暑假來啦！喺呢一個大家繼續要staycation嘅夏天，本地有啲乜嘢嘅新路線、新玩法？今日濠記一連介紹兩個沿澳門西部海岸嘅旅行路線畀大家！

以前澳門人去路環係要坐渡輪嘅。不過隨著路氹連貫公路以及三座澳氹大橋落成通車，渡輪早已經成為上一代人嘅記憶。近年政府以海上遊形式令到路環渡輪重新復活。今個暑假澳門海上遊更推出媽閣至路環全新航線。濠記當然要同大家體驗一下啦！

星期六早上，媽閣新一號碼頭外，就已經迫滿準備乘搭頭班船嘅遊人。用電子支付購買船票，三人同行更可以有優惠。平均一人20蚊，雖然貴過巴士，但亦平過的士，又唔駛怕塞車，CP值唔差！

當日早上第一班船全船爆滿，好多乘客都係長者同埋小朋友。船隻雖小，但喺水上行駛非常平穩，毫無暈船感覺。船上有錄音介紹沿途景觀，欣賞景色之餘又可以增進對澳門、灣仔同橫琴嘅認識，係一個舒適又有教育意義嘅船程！渡輪二十分鐘就到路環碼頭，一落船就可以去買生曬海味，或者食返件葡撻、去荔枝碗嘆返杯400擊咖啡啦！

路環近年係好多本地居民周末渡假好去處。但進入路環市區道路只有兩條。一到假日經常出現車龍。用水路進出路環都不失係一個好選擇！

澳門海上遊（媽閣—路環—媽閣）

班次：逢周四至周日

10：30、12：00、13：00、15：00、16：30、18：00（媽閣—路環）

11：30、12：30、14：00、15：30、17：00、18：30（路環—媽閣）

單程票價：60元（三人同行一人價錢優惠）

船票預訂：澳門海上遊官網

• 

• 

• 

• 

• 

• 

• 

• 

• 

• 

• 

• 

• 

• 

• 

• 

---

第二個行程，比較有文藝氣息。大家對內港嘅印象可能係水浸連年，或者係每日喺度上落貨物嘅工人。但喺一百幾年前，為來自法國嘅畫家博爾傑（Auguste Borget）嚟講，呢度係一個新嘅世界……

濠記星期六下晝，跟住四維空間，以博爾傑嘅眼光，重新認識內港，呢個澳門最古老、又曾經係最繁榮嘅街區。

博爾傑喺澳門曾經生活咗半年，對昔日分隔中國人同葡國人嘅城牆另一面嘅世界感到十分好奇。佢除咗用畫筆記錄咗當時華人嘅生活習慣外，更將佢哋用文字帶返去祖家。當中包括咗相對歐洲嘅教堂，中國廟宇空間相對較小，而且各種功能嘅建築迫埋喺同一座城市入面。仲有中國人同西方人喺婚喪用色嘅差別……。水上人亦都係博爾傑經常描繪嘅對象，而水上人家嘅女仔，為咗安穩嘅生活，即將嫁上岸，又會面對乜嘢掙扎呢？

最後，主持人同大家介紹咗一個私房景點。喺俗稱「水上街市」嘅沙梨頭街市，原來有個天台，可以眺望內港以及對面珠海灣仔嘅景色。目前係休漁期，內港水面泊滿曬漁船，更顯得熱鬧。而喺天台邊有兩位長者，一男一女，為我哋獻唱流行於廣東一帶水上人家之間嘅「鹹水歌」，等我哋用聲音體驗水上人嘅生活。主持人仲講，如果大家肚餓了，仲可以喺街市買最新鮮嘅海鮮，再畀啲加工貨，就可以品嚐到一餐海鮮餐，唔駛去釜山札嘎其市場啦！

雖然《跟著博爾傑漫步內港》最後兩場已經額滿，但跟接住7月17日起、由英姿舞園負責演出嘅《歸． 航》，將帶大家以舞蹈探索司打口一帶。有興趣嘅朋友記得把握機會報名，支持本地文創啦！

• 

• 

• 

• 

• 

• 

延伸活動

休漁漁家樂

日期：7月10、11、17、18日

時間：上午10:30、下午2:30及4:30

上船地點：青洲塘

售票地點：為澳門媽閣廟前地舊一號碼頭

售票時間：週三至週五上午09:30至下午5:30（購買緊接的週六、日航班之船票）

票價：40澳門元

英姿舞園《歸． 航》

日期：7月17日—8月15日（逢星期六、日）

時間：下午5時至6：30

地點：司打口（柯邦迪前地）

報名：澳門文化局活動報名系統

法國作家凡爾納的《80日環遊世界》相信是啟發很多旅人的入門書。印度原來也有一家公司開發了70日由印度德里到英國倫敦，再回到德里的巴士之旅。公司組織同類行程已經亦非第一次，在2017至19年間，曾組織三次同一路線的自駕遊旅程。

這一趟巴士之旅，單程全長20000公里，途經18個國家，包括印度、緬甸、泰國、老撾、中國、吉爾吉斯、烏茲別克、哈薩克、俄羅斯、拉脫維亞、立陶宛、波蘭、捷克、德國、荷蘭、比利時、法國，最後到達倫敦。

沿途經過著名城市包括仰光、曼谷、昆明、成都、喀什、薩馬爾罕、布哈拉、莫斯科、布拉格、法蘭克福和布魯塞爾。特殊景觀有緬甸的蒲金和大金石、東南亞最大的湄公河，中國的松潘草原、嘉峪關、敦煌、吐魯番和天山，以及俄羅斯母親河和世界最大湖泊里海交匯的伏爾加河三角洲！

70日旅程，費用包括酒店雙人標準房間、餐飲、簽證、導遊、本地遊等。大巴也配備了WiFi、USB接頭，以及私人娛樂系統等。車上也有茶水間供應飲品小食。為保護乘客私隱，座位間設有間隔。乘客可攜帶兩件行李箱，車上並備有儲物櫃，方便收藏貴重物品。

從德里前往倫敦的行程明年5月出發，8月將從倫敦起程回德里，可以選擇全路段或參加部份路段（全程參與優先）。全程費用為150萬印度盧比（折合163111澳門元）。行程名額只有20位！有興趣挑戰自己的朋友，不妨上公司官網（https://bustolondon.in）了解詳情啦！

不過濠仔建議，持中國或者港澳特區護照的朋友，避開印度，直接報名二、三、四段，即成都或以後的行程，因為印度段會經過印度東北部。當地屬於與中國有邊界糾紛的地區，除了印度簽證外，還需要另外申請進入該地區的許可證。加上目前中印局勢緊張，申請只會難上加難！#濠遊天下#印度#德里#英國#倫敦