下個月就到普天同慶的聖誕節啦！準備好怎樣慶祝了嗎？
如果今年有機會外遊，要不要試試乘坐聖誕主題火車呢？無論你想坐火車拜訪聖誕老人的家，品嚐加了酒的熱朱古力，甚至欣賞極光，以下十三條鐵路路線，總有一條適合你。
繼續閱讀 全球十三條聖誕主題鐵路路線全球十三條聖誕主題鐵路路線
Tag Archives: 聖誕節
郵電局公佈聖誕空郵截郵日期
郵電局公佈聖誕平郵截郵日期
平安夜來澳旅客破四萬人次
聖誕節假期期間，不少旅客訪澳感受節慶氣氛。旅遊局昨日公佈，前（24）日平安夜有超過四萬旅客來澳。
星期五本澳錄得40,284人次旅客入境，是繼5月1日錄得的44,699人次後，再重上單日客量過四萬人次水平，也是今年至目前按單日入境旅客排名的第三高位。市面商舖客況亦有所增多。訪澳旅客人次在過去一周（12月17日至23日）共錄得170,616旅客人次，日均旅客為24,374人次。
酒店入住率方面，12月17日至22日的酒店場所平均入住率有52.5%，較11月份（47.5%）上升5.0個百分點。
另外治安警公佈，昨（25日）聖誕節正日，入境旅客有36,083人次。
英國家庭生態友善過聖誕
聽日就係聖誕節喇！大家做好晒準備未呢？
不過大家又有冇諗過過一個聖誕節，除咗會使一筆錢之外，其實都耗費咗好多資源呢？大家有冇考慮過可以過一個對生態友善嘅聖誕呢？
喺英國肯特郡有一個家庭，一直都崇尚環保嘅概念。2017年開始更以生態友善嘅方式過聖誕。
呢個家庭嘅女主人Imogen表示，「生態友善一直都係佢同伴侶過聖誕嘅一部份。當我哋組織家庭之後就更加係咁。」「生小朋友肯定會激發你去決定點樣塑造自己嘅聖誕節，想創造乜嘢傳統，同埋決定邊一啲事情對你係重要嘅。」
聖誕節期間嘅浪費同過度放縱令佢哋有咗呢一種諗法。「喺慶祝節日嘅時候製造咁多浪費，感覺係一件好荒謬嘅事，而且每年情況似乎越嚟越嚴重。我唔想聖誕只是為小朋友買禮物。」
「聖誕令人興奮嘅一個元素係為呢個冬季節日，用全年時準備同創作。唔係為咗即時滿足，為咗我哋所生活嘅世界着想係重要嘅。」「過一個生態友善嘅聖誕會令你留加留神，而且我認為會令到事情更加特別。」
Imogen相信，隨着時代演變，社會越嚟越鋪張浪費，年前嘅鄉郊生活一般比較有生態意識。
佢又表示，每年有相當於330萬隻企鵝重量嘅塑膠浪費咗，令人震驚。「咁樣對環境同聖誕節嘅魅力都會造成破壞，所以我哋一家唔想再增添浪費。」「聖誕節係一年之中嘅重要嘅時間，佢真正嘅魅力係在於同家人喺一齊，受自然界嘅啓發。」
Imogen細個嘅時候，佢媽媽就會收集冬青葉，自製聖誕花環同其他裝飾品，呢啲概念就喺佢嘅思想入面滋長。佢認為將呢種概念延續落去，不但係由環境角度考慮，亦都係堅守傳統。「我希望兩個囡囡能夠重視事物嘅來源，以及生產物品時所注入的愛和關懷。」
「要意識到物品嘅行程有多遙遠，種植作物時又加咗啲乜嘢入去。見到啲人不假思索就過度放縱令我覺得好難過。我哋一家對於浪費非常在意。」
