疫情緩和，旅遊業復甦，就連遊學團都不例外。最近一家港澳區名校透露將會恢復舉辦北極考察團，親子同行收費十八萬港元起，引起熱烈討論。那考察團將會前往的斯瓦爾巴群島是個什麼樣的地方？

繼續閱讀 北極遊學團收費十八萬 斯瓦爾巴群島究竟有咩特別？ →

聖誕節除咗馬槽、聖誕樹、聖誕大餐之外，小朋友最鍾意嘅就係每年呢個時候，坐住馴鹿拉嘅車送禮物畀乖嘅小朋友嘅聖誕老人啦！

不過呢幾年聖誕老人似乎有麻煩喎：啲馴鹿唔見咗！佢哋去咗邊呢？

原來有波蘭科學家舊年夏天，喺挪威斯瓦爾巴群島（Svalbard）拍攝到有北極熊主動捕獵馴鹿嘅畫面。佢哋影到一頭年輕雌性北極熊追住一隻雄性馴鹿，追到冰冷嘅海水入面，將馴鹿捉住浸死，然後再把馴鹿拖到岸邊食咗。

科學家喺報告入面話，包括今次，佢哋接二連三觀察到一啲現象，顯示北極熊愈來愈常捕食陸上動物，以彌補只能捕獲有限海豹嘅不足。報告執筆人仲話，有跡象顯示，最近幾十年來，北極熊獵捕馴鹿嘅頻率有所增加。佢哋認為呢個現象受兩個因素影響，一個係海冰消退導致北極熊困喺陸嘅時間變長，二係自1925年發布禁獵令以來，斯瓦爾巴群島馴鹿嘅數量穩定增加。

不過都有科學家持不同意見，認為唔好過份解讀。加拿大艾伯塔大學教授德洛契爾（Andrew Derocher）話：「如果1950、60年代就有北極熊捕食馴鹿事件，咁呢種畫面很難睇到，因為當時斯瓦爾巴群島杳無人煙，也冇乜嘢北極熊同馴鹿。」

他又話：「而家現代媒體蓬勃發展，人手一台相機，日日上社群媒體，因此『新聞』好快就會傳開啦。」

（中央社）