萬眾期待！

「2021請假攻略：澳門篇」圖卡，經過設計師一輪努力，已經製作完成。現在送畀各位版友，好好在家做功課，準備明年去旅行！

身為澳門人，都應該知道澳門位於中國南方沿海。

不過最近有網民同版主分享佢遇到嘅一張圖，係屬於某社團嘅會徽，當中澳門被標到應該係美國佛羅里達州嘅位置。有朋友就表示羨慕，又有人笑話佛羅里達州係「大澳門帝國海外殖民地」。

其實即使我哋由澳門向下，假設可以挖到地球另一端，都唔會到達佛羅里達。呢個點喺地理學上稱為對蹠點（antipode）。

其實要計出一個地方嘅對蹠點好簡單。澳門地坐標係北緯22°11’47″、東經113°32’58″。然後將佢轉換成南緯22°11’47″、西經68°27’02″（180減去113°32’58″），就係澳門嘅對蹠點啦。

據此結果，澳門嘅對蹠點係位於阿根廷西北部胡胡伊省聖卡塔里娜縣、接近玻利維亞邊界。以北緯22°11’47″、西經113°32’58″計算，座標係位於墨西哥西南嘅太平洋海面。如果用北緯22°11’47、西經68°27’02″計算，坐標會落喺波多黎各以北、英國屬地特克斯和凱科斯群島以東嘅大西洋海面，但都唔會係佛羅里達。

而由於海洋佔地球表面面積七成，所以「陸地的另一端是陸地」情況並唔常見，而有人居住嘅地方更係少之又少，例如香港嘅對蹠點係胡胡伊省首府聖薩爾瓦多-德胡胡伊。

今年由於新型肺炎打擊，相信大家好多旅遊計劃已經告吹。不過與其感慨今年，不如寄望明年。如果疫情消退，大家就可以重錘出擊！

政府公報刊登行政公職局通告，公佈《二零二一年度公眾假期、公共行政工作人員獲豁免上班及補假日的日期表》。

其中明年農曆年大年初一會喺2月12日，也即係話情人節會喺年初三「赤口」日！各位情人要浪漫又要避免嗌交，真係要花啲心思啦！亦由於初二、初三係星期六、日，初四、初五公務員朋友亦會有補假。

而明年清明節正好係復活節正日，亦由於咁，復活節後星期二亦會補假。

年尾長假期方面，回歸紀念日喺星期一，所以可以由12月18日（星期六）開始放假，請22、23兩日，就可以連聖誕節（星期六）、之後嘅星期日同埋星期一補假，放足十日啦！

周末會有最新請假卡送出。敬請期待！

完整假期表：
https://bo.io.gov.mo/bo/ii/2020/17/avisosoficiais_cn.asp#dsafp

施政報告有關旅遊業的政策：

1. 旅遊局轉歸經濟財政司。
2. 適當時候請求中央政府恢復內地赴澳旅遊簽註審批，增加自由行城市，並與廣東省協商放寬廣東居民赴澳旅遊簽註政策，恢復旅遊業發展。
3. 在疫情基本穩定而內地赴澳簽註尚未恢復之前，推行澳門居民「本地遊」和「橫琴及鄰近地區遊」等旅遊活動計劃，加深澳門居民對澳門世界文化遺產和景點以及橫琴的認知。
4. 增加舉辦節慶盛事，推行有關獎勵措施，鼓勵鄰近地區
   居民來澳旅遊和消費，特別是鼓勵留澳過夜消費。
5. 逐步恢復澳門旅遊業的活力，維持導遊、司機及相關就業人員的生計。

