七十四年前今日嘅呢一刻（日本時間1945年8月9日早上11點02分），日本長崎遭到原子爆彈攻擊。
尋日，喺原爆中心點不遠，當年遭到原子彈毀滅嘅「浦上天主堂」嘅十字架，亦由美國威明頓大學交還聖堂所屬嘅天主教長崎總教區。
可惜嘅係，美國上星期五（8月2日）正式退出《中程導彈條約》，預計美國幾星期內會試射導彈。咁將會終結上世紀八十年代尾「冷戰」結束以來，相對和平嘅局面。戰爭風險再次升溫。
願世界和平，不要再搞核武，不要軍備競賽，因為下一場戰爭，我哋無一個人係贏家。
日本係深受港澳人歡迎嘅旅遊目的地，有啲人甚至視日本係第二故鄉，去日本都叫「返鄉下」。
但多數人去日本，來來去去都係東京、京阪神、北海道或者琉球（沖繩）。有冇試吓深入一啲，去一啲小島過幾日呢？
根據日本阪急交通社根據2018年6月31日到今年5月31日報團數據，日本最受歡迎嘅十個離島依次係：
1. 利尻島、禮文島（北海道）
2. 石垣島（沖繩縣）
3. 五島列島（長崎縣）
4. 竹富島（沖繩縣）
5. 軍艦島（長崎縣）
6. 西表島（沖繩縣）
7. 屋久島（鹿兒島縣）
8. 小豆島（香川縣）
9. 淡路島（兵庫縣）
10. 宮古島（沖繩縣）
其中石垣島同軍艦島都係近年新寵兒。而屋久島、軍艦島，仲有擁有隱藏基督徒遺址嘅「五島群島」都被列入世界遺產。
至於排名第一嘅利尻島、禮文島，位於北海道西部對開，分別擁有「利尻富士」以及珍貴嘅濕地同高山植物。而小豆島就以類似地中海嘅乾燥氣候以及橄欖樹聞名日本。
—–
原文：
全国の離島ランキングを発表！ 世界遺産効果？で五島列島、軍艦島がランクアップ～阪急交通社の離島関連ツアー年間申込者数より～
shorturl.at/HU135
（圖片來源：株式会社 阪急交通社）
日本西部近日受到大雨影響。
至日本時間下午六時，鹿兒島市、宮崎市等發出第二級的「避難指示」。至於熊本市仍處於第四級的「避難準備」。
日本氣象局廳亦對大阪府、高知縣、愛媛縣、福岡縣、長崎縣、大分縣發出「大雨洪水警報」，對鹿兒島縣、宮崎縣、熊本縣、奄美群島發出「山泥傾瀉警報」。
（圖片：日本氣象廳）
長榮根本沒有飛長崎的航班好嘛！
位於日本四國松山市嘅道後溫泉，係「日本三古湯」之一，亦係宮崎駿動畫《千與千尋》嘅靈感來源。
溫泉旅館（本館）自今年初開始七年大修，而館方為宣揚維修後嘅溫泉將「浴火重生」，同日本漫畫大師、已故嘅手塚治虫筆下嘅著名「火鳥」角色合作，設置了以其為主題嘅遮陽幕同燈籠，仲有光影演出。而七月中開始，東側嘅三分一會以繪有原創彩圖嘅防塵布圍住。
但想享受日本最古老溫泉嘅朋友唔需要擔心，大修期間一樓「神之湯」公眾浴場仍然開放。
道後溫泉前往方法——
JR松山站搭乘伊予鐵道市內電車到道後溫泉站，步行4分鐘
道後溫泉官方網站
https://dogo.jp/tw/
根據澳門航空星期五發佈嘅消息，由於日本大阪將於今個月底舉行20國集團峰會，保安措施將會加強。
1. 6月27至30日期間關西機場將實施嚴格安檢措施，並對機場接駁橋及機場島內進行交通管制。請乘客務必預留充裕時間前往關西機場及於航班起飛時間前120分鐘抵達辦理登機手續。
受影響航班包括：
大阪—澳門 NX855 2019.06.27 – 30
2. 同一時間所有由澳門前往日本的乘客於登機前需接受二次安檢；請於航班起飛時間前120分鐘抵達機場辦理登機手續。
受影響航班包括：
澳門—東京 NX862 2019.06.27 – 30
