農曆新年期間文化局將在本澳主要道路新馬路舉辦「新馬路任我行」，交通事務局公佈臨時交通安排。此外，1月24日晚上旅遊局花車匯演活動舉行期間，外港新填海區一帶同步實施臨時交通措施。

繼續閱讀 新馬路任我行新春舉行 交局公佈臨時交通安排 →

為慶祝中華人民共和國成立73周年，澳門特區政府將於10月1日舉辦隆重升旗儀式及大型酒會，晚上將舉行煙花表演，讓廣大市民和旅客共同感受國慶日的歡樂氣氛。

國慶日多項新設施也將會投入使用。國慶長假期間亦有多項活動舉行。

繼續閱讀 政府多項活動慶祝國慶 長假期展覽遊樂歡樂多 →

為慶祝中華人民共和國成立73周年，澳門特別行政區政府旅遊局將於10月1日星期六晚上9時在澳門旅遊塔對開海面燃放煙花，歷時大約15分鐘，歡迎居民及旅客到場觀賞，歡度國慶。

繼續閱讀 國慶73周年煙花耀濠江 →

各位朋友，今日係大除夕。聽日就係壬寅虎年大年初一啦！除咗與親友歡聚以及各種拜訪之外，今年政府、商業機構同社團，都安排咗好多新春活動畀市民同遊客慶祝新春。以下就收集咗部份活動供大家參考：

市政署

如果大家今日仲未買賀年花卉、各種飾物嘅話，今日仲可以去塔石廣場年宵市場，睇吓有冇機會執平貨！（開放時間：上午9時至明日凌晨2時）

農曆新年祈福亦都係唔少人嘅指定動作。市政署喺媽閣廟設置咗神香風車檔，方便各位善信上香，買枝風車轉返個好運啦！（營業時間：1月31日下午6時至2月1日下午6時30分，2月2日至7日上午9時至下午6時30分）

澳門亦係中國少數可以喺市區燃放爆竹煙花嘅地市。今年喺澳門孫逸仙大馬路（近旅遊塔新城填海地）、氹仔史伯泰海軍將軍馬路近海傍處兩處地點繼續設有售賣及燃放爆竹、煙花、火箭嘅檔攤。（營業時間：1月31日中午12時至2月1日凌晨1時；2月1日至5日上午10時至晚上12時）

新春象徵春天嘅開始，親親大自然就最適合不過啦！市政署亦喺農曆新年期間將會舉辦新春系列大自然活動，推廣環境保育訊息，並為市民提供節假日好去處。「新春大自然活動」分別於年初五（2月5日）在氹仔花城公園側（哥英布拉街）及年初六（2月6日）在祐漢街市公園舉行，時間由下午二時三十分至五時，現場設有互動遊戲、新春乾花掛飾工作坊、環保利是封盆景植物工作坊、植物換領等活動。

市政署亦會喺2月3、5、6、12、13日下午2點半到5點半喺龍環葡韻舉辦「新春工作坊」，內容包括：新年木製掛飾工作坊、花卉金屬框匙扣工作坊、賀年桃花輕黏土盆栽工作坊以及賀年大桔輕黏土盆栽工作坊，適合任何年齡人仕參加。

旅遊局

至於大年初一，當然要精神爽利啦！旅遊局喺當日早上10點半有「龍騰舞躍賀新春」，全長238米嘅大金龍和18頭瑞獅喺大年初一舉行盛大巡遊，沿途向觀眾拜年。財神爺、金童玉女、福祿壽、虎生肖同澳門旅遊吉祥物「麥麥」亦會喺大年初一同初二喺澳門多處地點向市民同遊客派發「金元寶」。

至於今年農曆年嘅重頭戲，就要數到年初三、初七同元宵節嘅煙花表演，同埋年初三同正月十二舉行嘅「《福虎生威轉乾坤》2022農曆新年花車匯演」。

文化局

喺農曆新年呢個傳統節日，文化局亦都有賀禮送畀大家喎！澳門博物館同澳門藝術博物館聯合推出博物館館藏系列口罩，精心挑選十件展品以當中的圖案元素設計十款成人版口罩及款中童版口罩。

新春期間將會首先推出以澳門博物館館藏祝賀掛帳元素設計嘅口罩。口罩以大紅為底色，綴以鳥蝶圖案上嘅藏青、銀白等傳統色系，精巧和諧嘅配色既顯大氣典雅，又不失新潮。春節期間佩戴，寓意使用者承載著各種祝福。只要於新春期間（2月1日至2月15日）參加文化局轄下文博設施嘅指定駐場導賞，在導賞完結後，即可獲贈此款新春口罩。口罩數量有限，派完即止，大家萬勿錯過！

