最近幾日都落大雨，大家可能會覺得出街會唔方便。

不過，放長嚟睇，舊年十月到今年五月，澳門有半年時間幾乎一滴雨都無，連霧都無乜。其實都幾令濠記擔心。驚乾旱呀嘛！

喺我哋鄰近嘅臺灣，最近大雨連連，似乎終於可以解除長達一年嘅旱情。就連位於臺灣中部日月潭嘅水位都就嚟全滿啦！以下片段採用縮時技術，等大家可以喺疫情期間，安座家中，就可以欣賞普降甘霖嘅療癒畫面啦！

There is no such thing as bad weather, only different kinds of good weather. —John Ruskin

沒有所謂壞天氣，只有各種好天氣——約翰‧拉斯金（英國評論家）

過去一個冬季澳門幾乎滴雨不下，直到2月9日才下過一場似樣嘅雨。

而喺臺灣，亦都出現超過半個世紀以來最嚴重嘅乾旱。由於舊年全年都無颱風經過，對依賴颱風雨供給，而且經濟以農業為主嘅中南部地區，影響就更加大。

位於中部南投縣、臺灣最大嘅淡水湖日月潭，水位已經低見737.69公尺，比豐水時期低足足十米，水量亦只有豐水期四成。位於湖泊東岸嘅九蛙疊像九隻青蛙全部都已經露出水面超過幾個月。西岸月牙灣原來喺水中嘅白色岩石亦露咗出嚟，呈現臺灣高山湖泊嘉明湖「天使眼淚」嘅景觀。水社地區清朝古屋殘存屋體露出水面，疑似當地原住民邵族水社部落遺址亦再次現身。乾旱亦導致部分碼頭浮排也近乎掂底，未能全部浮上水面，甚至要封閉。

受旱情影響嘅仲有水力發電。台電大觀發電廠副廠長黃陵育表示，若水位低見735米將召開應變會議，而低於732公尺將影響抽蓄發電。

（中央社）