「電子身份」標識將於明日起啟用，並率先應用於兩地兩檢的口岸，並將逐步擴大應用範圍。本文將一次為大家解釋「電子身份」的特徵、使用方法和適用範圍。

仲有唔夠兩個星期就到「五一」假期啦。內地今年維持五日長假，加上內地疫情趨緩，相信會有新一波旅遊熱。咁今年有邊啲熱門地點，又有咩方法可以玩得舒服，唔駛成為人山人海一分子呢？

內地旅遊平臺飛豬聯合大麥近日發佈出遊指南，指出夜遊、反向遊有助避免擠擁，二線城市出發航班成本低，同時內地時下流行演出遊、考古遊，文旅結合可以令大家玩之餘又可以長知識。

飛豬平臺上五一旅遊量價齊升，全面反超疫情前。旅遊度假同酒店預訂量同比增長11倍。超過3小時的跨省長線遊預訂量同比增長150%，疫情後增幅首次超過周邊遊。

指南指出，從目的地熱度睇，北京、上海、杭州、三亞、廣州、成都、重慶、深圳、廈門、南京和武漢等地預訂較為熱烈。西北、西南地區亦有唔少黑馬，西寧、烏魯木齊、蘭州和被譽為「甜野男孩」的藏族男孩丁真家鄉四川甘孜越來越受歡迎，搜索熱度同比分別增長630%、500%、380%和510%。

今年五一旅遊客單價同比增長近三成，機票價格較疫情前增長兩成以上。避開熱門出發機場係降低旅遊成本嘅明智之舉。飛豬數據顯示，從二三線城市飛往海南、甘肅、新疆等熱門目的地嘅機票價格減幅較大，比如五一期間從上海飛往三亞最平嘅經濟艙價格也要2250元人民幣，而從寧波飛三亞只需570元，低至三折。

仲有一啲用戶選擇反向遊，前往非一線省會城市來一場City Walk或者去小眾目的地深度遊，比如從濟南飛延安低至1.4折僅需320元，北京飛舟山2.1折570元，上海飛南昌2.5折260元，杭州飛濟南3折330元。

澳門作為第一個恢復簽注辦理的出境遊目的地，五一也將迎來出遊高峰。飛豬數據顯示，4月以來，澳門旅遊預訂人次同比增長1500%。澳門塔、威尼斯人貢多拉同teamlab、巴黎人鐵塔、8字摩天輪是人氣最旺嘅景點。

零零後五一旅遊預訂量同比增長570%，增速排名第一。三線及以下城市旅遊人次佔比近65%，寧波、蘇州、長沙、合肥、大連、瀋陽、鄭州、溫州、福州和南昌等地預訂增速較快。

此外，年輕人當道使得今年五一嘅玩法也發生了改變，跨城旅遊與其景區打卡，不如去音樂節High。據大麥數據顯示，五一長假期間，全國各地將舉辦20幾場音樂節，多場音樂節落地到旅遊城市，如常州太湖灣音樂節、常州新龍森林音樂節，海南M_DSK音樂節、杭州兔子山下音樂節、南京咪豆音樂節、上海國潮音樂節等。此外還有老牌音樂節武漢草莓音樂節。購買五一期間音樂節嘅用戶中超六成選擇跨城觀演。

（東方網）

日本駐港總領事館已經證實，星期一（3/9）起暫停港澳居民免簽證待遇。如果短期內有需要去日本的朋友，就要申請簽證。

首先，澳門屬於日本駐香港總領事館的管轄範圍內。除非透過旅行社申請，否則無論你是否已預約，都需要親自到香港簽證中心辦理。

申請簽證需要填妥表格、拍攝照片（彩色、半年內拍攝、4.5 厘米 x 4.5 厘米、正面、免冠、無背景），備妥相關文件（包括身分證、公司信、收入證明、行程，如果行程性質屬採親訪友或短期商務則需要日方擔保），以及繳交HKD210（單次簽）的簽證費及HKD270的服務費（現金交收）。

【又：下星期一起中（含港澳）、韓居民入境後要在指定地點隔離14天。來自中韓兩國的航班亦只可於成田和關西國際機場降落。】

日本簽證申請中心
地址：香港北角電氣道148號16樓3室
提交申請時間：星期一至星期五
08:30 – 15:00（預約申請）、08:30 – 13:30（非預約申請）
領證時間：星期一至星期五
08:30 – 16:45（亦可選擇快遞取證，至香港HK60，至澳門HKD280）
網址：https://www.vfsglobal.com/japan/Hongkong

