星期日就係母親節啦！各位仔仔女女，準備好點樣同媽媽慶祝呢？

以下片段表面上好血腥，但背後其實超有愛！片段入面一隻紅鶴唔係扑穿配偶個頭，用對方嘅「血」嚟餵小紅鶴。

好似血咁樣嘅紅色液體係「鴿乳」，係由嗉囊（部分雀鳥胃之前嘅一個器官）內面反芻畀雛鳥嘅一種分泌物，成份包含脂肪、蛋白質等，仲有少許蝦青素（係呀，就係佢令到煮熟嘅蝦蟹變成紅色），因此呈現紅色。同哺乳類只有雌性可以分泌乳汁唔同，雄鳥雌鳥都可以分泌鴿乳。

其實佢哋係喺度爭住餵小紅鶴，但雛鳥食唔曬爸爸媽媽嘅食物，一隻咀入面繼續分泌鴿乳，因此出現呢個畫面。

而同樣道理，各種紅鶴羽毛嘅顏色都係來自佢哋嘅食物：佢哋係利用咀入面嘅毛髮狀結構濾食甲殼類同藻類為生，即係好似藍鯨同鯨鯊一樣。

延伸欣賞：人類禁足防疫 紅鶴現身印度孟買沿海
https://youtu.be/qjMsQdQxZ8M