減少浪費同破壞環境嘅一個方法係採摘食物。Imogen一家擁有季節性食物品牌，經營私人餐飲會所，並開辦社區網上課程。佢哋發現到處都有食材可供採集，就好似尋寶一樣。佢哋會用蕁麻製成青醬和薑啤，又會用摺骨木花製成汽酒和醬汁。佢哋曾經為小朋友編寫一批有關生長喺英國田間或路旁嘅灌木樹籬嘅書，當中有唔少品種，例如黑刺李、薔薇果、黑莓、山楂、烏荊子李、杜松子、榲桲等都可以食用。
佢哋會採集春天嘅野蒜頭，醃製起來到聖誕節都仲可以食到。佢哋亦會收集海帶，用嚟整從肉汁到雪糕等各種菜式，「海帶嘅鮮味係最好嘅。」佢哋甚至會自己用海水做鹽。「發現我哋周圍嘅世界係咁豐富，令我哋感到好驚奇。」
除咗採集食物之外，呢個家庭亦都會種植各種蔬菜同水果，以至香草。Imogen同佢先生都會將水果製成果醬，又會用香草製作油同醋。至於肉食同魚類，佢哋就會購買喺當地養殖嘅。
喺禮物方面，呢一家人會用幫襯慈善機構，購買二手貨。Imogen曾經以一英鎊嘅價錢，買到一本1980年代出版嘅、近乎全新嘅立體書。佢亦都會善用社交媒體：「能夠喺嗰度買嘢、又知道你喺度幫緊人感覺真係好。因啲人通常都係急需要錢，或者係為小朋友做儲蓄。」
佢又舉例，佢幫佢大女買咗一間接近全新嘅單車，認為好過將佢棄置喺堆填區。而買家亦都可以用賣單車嘅錢去幫佢個女買一架大一啲嘅單車，令佢自己對於社區會有歸屬感。
至於佢丈夫Duncan，起初對於買二手禮物比自己嘅仔女有少少擔心，但係佢而家已經習慣咗。「佢唔想令到小朋友覺得佢哋要用次貨，不過小朋友睇唔出有乜嘢唔同，而且亦都好鍾意，就唔再擔心啦。」
佢哋亦都會將自製食物當成禮物送俾親友：「佢哋都好鍾意呢啲禮物同食物，認為咁樣做好好。」「過一個生態友善嘅嘅聖誕，唔係代表要乜都冇，而係要注意到你所有嘅嘢，然後製造畢生難忘嘅回憶。」
（英國《都市日報》）
聖誕節北風到 節後低見8度
氣象局三日之內三度調低聖誕節假後的氣溫預報！
根據局方最新預測，一股強烈的冬季季風於聖誕當日（25日）影響澳門，天氣漸轉多雲有雨，北風增強，氣溫顯著下降。下週一（27日）最低氣溫將下降至8度左右，天氣濕冷。
聖誕節三日假期天氣：
明日平安夜（24日）多雲，部份時間有陽光。初時有微雨。吹2至3級北至東北風。氣溫17 – 22°C，濕度 70% – 95%。
星期六聖誕日（25日）多雲，短暫時間有陽光。末期有幾陣雨。吹2至3級北至東北風，後轉4至5級及有陣風。氣溫16 – 21°C，濕度 60% – 95%。星期日（26日）天氣寒冷。密雲。有雨。吹4至6級北至東北風及有陣風。氣溫11 – 16°C，濕度 75% – 98%。
星期一（27日）將下降至8° – 14C 。預測天氣寒冷。多雲。間中有雨。最低氣溫要到星期三（29日）才會回復到10°C以上，當日氣溫介乎13 – 18°C。屆時天色亦將轉為天晴，部分時間多雲。
氣象局呼籲市民留意天氣變化，注意保暖。
假後降溫！下周一低至11度
氣象局展望聖誕日，將有一股冬季季候風抵達華南沿岸，屆時北風將增強，氣溫逐步下降。根據氣象局網站顯示，下週一（27日）最低氣溫11℃，最高氣溫17°C。
聖誕三日假期天氣方面，12月24日（平安夜，星期五）預測大致多雲，初時有幾陣雨，氣溫介乎18℃至22℃。12月25日（聖誕日，星期六）氣溫略降，多雲，部份時間有陽光，氣溫介乎16℃至22℃。12月26日（星期日）氣溫略降，大致多雲，氣溫介乎14℃至18℃。
