喺中國，我哋有老奶奶
喺俄羅斯，都有老大媽
喺義大利，有Nonna（嫲嫲）

疫情當前，不如聽吓義大利嫲嫲有咩招數？影片仲有中文字幕，可以順便學吓義大利文！

所謂「家有一老，如有一寶」。大家都要愛錫爺爺嫲嫲公公婆婆，聽佢哋嘅話啊！ 

PS 義大利文女人係donna，嫲嫲叫nonna，其實好易記！

疫情未過，口罩成為生活不可缺少嘅一部份。

但喺某啲地方口罩供應緊張，或者有啲人擔心防護指數不足，各種抗疫奇招就應運而生。例如內地有病人家屬，為幫屋企人去攞藥，就著住全身恐龍裝，引人注目。

不過，有內地醫生指呢種做法不可取，因為呢啲「公仔衫」有空隙，會令人接觸到病毒，起唔到絕對嘅防護作用。