利比亞媒體報道，一個來自蘇丹的家庭至少八人近日被發現在當地沙漠迷路，最後死亡，並發現了遺書。

根據當地警方調查所得，該家庭共廿一人，去年八月乘坐一輛白色豐田休旅車，自蘇丹西部城市法薩爾出發，原訂要前往利比亞東南部的庫法拉。

汽車在本月初才在庫法拉西南400公里外被發現。三女五男死者被發現時，屍身被拋出車外，部份人身體部份被埋在沙丘中。其餘十三人仍下落不明。

死者留下的手寫遺書中表示：「給找到這封信的人，這是我兄弟的電話……對不起，請原諒我沒有把媽媽帶給你。」

當局正繼續調查事件起因。

濠遊手記：

沙漠除了極度乾燥外，日夜溫差大，加上撒哈拉沙漠屬典型流動沙漠，風吹沙動。一場沙塵暴過後，沙丘形狀隨之改變，難以透過地面特徵辨別方向。

要到沙漠旅行，做足準備工作以外，也應該有熟悉沙漠環境的人帶領，單獨前往更是極度危險，國內外都曾經有多名專家、探險家在沙漠失蹤或死亡的案例。如果非專業人士，想體驗沙漠生活，建議參加當地旅行團，切莫冒險。

（New Arab）

大家一聽到沙漠，會諗到乜嘢？黃沙萬里？炎熱嘅天氣？駱駝商隊？

不過喺非洲，號稱世上最大嘅沙漠撒哈拉沙漠，最近就出現黃沙白雪同場嘅奇景！喺阿爾及利亞西北部嘅艾因塞夫拉（Aïn Séfra），上星期三錄得攝氏零下3度嘅低溫，沙丘上亦鋪上一層白雪，有人拍到人喺被冰覆蓋嘅沙丘上走過，留低黃色嘅腳印。

而喺中東嘅沙特阿拉伯，鄰近約旦嘅塔布克（Tabuk）地區亦錄得攝氏零下2度嘅低溫，有人拍到雪後駱駝嘅景象。當地喺夏天最高氣溫可以高達攝氏50度，而冬天平均氣溫係攝氏20.2度。就算係位於高山嘅塔布克地區，冬天平均氣溫係攝氏4度。

當地上一次出現落雪嘅情形要追溯到2018年。

而喺黎巴嫩、敘利亞同伊朗亦都有落雪，部份地區積雪更多達4英呎深。

有氣象分析員指沙漠落雪並不常見，不過唔係稀奇嘅事。另外有研究員透過分析撒哈拉地區雨量嘅變化，發現過去一個世紀由於氣候變化，沙漠面積明顯擴大。

（紐約郵報）