（澳門電台）
世衛總幹事呼籲各國取消聖誕活動 歐洲多國聖誕前收緊防疫限制
世界衛生組織在過去的周末指出，全球已經有89個國家發現新型冠狀病毒Omicron變種。並且以每1.5至三日倍增的速度蔓延。
世界衛生組織總幹事譚德塞（Tedros Adhanom Ghebreyesus）當地時間星期一更呼籲各國限制與聖誕和新年相關的活動，因為容許聚眾是Omicron變種擴散的「理想平台」。他又表示，現在取消以後再慶祝「比現在慶祝將來哀悼」更好。
另外為了控制Omicron變種在歐洲擴散，多國在聖誕節前收緊防疫措施。
各國限制措施
其中在荷蘭，星期日已經再次實施全國封城，學校、非必要商店、餐廳、酒吧、博物館和劇院至少將關閉至明年一月中。聖誕節假期禁止四人以上聚會，民眾亦不可外出選購聖誕禮物。首相呂特承認，今年聖誕節又要再次「變得和過去完全不同」。
愛爾蘭已經下令餐廳、酒吧及現場表演只可以到晚上八時，政府警告如果疫情持續蔓延，將進一步收緊限制。
法國已經停辦大部份公開新年慶祝活動，並要求夜場停業四個星期。丹麥已關閉夜場、文娛以及非必要教育設施。晚上十時後禁止賣酒、十一時後禁止私人聚會。而在波蘭，本月疫情正穩步下降，但由於死亡數字仍處於每日超過500人的高水平，將收緊公眾集會人數上限。
葡國暫時未有針對聖誕期間的措施，但入境旅客須出示檢酸檢測陰性證明。全國實施強制居家工作，學校將於一月第一個星期停課。
歐洲疫情
在法國、西班牙、葡國、義大利、丹麥、瑞典、挪威和芬蘭，每周平均感染人數都有增加。
愛爾蘭疫情近數周保持穩定，但仍然處於今年一月以來最高水平。
至於Omicron變種方面，英國過去一個周末累計約25,000宗病例。緊隨其後的分別是丹麥和挪威，星期四累計病例達到六千宗及二千宗。義大利星期五創下新增28,632宗的疫情新高，但目前全國累計只有84宗Omicron病例。
雖然荷蘭自月初起實施較輕微的管制措施兩星期以來，病例數及住院數都有下降，但當地衛生部門主管官員預期Omicron會在新年取代Delta成為當地的主流變種，並引發第五波疫情。英國科學家亦預期Omicron會在新年取代Delta，成為西北歐的主流變種。德國、奧地利、西班牙和葡國目前各有數十宗Omicron變種病例，並憂慮如果不實施管制，將出現類似英國的情況。
歐洲疾控中心上周更表示，Omicron變種將可能在2022年頭兩個月成為全歐的主流變種。中心不再支持旅遊限制措施，指出變種已經全國多國出現，並在大部份地區出現本地感染。
（英國《都市日報》／路透社／news.com.au）
倫敦Soho區聖誕燈飾 小朋友設計
今日係聖誕節之前倒數第四個星期日，即係西方基督教教會曆法裡面，將臨期（Advent）第一個星期日。亦即係大家要開始準備過聖誕啦！
呢個時候世界上好多地方都會開始亮起聖誕燈飾，澳門作為中西文化交匯嘅地方當然都唔會例外。不過大家對今年嘅聖誕燈飾似乎都幾多意見喎！
喺英國倫敦，最經典嘅聖誕燈飾就要數到呢款天使造型啦！
