台灣雲林有幼稚園早前計劃明年五月舉辦到澳門及珠海的親子畢業旅行，引發當地熱烈討論。園方昨日宣佈取消計畫。

繼續閱讀 台灣幼稚園畢業旅行來澳門珠海 引發民間熱議 →

畢業旅行，係好多大朋友、小朋友嘅珍貴回憶。一般人去畢業旅行，都係父母埋單找數嘅。不過你又有冇諗過，自己籌錢，自己計劃行程去畢業旅行呢？

喺臺灣彰化縣花壇鄉文祥國小7名畢業生，佢哋自己規劃行程，靠自己做餅乾、芝士捲到社區販賣，籌募畢業旅行旅費，喺老師陪同下前往台南、高雄完成三日兩夜嘅畢業旅行。

校長吳世宏話，佢上任後就希望學校嘅畢業旅行，學生唔可以同屋企攞一分錢，亦唔可以租大巴，行程都要自己規劃。

佢指出，同學規劃咗三日兩夜嘅畢業旅行，7名學生喺2名老師陪同下，以乘搭火車、巴士嘅方式去台南市安平、億載金城以及高雄市義大世界等景點遊覽，佢自己都揸開車南下幫手載行李。

校長又話，畢業生為咗籌募旅遊基金，自己學整餅乾、芝士捲，拎到學校附近嘅社區叫賣，也將參加槌球、直笛比賽嘅獎金存下來，自食其力完成畢業旅行。佢希望同學用自己賺來嘅錢，企喺陌生土地上時，了解自力更生踲意義，亦都會記得今次咁有意義嘅畢業旅行。

無獨有偶，喺彰化縣芬園鄉文德國小，校內六年級學生上月底前往澎湖，畢業旅行，其中部分經費係由16位畢業生，義賣籌得。校長李政穎話，學校人數較少，但每年畢業生都會訂立目標，靠義賣籌募經費規劃畢業旅行。過去師生也出國到星馬、泰國等。

校長表示，學生為咗籌措經費，五年級開始就義賣自製嘅木工、雷射雕刻作品，以及參與社區活動售賣農特產，今年籌措大約4萬新臺幣嘅經費，各自再負擔部分費用。加上近期係澎湖嘅旅遊淡季，揀喺呢個時候出發亦可以節省旅費。

其實自己籌錢去畢業旅行、規劃行程，可以培養小朋友嘅工作能力同理財觀念，更可能令佢哋處事更加獨立成熟。唔知澳門嘅教育部門、各學校以及家長，會唔會考慮一下呢？

（中央社／聯合報）