內地公佈「五一」勞動節由放一日假，增加至四日後，內地旅遊網站「去哪兒網」平台數據顯示，放假消息發佈一小時之內，網站機票搜索量迅速攀升，國際航線機票搜索量更是增幅達到10倍。
而阿里巴巴旗下嘅「飛豬」資料就顯示，當日早上十點至中午十二點，國內機票預訂量較上周同時段增長超過50%，國際機票增長超過150%。其中10：19—11：19消息發佈嘅一個鐘頭內，國內同國際機票預訂量分別增長咗30%和90%。
另外，攜程旅遊亦發表咗《2018「 五一」 小長假旅游大數據報告》，根據携程門票嘅數據，2018年預訂量最高嘅國內十大收費景區包括有上海迪士尼度假區、北京故宫、峨眉山、黃山風景區等，出境的有香港迪士尼樂園、日本環球影城、澳門新濠影匯等景區。
至於攜程「五一國內十大人氣免費景區」分別係：浙江杭州西湖、上海外灘、北京什刹海、廈門鼓浪嶼、南京中山陵、成都寬窄巷子、湖南鳳凰古城、海南三亞亞龍灣、雲南大理古城以及湖南長沙橘子洲景區。
據中新網報道，內地兩大航空公司國航和南航分別調整機票退改手續費收費標準，即將實行「階梯費率」。
國航將於2019年3月31日起實行新的國內客票退改手續費收費標準。新標準由兩檔收費標準調整為四檔，即實行「階梯費率」，分為「航班起飛前30天及之前」、「航班起飛前14至29天」、「航班起飛前4小時至13天」、「航班起飛前不足4小時至航班起飛後」，四個時間段內的退改手續費收費標準不同且時間計算精確到分鐘。同時，換開客票後退票由按照新票的退票規則收取退票手續費，改為按照原始客票（即第一張客票）的退票規則收取退票手續費。
南航從3月24日起，自願變更和自願退票手續費收費標準將實行「階梯費率」，共有四檔標準：航班起飛前7天及之前；航班起飛前兩天至六天；航班起飛前4小時至兩天內；航班起飛前不足4小時；四個時間段內的退改手續費收費標準不同且時間計算精確到分鐘。
兩大航空公司本次對於機票退改手續費做出的調整，是根據民航局去年7月發布的《關於改進民航票務服務工作的通知》要求進行的。該通知要求，航空公司銷售客票應當嚴格執行明碼標價規定，在官網、應用程式等渠道的顯著位置上及時、準確、全面地公布實際執行的國內航線旅客運價種類、水平及包括退改簽收費標準在內的適用條件，切實履行對旅客的告知義務，便於旅客查閱和社會監督；在旅客購買機票過程中，要清楚告知旅客退改簽收費標準等條件。
航空公司要合理確定客票退改簽收費標準，退票費不得高於客票的實際銷售價格。航空公司要統一規範直銷和分銷渠道的退改簽制度，確保全渠道（含直銷、分銷渠道）退改簽收費標準一致。
此外，航空公司要為旅客錯購機票（例如姓名書寫錯誤、重復購票等）提供免費補救措施。
（圖片來源：stuff、國南方航空）
聯合國喺過去嘅星期三（3月20日）世界幸福日公佈了年度世界幸福報告，位於北歐嘅芬蘭蟬聯榜首。
芬蘭人認為佢哋幸福嘅秘訣，係在於佢咃大自然之間嘅關係。想親身感受當地人嘅生活，學習做一個幸福嘅人？依家有個大好機會等緊你！
芬蘭國家旅遊局正推出「租一個芬蘭人」（Rent a Finn）嘅活動。今個夏天八位來自芬蘭各地嘅「幸福嚮導」希望透過分享佢哋同大自然之間嘅關係，搵到屬於你嘅幸福。
只有你唔怕講英文、以個人身份申請，同埋同意被拍攝，就可以參加。參加方法都好簡單，首先拍攝一段短片，介紹你自己、你同大自然嘅關係，同埋你點解想去芬蘭，然後填寫表格、上傳短片。芬蘭國家旅遊局將會為每一位（對）東道主挑選合適嘅參加者。然後你就可以踏上三日免費嘅芬蘭之旅啦！
報名日期由即日起至4月14日。立即登入rentafinn.com/zh/報名啦！
今日高雄市長來訪澳門，結果又講錯嘢。而且係同澳門特首夫人一齊錯：
原來韓市長引述：「崔世安伉儷非常喜歡高雄，特首夫人也來過高雄，說將來有機會能夠來高雄再度拜訪。唯一遺憾的是澳門的高雄之間飛機，班機沒有直接的往來，非常的可惜，希望將來澳門跟高雄這邊可以開通一些飛機的航班，他也覺得這些很有道理，回去有可能來互相爭取一下。」
即係兩位都搞錯咗。
而事實係：
根據澳門機場網頁顯示，有三間航空公司開辦來往澳門同高雄嘅航班，共三十二班。
澳門航空（每周十四班）
臺灣虎航（每周八班）
長榮航空（每周十班）
泰國喺星期日舉行大選。當地星期六晚六點到星期日晚六點全國將實施禁酒令。
另外，泰國疾病管制局日前亦提議要在今年宋干節（潑水節）長假第一天（4月13日）實施禁酒令。
（圖片：Designed by Vectors Market from http://www.flaticon.com）
最近有兩個關於地理嘅新聞，都係有關認唔出，或者認錯地方嘅。