社團活動

另外亦都介紹兩個社團活動。其中文物大使協會會喺2月1日至7日上午11點半、下午3點同4點半，分別舉辦「發現澳門」及「繽紛離島」社區旅遊駐點導賞活動，透過一系列在社區進行特色駐點導賞活動，由青年導賞員帶領遊客同市民深入社區，發現社區當中嘅歷史文化之美，同時連動在地商戶，向旅客介紹社區中嘅特色商戶，豐富旅客嘅旅遊體驗，助力澳門旅遊業向文化旅遊嘅方向轉型升級，並發展社區旅遊模式。有興趣嘅朋友可以到網上或現場報名，名額有限，先到先得。

除咗新年吃喝玩樂，大家仲可以一齊做吓手作仔，同時愛自己、愛地球，關心社會！喺澳門推動「聯合國可持續發展目標」嘅知識共享同倡議平台「世望屋」，將會同澳門正向月事推廣協會喺2月12日合辦「正向月事手作坊」，由專人教導大家製作可重用嘅布護墊/布衛生巾，齊齊喺新一年善待自己。名額十五人，有興趣嘅朋友可以到呢度報名。

為配合農曆新年正月初三、初七及元宵節的三場煙花表演，「澳人食住遊」本地遊將加入春節限定路線，帶居民以兩種不同角度觀賞煙花。

兩條以欣賞煙花表演為主軸的春節限定路線，內容包括：

觀光船上看 – 在海上遊的觀光船上享用自助晚餐，同時近距離觀賞煙花表演，感受瞬間震撼；並到澳門八景之一的「龍環葡韻」欣賞春節花卉及「龍環葡韻住宅式博物館」了解土生葡人文化。

主教山上看 – 在座落主教山半山的餐廳品嚐自助晚餐，於高處欣賞煙花及俯瞰澳門醉人夜景；亦會參觀「龍環葡韻」春節花卉展及「龍環葡韻住宅式博物館」。

春節限定團只在正月初三（2月3日）、初七（2月7日）及元宵節（2月15日）三天出團。有興趣人士請把握機會到參與計劃的旅行社或在澳門六家酒店／綜合度假村內特設諮詢櫃檯報名，與親友共度特別的新春佳節。

澳洲東部目前仍然受山火威脅，但根據澳洲SBS報道，儘管有超過二十五萬人簽署了要求取消雪梨除夕煙花的請願書，但無論如何，煙花表演亦將繼續進行。

這份請願書始於六週前，呼籲取消雪梨著名的除夕新年煙花表演，認為應把資金將重新分配給新州的乾旱情況和救濟森林大火。

雪梨市長摩亞表示煙花已經籌備了15個月，歌劇院的新年煙花表演更是使人們相聚，是整個澳洲無可取代的活動。另外，2020年的表演更會向難民傳遞重要的信息，因此無法取消。

她更表示這場表演能為新州帶來1.3億的經濟收入，認為可充分利用這場慶典的重要性與強大影響力，為澳洲的紅十字會救災復原基金籌款，以更積極的方法支援澳洲面對的山林大火。

（圖片： Brendan Esposito / AAP）

前日日本錄得今年第一次超過攝氏30度嘅高溫。有興趣去日本嘅朋友，不妨留意一下以下同夏天有關嘅詞語啦！

例如圖中提到嘅「真夏」（ま なつ ma natsu）日，係「盛夏日」嘅意思，即係一日最高溫超過30度嘅日子。而喺日本由於緯度比澳門高，超過25度已經算係「夏日」。超過35度叫「猛暑日」（もうしょび mo sho bi）。

如果夜晚最低溫超過20度、25度同30度，分別稱為「真夏夜」、「熱帶夜」（net tai ya）同「超熱帶夜」（cho net tai ya）。

日本夏天最主要嘅活動係「祭典」（祭，matsuri），例如係全國性嘅七夕、盆節（包括德島嘅阿波舞），東北三大祭典（青森睡魔祭、秋田燈竿祭、仙台七夕祭）、京都祗園祭等。大家都要著浴衣（yukata）出街，玩「花火」（煙花，hanabi）。盆節期間亦係日本人旅遊同送禮嘅旺季。

仲有，記得品嚐流水素麵（流しそうめん，nagashi somen）、喺「土用の丑の日」食鰻魚飯啦！

（圖片來源：livedoor）