隨著聖誕節慶的結束，「明日燈飾必須拆下」。在外國仍然流行用松、杉等樹木來裝飾家居。節日過後人們會如何處理它們？

繼續閱讀 聖誕節過後聖誕樹如何處理 →

疫情下，全球多國推出「居家令」，很多城市變成空城。就連市民享受陽光和水上活動的海灘都不例外。

在印度、巴西和美國等地的海灘，開始進入海龜產卵的時節。在巴西東北部的保利斯塔（Paulista），接近100隻小海龜破殼而出，奔向大西洋。只有野生動物保護官員見證了這一幕。

而在印度東海岸的奧里薩邦，3月14至21日就有多達40萬隻海龜回到出生的海灘產卵。上一次同等規模的場面發生於2013年，而2016年同一個地區就有15隻海龜產卵。

雌性海龜成長到有產卵能力需時至少20年。當地官員希望，大批海龜產卵的一個原因是當年在同一個海灘上出生的海龜已經成熟到能回來產卵。

雖然疫症和更多海龜產卵沒有直接關係，但少了人類的干擾，對海龜的產卵、出生和生存確實有好處。

（摘自《Esquire》中東版）

近年來全球興起「走塑運動」，普遍被認為係由一張鼻孔因插入膠飲管受傷流血嘅海龜而觸發嘅。

但海龜面對嘅生存威脅仲有好多，例如之前有提過產卵地被破壞就係好明顯嘅一種。

喺澳門，我哋由於人口密集，即使有海灘都係泳客去處，海龜唔會返嚟產卵。但喺我哋附近嘅珠江三角洲，惠州同香港都有海龜產卵地。

而香港唯一有海龜產卵嘅地方係南丫島嘅深灣。每年由6月1號開始都會封閉海灘至到10月31號。為咗保護呢一片產卵地、保障海龜嘅繁殖，希望大家唔好進入海灘同埋附近水域，唔好亂拋垃圾、扎營同進行水上活動，更加唔好騷擾海龜媽媽、海龜蛋同埋海龜BB。

須知海龜能夠平安長大再返嚟出世嘅地方繼續繁衍，過程就係充滿艱險。萬一佢哋唔再返去，咁海龜無法繁殖，好快呢種有一億五千萬年歷史嘅生物就會消失喺地球上！

香港漁農自然護理署
shorturl.at/gsOQ0

喺素有「人間天堂」美譽嘅印度洋島國馬爾代夫，上星期二傳出咗呢張震撼嘅照片：

一隻綠海龜喺地面上生咗三隻蛋，但仔細留意一下，所在地唔係我哋平時見到幼細嘅沙灘，而係灰黑堅硬嘅柏油路面！原來海龜係會記得自己出世嘅地方，長大咗就會返去產卵。

但呢隻海龜嘅家鄉已經變成一座機場。

當地媒體話海龜媽媽健康無大礙，亦已經被放歸大海。但佢以後點算？佢嘅龜BB又點算？

我哋為開發旅遊業，叫大自然付出咗幾大代價？