一個係香港天文台招人，要測試應徵者嘅常識，當中一題佢哋喺一張無字嘅世界地圖點出香港嘅位置，當中有十幾人唔識。
另一個係訪問香港嘅高雄市長話「我印象中最快樂的國家大概在阿爾卑斯山旁邊，像不丹，與世無爭，居民都傻傻的很單純。」
第一個案例，一方面我們嘅資訊越來越豐富，但對於基本嘅問題，尤其是安身立命之所咁缺乏認識，是一件好可悲嘅事。你去旅行，即使你唔識路，至少都要知道自己從何處來，往何處去啩？
第二個案例，此人不但地理知識貧乏，言語中對當地人同佢哋的宗教帶有歧視。佢對東南亞人 / 南亞人嘅歧視言論已經不只係第一次。不過台灣人，甚至係港澳人對他們嘅偏見同歧視亦非少見。如果佢哋知道我哋咁樣嘅態度， 人哋稍為小器啲會願意同你交往咩？
聽日係二十四節節氣中，北半球「春分」嘅日子，即係太陽從喺黃道南到北、穿越赤道嘅日子。喺呢一日，日頭同夜晚長度係一樣嘅。
喺世界各地，唔同民族慶祝新年嘅日子都有唔同。而為伊朗人嚟講，「春分」呢一日就係新一年嘅開始，佢哋稱之為nowruz，中文譯做「納吾肉孜節」、「諾魯茲節」或「耨儒孜」。
受伊朗文化影響嘅阿富汗（波斯語係當地兩種官方語言之一）、中亞細亞、土耳其、中國嘅新疆，以至克里米亞、巴爾幹半島、印度同巴基斯坦都會慶祝呢個節日。呢一日亦係巴哈伊教嘅新年。
根據《伊朗日報》2017年嘅數字，全球有大約三億人會過波斯新年。2009年更被聯合國教科文組織列入「人類非物質文化遺產代表名錄」。
喺伊朗，「納吾肉孜節」慶祝期長達十三日。喺之前嘅星期三，當地人要先過火盤，象徵驅除厄運。
佢哋過節前同我哋過年一樣，都要大掃除、買新衫，然後將七樣有象徵性嘅物件擺上檯面，稱為「七鮮」（haftseen），仲要食團年飯。佢哋之後會拜訪親友，仲有諾魯茲爺爺同菲魯茲小丑派禮物畀小朋友。
最後一日要出外郊遊，避免惡運，有啲類似我哋嘅重陽節。
如果大家最近喺上述地區旅行，不妨都參加吓當地人嘅節日活動啦！
（Azita Mehran/Turmeric & Saffron）
為咗方便唔同地區嘅遊客，好多城市都會將自己嘅地名、車站站名等翻譯成各國語言。
不過，隨住互聯網、乃至翻譯軟件嘅普及，大家都好似唔再在乎翻譯嘅質量，結果鬧出笑話。就連一直以嚴謹認真態度聞名嘅日本都難以倖免。
事關大阪地鐵嘅網站，站名嘅翻譯好有問題，例如堺筋線（Sakaisuji sen）英文譯成「Sakai Muscle Line」（筋=肌肉）、天下茶屋站譯成「World Tea House」。
就連中文網頁都一樣，例如日語的「系統別担当営業所一覧表」（分區系統負責營業部一覽表）變成「美國菌株代表處」；「あべの橋」（阿部野橋）變成「安倍晉三的橋」。
如果唔及時清理呢個問題，可能會影響到2025年世界博覽會嘅舉行。
好心畀啲錢請個翻譯啦！
（上圖為正確版本；下圖為錯版）
衛生局今晚發出新聞稿，指一名十一個月大男嬰到瑞士旅遊返澳後確診麻疹，目前在山頂醫院隔離病房治療，仍有發燒，情況一般，為今年第四宗麻疹輸入病例。
衛生局表示，患者於本澳出生，因未到接種年齡，並未接種麻疹疫苗。患者於潛伏期內曾到瑞士旅遊，他在澳門同住的家人暫沒類似病徵。
其實，嬰兒一歲未到，抵抗力未發展完全。就算幼年時去了旅行，長大都好難有回憶——有研究指出，人類對三歲之前的事情沒有記憶力。在車船上哭鬧又會惹人煩厭。而且假如父母要外出旅遊，在澳門找人照顧應該未算太困難。
（圖片來源：維基共享資源）
嬰兒真的適合旅行嗎？
1999年3月19日，澳門文化中心、澳門藝術博物館正式啟用，到今日已經二十周年。兩間機構分別都有多項活動慶祝：
藝博館除咗目前仍在展覽中嘅「斯國斯民──俄羅斯國立特列季亞科夫畫廊精品展」，仲有3月22日開幕嘅「漫步濠情——黎鷹水彩畫展」、4月11日在開幕嘅「大英博物館館藏意大利文藝復興素描展」、5月初該館與中國美術館合辦嘅「美在新時代：中國美術館典藏大師作品展」。另外仲計劃同故宮博物院再度攜手合作，呈獻有關「一帶一路」以及「海上絲綢之路」主題嘅大型文物特展。
除咗上述展覽外，藝博館今年仲會推動「故宮青年實習計劃」、舉行系列講座及藝術教育推廣活動。
而文化中心方面，三、四月份分別有克里夫蘭管弦樂團音樂會、英國潔思敏．瓦丁蒙舞團演出嘅親子舞蹈劇場《木偶奇遇記》以及香港話劇團演出嘅法國話劇《父親》。
門票於2月24日起喺澳門文化中心同埋澳門售票網公開發售。有關演出詳情同購票優惠，請瀏覽澳門文化中心網頁 www.ccm.gov.mo 或致電2870 0699查詢，信用卡購票熱線2840 0555。
濠遊天下 Macau on Journey, 