明年新春爆竹燃放區及神香風車攤位攤檔的經營准照競投，即日至本月19日接受登記。

繼續閱讀 新春爆竹煙花神香風車攤位競投接受登記 爆竹燃放區只剩氹仔 →

澳門半島及氹仔的爆竹、煙花及火箭燃放活動將於今晚上十二時結束。剩餘的爆竹、煙花及火箭，將於明早起分批銷毀。

繼續閱讀 澳氹爆竹燃放區今晚結束 剩餘爆竹煙花火箭明早起銷毀 →

隨著農曆新年到來，市民可能會前往鄰近地區辦理年貨，購買各類應節食材及用品帶回本澳。澳門海關提醒，市民在辦理年貨時，應提前了解本澳物品進口的相關規定，避免攜帶受管制物品入境，從而觸犯法律。

繼續閱讀 澳門海關提醒 農曆新年將至 攜年貨回澳須注意 →

甲辰龍年將至，市政署將舉辦年宵市場，並設置爆竹燃放區及售賣神香風車攤檔，與市民及遊客一起迎新歲、賀新禧。

繼續閱讀 市署辦多項活動賀歲迎新 塔石年宵市場下周五開鑼 →

全國人大法律工作委員會上月宣佈全面禁止燃放煙花炮竹不合法，地方有關禁令需修改後，多個地方宣佈放寬有關活動的限制。其中在鄰近澳門的珠海和中山近日也公佈了相關訊息。

繼續閱讀 珠海中山公佈春節期間爆竹燃放地點 →

放爆竹、驅「年」獸，是中國人過年的重要傳統。不過要合法安全放煙花爆竹，就要來澳門啦！本澳分別位於澳門半島和氹仔的煙花爆竹燃放區，明日大年三十起開放至大年初五。

繼續閱讀 本澳兩煙花爆竹燃放點 明午起開放至大年初五 →

癸卯兔年將至，市政署將舉辦年宵市場，並設置爆竹燃放區及售賣神香風車攤檔，與市民及遊客一起迎新歲、賀新禧。

繼續閱讀 市政署辦多項傳統應節活動賀歲迎新 →

各位朋友，今日係大除夕。聽日就係壬寅虎年大年初一啦！除咗與親友歡聚以及各種拜訪之外，今年政府、商業機構同社團，都安排咗好多新春活動畀市民同遊客慶祝新春。以下就收集咗部份活動供大家參考：

市政署

如果大家今日仲未買賀年花卉、各種飾物嘅話，今日仲可以去塔石廣場年宵市場，睇吓有冇機會執平貨！（開放時間：上午9時至明日凌晨2時）

農曆新年祈福亦都係唔少人嘅指定動作。市政署喺媽閣廟設置咗神香風車檔，方便各位善信上香，買枝風車轉返個好運啦！（營業時間：1月31日下午6時至2月1日下午6時30分，2月2日至7日上午9時至下午6時30分）

澳門亦係中國少數可以喺市區燃放爆竹煙花嘅地市。今年喺澳門孫逸仙大馬路（近旅遊塔新城填海地）、氹仔史伯泰海軍將軍馬路近海傍處兩處地點繼續設有售賣及燃放爆竹、煙花、火箭嘅檔攤。（營業時間：1月31日中午12時至2月1日凌晨1時；2月1日至5日上午10時至晚上12時）

新春象徵春天嘅開始，親親大自然就最適合不過啦！市政署亦喺農曆新年期間將會舉辦新春系列大自然活動，推廣環境保育訊息，並為市民提供節假日好去處。「新春大自然活動」分別於年初五（2月5日）在氹仔花城公園側（哥英布拉街）及年初六（2月6日）在祐漢街市公園舉行，時間由下午二時三十分至五時，現場設有互動遊戲、新春乾花掛飾工作坊、環保利是封盆景植物工作坊、植物換領等活動。

市政署亦會喺2月3、5、6、12、13日下午2點半到5點半喺龍環葡韻舉辦「新春工作坊」，內容包括：新年木製掛飾工作坊、花卉金屬框匙扣工作坊、賀年桃花輕黏土盆栽工作坊以及賀年大桔輕黏土盆栽工作坊，適合任何年齡人仕參加。

旅遊局

至於大年初一，當然要精神爽利啦！旅遊局喺當日早上10點半有「龍騰舞躍賀新春」，全長238米嘅大金龍和18頭瑞獅喺大年初一舉行盛大巡遊，沿途向觀眾拜年。財神爺、金童玉女、福祿壽、虎生肖同澳門旅遊吉祥物「麥麥」亦會喺大年初一同初二喺澳門多處地點向市民同遊客派發「金元寶」。

至於今年農曆年嘅重頭戲，就要數到年初三、初七同元宵節嘅煙花表演，同埋年初三同正月十二舉行嘅「《福虎生威轉乾坤》2022農曆新年花車匯演」。

文化局

喺農曆新年呢個傳統節日，文化局亦都有賀禮送畀大家喎！澳門博物館同澳門藝術博物館聯合推出博物館館藏系列口罩，精心挑選十件展品以當中的圖案元素設計十款成人版口罩及款中童版口罩。

新春期間將會首先推出以澳門博物館館藏祝賀掛帳元素設計嘅口罩。口罩以大紅為底色，綴以鳥蝶圖案上嘅藏青、銀白等傳統色系，精巧和諧嘅配色既顯大氣典雅，又不失新潮。春節期間佩戴，寓意使用者承載著各種祝福。只要於新春期間（2月1日至2月15日）參加文化局轄下文博設施嘅指定駐場導賞，在導賞完結後，即可獲贈此款新春口罩。口罩數量有限，派完即止，大家萬勿錯過！

社團活動

另外亦都介紹兩個社團活動。其中文物大使協會會喺2月1日至7日上午11點半、下午3點同4點半，分別舉辦「發現澳門」及「繽紛離島」社區旅遊駐點導賞活動，透過一系列在社區進行特色駐點導賞活動，由青年導賞員帶領遊客同市民深入社區，發現社區當中嘅歷史文化之美，同時連動在地商戶，向旅客介紹社區中嘅特色商戶，豐富旅客嘅旅遊體驗，助力澳門旅遊業向文化旅遊嘅方向轉型升級，並發展社區旅遊模式。有興趣嘅朋友可以到網上或現場報名，名額有限，先到先得。

除咗新年吃喝玩樂，大家仲可以一齊做吓手作仔，同時愛自己、愛地球，關心社會！喺澳門推動「聯合國可持續發展目標」嘅知識共享同倡議平台「世望屋」，將會同澳門正向月事推廣協會喺2月12日合辦「正向月事手作坊」，由專人教導大家製作可重用嘅布護墊/布衛生巾，齊齊喺新一年善待自己。名額十五人，有興趣嘅朋友可以到呢度報名。