尋日介紹過阿根廷🇦🇷首都布宜諾斯艾利斯。咁阿根廷係咪淨係得首都好玩呢？

當然唔只啦！阿根廷係世界面積第八大國家，國境景觀多變化。最好玩嘅當然要出郊外啦！

只要開車離開首都，周圍都係一望無際嘅潘巴斯（Pampas）草原，係阿根廷土壤最肥沃、農業最發達嘅地區。呢度生活住「學騎馬早過學行路」嘅高卓人（Gauchos）。記得欣賞佢哋嘅馬術表演，然後享用埋阿根廷國菜——烤肉（Asado）、呷一口馬黛茶（maté）先再去下一個地點啦！

世界新七大奇景之一嘅伊瓜蘇瀑布（Iguazu Falls）位於阿根廷東北部。同尼亞加拉瀑布一樣，呢個瀑布都係跨國瀑布，係由阿根廷同巴西共同管理嘅：阿根廷喺瀑布右邊，佔80%。其實瀑布亦比較正對阿根廷方面，不過巴西都好聰明，修咗一條棧道，等由巴西出發嘅朋友睇多啲。去到不妨留意吓！路上仲可以參觀耶穌會喺當地向瓜拉尼人傳教點嘅遺址。

不過，所謂寶物尋歸底，阿根廷最好嘅風景都係需要啲時間先去到嘅。阿根廷南部係荒涼嘅巴塔哥尼亞高原（Patagonia）。呢度雖然寒冷、乾燥，人煙稀少，但呢度同時擁有冰川、荒漠同海洋，以及世界最南方嘅森林，以及包括美洲獅、美洲駝鳥、南方露脊鯨、海獅等野生動物。

講到天涯海角，世界上有好多地方都可以咁樣稱呼。不過阿根廷最南面嘅烏斯懷亞（Ushuaia）可以話係世上最南、較有規模嘅城市啦，有唔少遊輪停靠呢度。呢度亦有去南極洲嘅行程。
*****
如何前往阿根廷？

澳門未有直航機前往阿根廷。
從香港出發，亦需要至少轉一次機。
個人推薦皇家荷蘭航空（KLM）來回香港及布宜諾斯艾利斯HKD16,768，唔算最平，但平均需時比較好，單程都係30個鐘。中途只停阿姆斯特丹一站，方便又唔怕要申請過境簽證，方便之選！

尋日澳門🇲🇴同阿根廷🇦🇷正式簽署互免簽證協議，下個月13號起生效。屆時澳門特區護照持有人可以喺阿根廷免簽證逗留30日。

咁呢個「南美二哥」有啲咩好玩呢？

阿根廷位於南美洲東南部，呈倒三角形，南端伸入南極海域，西面有安弟斯山脈同智利隔開。北面有森林，東部有大草原。地理環境十分多元化。喺文化方面，阿根廷亦融合咗原住民族、西班牙、義大利同威爾斯等地移民嘅文化。天主教現任教宗方濟各就係義裔阿根廷人！

阿根廷首都係布宜諾斯艾利斯（Buenos Aires），位於拉布拉塔河口西岸，人口1560萬，係美洲第四大都會，亦係南半球最早有地鐵嘅城市。市內除咗有主要政府建築物外，仲有好多特色社區，例如係球王馬勒當拿成長嘅小保加（La Boca）區。呢度文化生活亦相當豐富，例如被譽為「世上最美書店」嘅雅典人書店（El Ateneo Grand Splendid）就喺聖菲大道。布宜諾斯艾利斯更係探戈舞嘅誕生地。無論係劇場、俱樂部，或者喺室外，都可能有機會欣賞到男男女女大跳探戈！

講到阿根廷最出名嘅女性，相信就係貝隆夫人（Eva Perón）啦！連著名歌手麥當娜都曾經喺電影中飾演過佢，仲唱過一曲《Don’t Cry for Me, Argentina》！佢死後就安葬喺拉雷科萊塔公墓（Cementerio de la Recoleta）。

中亞五個國家，以伊斯蘭教為主，又曾經受過沙俄以及蘇聯的統治，讓人有一種神秘的感覺。雖然蘇聯解體後，旅客增加，但港澳居民前往這些國家，多數需要簽證。

烏茲別克司法部9月12日宣佈，自2020年1月1日起包括香港特區護照持有人在內、持有來回機票、乘國際班抵達當地的中國公民可獲7日免簽證待遇。

目前，包括中國在內的70多個國家的公民可在兩個工作日內獲得電子旅遊簽證，在當地停留不超過30天。

（新華社 ）

澳門特別行政區政府接獲阿拉伯聯合酋長國（阿聯酋）🇦🇪政府的正式通知，澳門特別行政區護照持有人可免簽證進入阿拉伯聯合酋長國，逗留期為最多 30 天。

直至目前為止，共有 142 個國家或地區同意給予澳門特別行政區護 照持有人免簽證或落地簽證待遇。詳情可瀏覽身份證明局網頁: http://www.dsi.gov.mo/download/visa_free_list_c.pdf。