不過，素以搞怪出名嘅蘇豪區（Soho），就搵咗當區學校嘅小學生，喺建築師、英國皇家建築師協會建築大使Antonio Capelao指點下設計今年總共廿一處聖誕燈飾，並且已經喺11月8號舉行亮燈儀式。
呢啲燈飾都係由小朋友手繪而成，由傳統嘅雪人、聖誕樹，到充滿異國風情嘅菠蘿都有。不過喺小朋友天真嘅筆觸之下，有啲圖案會令你意想不到，笑完又會有一種暖心嘅感覺，對呢班小朋友嘅天馬行空同埋大人願意畀小朋友機會展示自己對聖誕嘅體驗感到敬佩。
呢批聖誕燈飾將會展出至明年1月3日。至於今年倫敦市內其他區域嘅聖誕燈飾可以睇吓呢個網址：Christmas lights in London。
其實，早在十幾年前，蘇格蘭有條村落就已經邀請小朋友設計聖誕燈飾嘅做法，不過每年只有一件作品入選，最終被製成燈飾點亮。不過亞軍都唔駛失望，佢嘅圖案都會用嚟製成聖誕卡嘅。
（This is Soho / Wales Online）
聖誕市集一連十六日舉行 採人潮管制遊戲須預約
為增添聖誕節日喜慶，延續過往市集熱鬧氛圍，市政署將以「聖誕糖果村」為主題，於12月18日起在塔石廣場一連十六天舉辦2021年度聖誕市集。現場設有三十個售賣聖誕禮品及小食檔位，並佈置充滿聖誕氣氛的燈光聖誕樹及天幕燈飾，更安排滑雪場及旋轉木馬等遊樂項目，與市民遊客共度佳節。
是次市集將會設有二十二個聖誕禮品檔及八個小食檔，為了讓售賣產品更多元化及支持本地文創產業，市政署與本地團體及文化產業基金合作，邀請本澳文創企業以及市民共同參與經營聖誕禮品檔；而小食檔則由飲食業界為大眾帶來多款特色美食。
本年度聖誕市集將於12月18日至2022年1月2日舉辦，其中12月18至20日、24日、25日、31日，以及2022年1月1日開放時間為下午二時至晚上十二時，其他日期為下午二時至晚上十一時。
聖誕市集開業期間安排有聖誕老人扭汽球、小丑雜耍或魔術等流動表演，更設有深受小朋友歡迎的糖果樂園滑雪場及旋轉木馬嘉年華，而今年更新設琴聲樂韻糖果屋等玩樂項目，有關設施於下午三時至晚上十時免費開放。同時，現場將設有發光五角星椅子裝置、聖誕馬槽、聖誕小木屋佈置，於下午二時至晚上十一時，免費供市民遊客參觀拍照，留下美好回憶。今年市政署舉辦的「聖誕送暖童歡樂2021」活動亦於市集現場設置了四個善款箱，歡迎大家逛市集時亦可參與捐獻，為有需要的兒童送上關愛。
市政署將嚴謹按照衛生部門相關防疫指引，對市集活動作出妥善安排，將會設「售賣區域」和「遊戲設施區域」，兩區域皆採取人流入場管制措施。「售賣區域」可容納人數上限約為一千人，如到達人數上限將暫停進入；「遊戲設施區域」進場將以每六十分鐘為一時段，每一時段入場人數上限不超過一百五十人，並設有「遊戲設施區」網上預約系統，市民可於每日取即日預約籌，詳見市政署網站（www.iam.gov.mo），另現場亦設有少量名額。參與活動之市民及檔主必須佩戴自備口罩、接受體溫探測、出示有效綠色澳門健康碼，敬請配合有關防疫措施。
活動期間，於亞豐素雅布基街設有臨時公眾上落客貨區，以及特許車輛上落客貨區，方便市民到場購物。市政署歡迎市民及遊客一同參與，詳細節目內容及時間可瀏覽市政署網頁及現場宣傳指示。
濠遊天下 Macau on Journey, 