嘅芝士（Queijo Serra da Estrela）。當地牧羊犬亦係葡國最古老嘅原生狗種。

（圖片來源：維基共享資源 CC BY 2.0）