尋日介紹過阿根廷🇦🇷首都布宜諾斯艾利斯。咁阿根廷係咪淨係得首都好玩呢？

當然唔只啦！阿根廷係世界面積第八大國家，國境景觀多變化。最好玩嘅當然要出郊外啦！

只要開車離開首都，周圍都係一望無際嘅潘巴斯（Pampas）草原，係阿根廷土壤最肥沃、農業最發達嘅地區。呢度生活住「學騎馬早過學行路」嘅高卓人（Gauchos）。記得欣賞佢哋嘅馬術表演，然後享用埋阿根廷國菜——烤肉（Asado）、呷一口馬黛茶（maté）先再去下一個地點啦！

世界新七大奇景之一嘅伊瓜蘇瀑布（Iguazu Falls）位於阿根廷東北部。同尼亞加拉瀑布一樣，呢個瀑布都係跨國瀑布，係由阿根廷同巴西共同管理嘅：阿根廷喺瀑布右邊，佔80%。其實瀑布亦比較正對阿根廷方面，不過巴西都好聰明，修咗一條棧道，等由巴西出發嘅朋友睇多啲。去到不妨留意吓！路上仲可以參觀耶穌會喺當地向瓜拉尼人傳教點嘅遺址。

不過，所謂寶物尋歸底，阿根廷最好嘅風景都係需要啲時間先去到嘅。阿根廷南部係荒涼嘅巴塔哥尼亞高原（Patagonia）。呢度雖然寒冷、乾燥，人煙稀少，但呢度同時擁有冰川、荒漠同海洋，以及世界最南方嘅森林，以及包括美洲獅、美洲駝鳥、南方露脊鯨、海獅等野生動物。

講到天涯海角，世界上有好多地方都可以咁樣稱呼。不過阿根廷最南面嘅烏斯懷亞（Ushuaia）可以話係世上最南、較有規模嘅城市啦，有唔少遊輪停靠呢度。呢度亦有去南極洲嘅行程。
*****
如何前往阿根廷？

澳門未有直航機前往阿根廷。
從香港出發，亦需要至少轉一次機。
個人推薦皇家荷蘭航空（KLM）來回香港及布宜諾斯艾利斯HKD16,768，唔算最平，但平均需時比較好，單程都係30個鐘。中途只停阿姆斯特丹一站，方便又唔怕要申請過境簽證，方便之選！

尋日澳門🇲🇴同阿根廷🇦🇷正式簽署互免簽證協議，下個月13號起生效。屆時澳門特區護照持有人可以喺阿根廷免簽證逗留30日。

咁呢個「南美二哥」有啲咩好玩呢？

阿根廷位於南美洲東南部，呈倒三角形，南端伸入南極海域，西面有安弟斯山脈同智利隔開。北面有森林，東部有大草原。地理環境十分多元化。喺文化方面，阿根廷亦融合咗原住民族、西班牙、義大利同威爾斯等地移民嘅文化。天主教現任教宗方濟各就係義裔阿根廷人！

阿根廷首都係布宜諾斯艾利斯（Buenos Aires），位於拉布拉塔河口西岸，人口1560萬，係美洲第四大都會，亦係南半球最早有地鐵嘅城市。市內除咗有主要政府建築物外，仲有好多特色社區，例如係球王馬勒當拿成長嘅小保加（La Boca）區。呢度文化生活亦相當豐富，例如被譽為「世上最美書店」嘅雅典人書店（El Ateneo Grand Splendid）就喺聖菲大道。布宜諾斯艾利斯更係探戈舞嘅誕生地。無論係劇場、俱樂部，或者喺室外，都可能有機會欣賞到男男女女大跳探戈！

講到阿根廷最出名嘅女性，相信就係貝隆夫人（Eva Perón）啦！連著名歌手麥當娜都曾經喺電影中飾演過佢，仲唱過一曲《Don’t Cry for Me, Argentina》！佢死後就安葬喺拉雷科萊塔公墓（Cementerio de la Recoleta）。