濠記知道大家好想出國玩，見到有網站引述芬蘭國家旅遊局網站消息，話包括來自港澳在內嘅遊客可以由聽日起入境芬蘭，仲話唔駛打針唔駛檢測！就算返到嚟要隔離廿一日，係咪都有少少興奮呢？

不過，唔好話濠記潑大家冷水，因為件事情似乎係未完嘅。原來芬蘭旅遊局嘅新聞稿，的確有講港澳地區人士可以以非必要原因入境芬蘭，無需檢測。

但佢下面有寫：

More information on entry requirements is available on the Finnish Government’s COVID-19 pages.

咁即係話應該係以芬蘭政府個網站作為最終權威啦。

於是濠記就上咗去芬蘭政府個網站睇吓。結果睇到澳門嗰一欄，寫咗個Restricted，個心當堂就涼咗一截：

唔同標明entry permitted嘅地區，港澳地區居民入境嘅條件仍然係essential travel for work and other essential travel，即係必要旅行。中國內地居民外加「中國政府對歐盟推出對等措施」嘅條件，而自臺灣地區入境嘅准許僅限臺灣居民。想去芬蘭的玩嘅朋友就要再等吓啦！

再講，旅遊局更新時間係7月9日下午2點45分，但政府網頁更新時間係下午6點27分。咁你究竟會信邊一個呢？