尋日喺內港柏港停車場掘出一台大炮。好多人話澳門街掘路掘咗咁多年，終於有掘到寶嘅一日！

奇就奇在，喺呢個位置，文獻並無記載有炮台存在過。至於呢支炮點會喺呢個位置，相信要交由專家研究啦！

其實你又知唔知澳門有幾多座炮台呢？一共有十六座咁多！佢哋分別係：大家最熟悉嘅大炮台、松山上嘅東望洋炮台，呢兩座都係澳門歷史城區嘅一部分。其他現存嘅炮台有望廈炮台、燒灰爐炮台、嘉思欄炮台、西望洋山炮台、竹仔室炮台同媽閣炮台，大部分都已經改建。至於仁伯爵炮台 、伯多祿炮台、沙梨頭炮台、青洲山炮台、馬交石炮台同臘一炮台就因拆卸已經消失咗。另外氹仔同路環都各有一座炮台。

其實澳門喺17世紀20年代之前，係一個不設防的城市。但係由於荷蘭人曾經試圖入侵澳門，喺明朝嘅默許下，澳門亦都開始修築自己嘅防禦工事。以大炮台為中心，先以城牆連接澳門東西兩岸，並喺南灣再修築炮台，再用城牆連接炮台與炮台之間，監視海面上嘅動靜。

炮台除咗有防禦、儲存槍械彈藥，甚至食水嘅功能，亦需要架設大炮，作為實際嘅武器之用。澳門早期嘅炮台，例如大炮台，上面嘅大炮都係向着南方。澳葡政府19世紀中期開始對澳門實施殖民管治，新嘅炮台大炮嘅坐向就對住北方，瞄準中國內地。大家去大炮台同望廈炮台參觀嘅時候不妨留意吓！

喺疫情下，市民留喺澳門活動，假日期間多咗市民享受大自然。而近來去路氹城保護區、大炮台、松山，有不少觀鳥人士，帶埋「長短火」拍攝雀鳥生態。

原來根據市政署2018年的調查，澳門有126種雀鳥，分屬12目41科，其中留鳥57種，佔總鳥種45%；遷徙鳥包括：冬候鳥、夏候鳥和遷徙過境鳥69種。

本澳優勢種是白頭鵯，共記錄3050隻，另外小白鷺5302隻；常見種有10種，其中珠頸斑鳩、八哥、長尾縫葉鶯、暗綠繡眼及麻雀等五種屬於林鳥，蒼鷺、大白鷺、池鷺、夜鷺及綠翅鴨等五種屬於水鳥。

另外，2018年本澳也新記錄了兩個鳥種，分別是烏鵑及鳳頭潛鴨。另外，中國二級保護鳥類有八種，包括岩鷺、黑臉琵鷺、黑鳶、松雀鷹、普通鵟、白腹海雕、鳳頭鷹及褐翅鴉鵑。

至於分佈方面，松山、紀念孫中山市政公園、大潭山環山徑、小潭山2000環山徑、黑沙水庫家樂徑、東北步行徑系統、九澳水庫環湖徑、龍環葡韻濕地、路氹城生態一區和二區都錄得超過30種鳥類。

各位朋友，趁復活節假期，不妨出外欣賞各種鳥類，認識澳門豐富的生態啦！不過要記得保持社交距離同地方清潔，同埋要安靜、唔好騷擾雀仔呀！

（圖片攝於2019年，下紅圈為黑臉琵鷺）

政府初步構想將改建部分氹仔碼頭用作澳門國際機場第二候機樓，將設值機櫃台及候機室，透過專道和穿梭巴士將乘客送往機場內，預計可分流四間航空公司的140萬至150萬人次。

土地及公共批給事務跟進委員會跟進機場規劃和發展，委員會主席李靜儀引述政府代表稱，擴建由於涉及氹仔碼頭，需修改與機場專營公司的管理合同，政府爭取暑假前公布詳細方案。

而機場整體擴建規劃有待中央批覆才能確定填海、並因供砂價格需求緊張，未能清晰填海造地費用及時間表等，機場擴建後可容納客量年均約1,500萬人次，現時為700萬人次。政府代表在會上亦表示，政府只負責機場擴建填海工程，上蓋物業則會由專營公司興建及投資。

（澳門電台 ）