澳門—大阪 NX856 2019.06.27 – 30
澳門—福岡 NX806 2019.06.28, 2019.06.30
（Image by Arut Thongsombut from Pixabay ）
每年春夏之交，係日本奈良鹿生育嘅時節，鹿仔會喺呢個時候出世。
當地保育團體近日發出呼籲，叫遊客唔好觸摸鹿仔。因為鹿媽媽聞到鹿仔身上有人嘅氣味，會拒絕撫養，令鹿仔死亡。
網民亦已經將保育團體嘅呼籲翻譯成中、英、韓等語言。
（圖片：一般財団法人奈良の鹿愛護会）
「爆買」是近年來中國遊客到日本的代名詞。不過，這個代名詞似乎要被改寫。日本旅遊網站16日文章指出，自從2016年日元升值、赴日的觀光客消費意欲減弱，加上中國海關稅制變化，爆買現象逐漸減少，取而代之的是「洗肺」之旅，中國客愛到非熱門地點吸入清新空氣，並「主攻」洗肺、養肺的藥物。
中國的空氣質素欠佳，令中國人自2013年起，興起到國內的「洗肺」之旅，「洗肺」版圖之後擴展到的泰國布吉 、印尼的峇里島等，現在輪到日本。旅遊新聞網站「訪日LAB」總編根本一矢說：「現在正值從旅行團到自由行的轉變期，許多中國人不再走固定黃金路線，轉而探尋未知地，於是興起到日本地方城市的旅遊熱潮。」
文章指，今年中國五一長假的首日，從上海飛到日本九州佐賀機場的所有航班，入座率平均為99.5%。佐賀縣觀光科負責人指，從上海直飛佐賀的中國遊客，從2012年的6,020人，暴增到2018年的5.9萬人；佐賀擁有優美田園風光，在當地「洗肺」去年起在中國社交媒體上成為熱話。這也令福岡縣能古島的海島公園在自己官方賬號上，加上「洗肺」之類的關鍵詞，負責宣傳的山崎浩昭說：「經常能看見中國遊客在這裏深呼吸，沒想到原來是在洗肺。」
此外，文章還指，中國遊客還喜歡購買能改善因抽煙、吸入汽車廢氣等引起的肺部不適、咳嗽等症狀的藥物，比如日本小林製藥的「清肺湯顆粒」，今年第一季度銷量預期同比增長126%，中國遊客貢獻了其中80%銷量。
（香港《蘋果日報》；圖片：小林製藥）
外交部微信公眾戶「領事直通車」昨日發文，指6月28至29日，2019年二十國集團大阪峰會（G20大阪峰會）將在日本大阪市召開，屆時日方將對市內部分道路實施交通管制。駐大阪總領館提醒在日僑胞及中國遊客關注日政府發佈的相關公告並注意以下事項：
另外，當地著名風化區「飛田新地」屆時亦會暫停營業，以期對外營造良好印象。
法國城堡可能大家有住過，咁日本城堡你又住過未？
不過大家有機會啦！日本第一間供旅客住宿嘅城堡明年7月將要開業啦！地位係位於九州長崎縣、「日本百名城」之一嘅平戶城。
根據《西日本新聞》報道，具體作住宿設施嘅係1977年以鋼筋混凝土重建而成嘅「懷柔櫓」（懐柔櫓），面積有127平方公尺，二樓可眺望平戶大橋。至於內部裝修同住宿費用暫時未定，但市政府已經就設計同營運公開招標。計劃亦得到中央政府7000萬日元嘅資助，佔重修費用一半。
其實2017年平戶城天守閣曾經招募過一對伴侶留宿一晚，結果吸引咗7,248對情侶報名，其中4,241對係海外遊客。
地址：〒859-5121 長崎縣平戶市岩上町1458
電話：0950-22-2201
營業時間：8：30～17：30
休假日：12月30日～12月31日
門票：500日元
停車場：有
前往方法：JR佐世保站乘西肥巴士至「平戶市役所前」步行10分鐘
（圖片：九州觀光推進機構）
