來自法國的雅高酒店又有超級特惠！
全球超過3,300酒店都有七折優惠，包括澳門十六浦！
優惠只限會員尊享，A佳會員再九折！
優惠期：
至10月18日（酒店時間晚上11:59）
入住日期：
2019年12月15日——2020年3月1日（亞太地區以外）
2019年12月15日——2020年11月14日（亞太地區）
想搜尋低價，請到以下網址：https://www.accorhotels.com/geoloc/selectdisplayzone/index.zh.shtml
雅高酒店七折！澳門有份！
Category Archives: 酒店
姐妹福音！西班牙唯一女性限定酒店
西班牙擁有地中海的陽光與海灘，也有熱情浪漫的男子。不過想安安靜靜渡假、不受男士打擾的姐妹，如今也有新的選擇。
馬來西亞《星洲日報》7日報道，西班牙索姆唐納（Som Dona）酒店坐落在馬略卡島西岸，僅供14歲以上女性房客住宿，謝絕男性入內，自6月開幕以來廣受外界好評。
酒店是一家4星級的度假勝地，提供別致客房和公共設施，包括游泳池、露天陽臺和獨特的水療室。酒店有39間房，一晚房價介乎79至159歐元（折合701至1412澳門元），唯一附加條件就是所有房客須年滿14歲，且性染色體是XX（女性）。
酒店一概謝絕男性入住，因此理論上來講，不能偷偷帶男客進房。不過根據西班牙的反歧視法，酒店必須聘用部分男性員工，惟已盡可能營造女性友善的環境。
另外根據《Insider》報道，儘管酒店專爲閨蜜、母女或單身女性出遊放鬆的好地方，不過仍相當歡迎各種性傾向的女性客人入住。
酒店表示，每個細節都發女性爲中心，為房客帶來獨特體驗。房內的設計多以紅白色爲主調，餐廳和游泳池設施都特別依照女性需求設計。
酒店官網：
https://somhotels.es/hotel-som-dona/
期間限定！塔可鐘開酒店
尋日同大家介紹過日本城堡明年可以提供住宿服務，今日又介紹另一種特色住宿。
今次係美國著名嘅連鎖快餐店、主打美墨菜嘅塔可鐘（Taco Bell），酒店選址位於加州棕櫚泉（Palm Springs）。酒店將於8月9號開業。
話得明係餐廳開設嘅主題酒店，當然會有主題房間、池畔雞尾酒、特色商店同髮廊。而且酒店提供嘅餐廳菜色，都係酒店先有咋！
但酒店「經營期有限」，酒店將於六月起接受預訂。有興趣嘅朋友就要趁早啦！
酒店網頁
https://www.tacobell.com/the-bell-hotel
對同性戀雙重標準？華爾街抵制汶萊卻投資沙特
位於婆羅洲北部嘅產油國汶萊，上月初實施伊斯蘭法，當中最具爭議性嘅係，男同性戀者要處以亂石擲死之刑。而相關法例不但適用於穆斯林、非穆斯林以及外國人，亦適用於以汶萊為註冊國嘅飛機同船隻。
事件喺歐美各國引起抗議，其中演員佐治·古尼等人發起杯葛行動，拒絕去當地旅遊並拒絕入住由汶萊擁有嘅九間酒店：
The Dorchester, London
45 Park Lane, London
Coworth Park, UK
The Beverly Hills Hotel, Beverly Hills
Hotel Bel-Air, Los Angeles
Le Meurice, Paris
Hotel Plaza Athenee, Paris
Hotel Eden, Rome
Hotel Principe di Savoia, Milano
航空業界方面，澳洲維珍航空亦宣布為確保公司成員安全，取消同汶萊皇家航空嘅員工旅遊協議。以銷售學生與青年票務為主嘅國際旅行社STA亦表明其支持多元文化以及性小眾社群嘅立場，停止銷售國營嘅汶萊皇家航空機票以及介紹任何相關行程，並將協助已購票客戶進行退票服務。
倫敦交通局（TfL）喺法例實施首日（4月3日）以「引起公眾敏感與爭議」為理由撤回汶萊嘅旅遊宣傳廣告，但臺北捷運仍然有張貼相關廣告。
金融界方面，除咗德意志銀行上月初已宣布所有員工出差唔會使用上述酒店之外，包括摩根大通、高盛、美銀、花旗集團、富瑞、摩根士丹利、野村等華爾街大行，都已禁止員工入住汶萊上述酒店。政界方面，英國警察聯合會同執政保守黨亦喺日前宣布，將取消今個月在倫敦The Dorchester舉辦嘅活動，未來亦唔再使用嗰個場地。
投資者亦呼籲同汶萊聯營石油公司嘅蜆殼，保障喺當地工作嘅性小眾員工。
但同時摩根大通聯同高盛集團以及匯豐正協助沙特阿拉伯國營石油公司「沙特阿美」發行金額高達125億美金（約1,009億澳門元）嘅鉅額債券。而沙特係全球11個將同性戀者處死嘅國家之一。
至於汶萊方面，當地駐歐盟大使4月15日致函歐洲議會，解釋當地施行相關法律案例將少之又少，因為前提是必須有至少兩名「品德高尚、伊斯蘭教信仰虔誠嘅男性」出面作證，成案門檻相當高。
長達四頁嘅信函強調，施行相關刑法目的係為「捍衛傳統、宗教同文化價值，以及家族傳承與穆斯林婚姻嘅神聖性」，因此希望歐盟各國給予「包容、尊重、理解」。
濠遊天下 Macau on Journey, 