總部設於西班牙馬德里嘅世界旅遊組織（WTO）公佈咗最新嘅《世界旅遊晴雨表》，數據顯示，今年首季全球旅客數量增長達4%。

按地區分，中東地區和亞太地區分別增長8%同6%，歐洲同非洲增長有4%，美洲增長3%。

組織總幹事祖拉布•波洛利卡什維利指出，首季增長是由強勁經濟環境、航空運力增加以及更便利簽證政策所推動。「雖然比起過去兩年有輕微放緩，旅遊業成長仍然領先於全球整體經濟增長。」

按區域分，亞太地區增長主要來自東北亞地區，該區客量同期增長達9%，主要受惠於中國市場嘅強勁增長。

波洛利卡什維利又指出：「增長亦意味著更大責任，使旅遊業轉化為更好嘅職位同生活。旅遊業要繼續喺創新、數碼轉型同教育嘅投資，透過更好地控制旅客流，喺利用旅遊業好處嘅同時，疏導對環境同社會嘅影響。」

組織預測今年國際旅客量將增加三至四個百分點。

世界旅遊組織成立於1975年，有158個成員國、6個附屬成員（包括澳門）同兩個觀察員。係聯合國下15個專門機構之一，宗旨係促進同發展旅遊事業以利於經濟發展。

（Travel Daily）