今年是北京紫禁城落成600周年，既故宮博物院成立95周年。館方將舉辦多項活動。

其中展覽題材涵蓋古代建築、專題書畫、古代器物、中外文明等主題，旨在為觀眾帶來全新的觀展體驗。　　

「紫禁城建成600年展」，將以600年來時間軸線中的20餘個關鍵年份為基點，通過紫禁城的營繕、改造和保護等關鍵性事件介紹600年來的城中變化，闡釋紫禁城作為宮殿建築技術與藝術完美結合的最高境界。　　

「往昔世相—故宮博物院藏古代人物畫展」，選取故宮博物院藏品佳作，展現人物畫從東晉南北朝至明清時期的發展脈絡，其中就包括《韓熙載夜宴圖》這樣的重磅展品。　　

「千古風流人物—蘇軾主題書畫特展」會集合故宮博物院及相關博物館的精品，展現蘇軾的藝術造詣和人格風範，及其對後世所產生的影響，蘇軾行書《治平帖卷》等重磅展品都將亮相。　　

「中國與凡爾賽展」，以2014年在凡爾賽宮舉辦的「凡爾賽宮中的中國/十八世紀的藝術與外交」大型展覽為基礎，結合故宮博物院收藏的法國宮廷及傳教士、使節帶來的精美文物，還原一個更豐滿、更全面的十八世紀中法兩國文化和藝術盛況。

另外，「陶瓷館」專館會在武英殿重新開放，以中國陶瓷發展史為綱，展現中國陶瓷8000年延綿不斷的發展歷程，改陳後文物數量由原「陶瓷館」的400件增加到1000件。

今年暑假，故宮博物院將舉辦「綠洲行動——600名小學生進故宮」文化公益活動、「紫禁城記憶•文脈600年——海峽兩岸暨香港、澳門600名中學生進故宮」文化交流公益活動、故宮楹聯主題書法大賽，帶領少年兒童近距離感受傳統文化魅力，開闊知識眼界，激發愛國熱情，增强文化自信。

（北京日報）

美術作品隨住時間流逝，以及參觀者嘅因素影響，會出現老化甚至損壞。要延長佢哋嘅壽命，就需要進行修復。學者亦可以趁機進入深入研究。

今年係荷蘭繪畫大師倫勃朗逝世350周年。位於首都阿姆斯特丹嘅荷蘭國家博物館，倫勃朗最有名嘅作品《夜巡》前日開始展開自1975以來第一次大型修復工作。

今次修復工作最特別嘅地方係，大家都可以睇住修復師喺你面前修復，而唔係搬走幅畫嚟做。館長話係因為幅畫「屬於大家。公眾有權知道去睇幅畫嘅情況。」

修復期間參觀者可以隔住一個玻璃箱直接睇住修復過程。雖然佢話有網上直播，但暫時試過唔得囉，或者係要等當地開館時間啩……

《夜巡》修復網頁（英文）
https://www.rijksmuseum.nl/en/nightwatch

國家博物館前往方法（中文）
https://www.rijksmuseum.nl/cn/general-information-chinese

大英博物館世界聞名，雖然免費開放，但係去倫敦來回都要幾千蚊機票啦。不過依家想睇精選藏品，唔駛飛去倫敦咁遠水路啦！

大英博物館同香港文化博物館聯合籌劃呢一個名為「百物看世界」展覽，精選咗大英博物館100件館藏，分為「起源」、「最早的城市」、「權力與哲學」及「儀式與信仰」多個主題，講述人類200萬年來嘅故事。展品來自世界各地，從大家非常熟悉嘅日本浮世繪《神奈川沖浪裏》，到古猿人石器、中國古樂器、埃及古棺槨、阿拉伯錢幣都有。

版主最感興趣嘅唔係一件，而係當中一系列嘅展品。從烏爾軍旗到描述阿富汗戰爭嘅地氈，以至巴布亞新幾內亞當代嘅戰爭用盾，以及莫桑比克藝術家創作、以槍械零件製成嘅作品《母親》，令人不禁想到暴力嘅貼身同荒誕。另外，博物館亦冇避開殖民主義嘅歷史，展品中亦都有非洲人眼中西方人形象嘅作品。可惜時間有限，睇唔到當中一件最珍貴嘅展品「馬尼拉」錢幣（81號），睇到你會對呢個問題會有更深刻嘅睇法。

星期日非常多人，建議早啲到！參觀完可以埋車公廟參拜，再去龍華酒店食燒乳鴿同雞粥！

「百物看世界——大英博物館藏品展」展覽
展覽日期：至9月9日
展覽地點：香港文化博物館一樓 專題展覽館一、二、三、四及五（沙田文林路一號）
開放時間：
星期一、三至五 上午 10 時至下午 6 時
星期六、日及公眾假期 上午 10 時至晚上 7 時
星期二（公眾假期除外） 休館
入場費：成人10 元，20人或以上團體票 7 元，全日制學生、殘疾人士及一名同行照料者、60歲或以上高齡人士 5 元
前往方法：
港珠澳大橋香港口岸乘A41巴士到沙田港鐵站，B1出口轉乘56K專線小巴

今個星期日就係母親節，咁啱又係佛誕節。各位仔仔囡囡除咗請媽咪飲茶食飯，或者陪媽咪祈福，仲有咩嘢有新意嘅活動呢？

為慶祝5月18日世界博物館日，澳門十四間博物館5月12號喺南灣·雅文湖畔，以「流動的博物館──南灣x文化樞紐」為主題，攜手舉辦大型盛事「2019年澳門國際博物館日嘉年華」！

屆時多間博物館會喺會場舉辦多項工作坊以及攤位遊戲，大部分都可以即場參加。大家可以同屋企人做吓小手工、跟吓著名畫家黎鷹叔叔畫吓水彩畫，又或者透過虛擬實境技術一齊環湖跑步，渡過一個輕鬆愉快嘅下午！

時間：下午2時至6時（下午3時舉行開幕禮）
公共交通：6B / 9 / 9A / 16 / 18 / 18B / 23 / 28B / 32

除此之外，澳門多個地點都舉辦延伸活動，包括開放日、講座、圖片展、工作坊等。活動費用全免（部分需報名，名額有限，先到先得）。另外部份博物館喺當日亦都會免費開放。千祈唔好錯過呢個大好機會啦！

上述活動詳情可登入「澳門的博物館」網站：www.museums.gov.mo/

版主：原來係「只此一晚」，仲以為好似外國某啲博物館搞「博物館之夜」。

不過巴黎羅浮宮平日星期三同星期五都開放到晚上9:45，每個月第一個星期六黃昏6點到晚上9:45仲免費開放𠻹。如果想喺巴黎玩得更有效率，記得記低上述時間啦！

羅浮宮前往方法：
巴黎地鐵王宮——羅浮宮站（1、7號線）或金字塔站（14號線）

【羅浮宮過夜？】 慶金字塔工程30周年 法博物館罕設1天遊…（澳廣視新聞）

國家主席習近平之前無耐訪問咗義大利、摩納哥同埋法國。

當大家將焦點放喺中國同義大利簽署「一帶一路」合作諒解備忘錄嘅時候，版主更關心嘅係義大利將一批交物還返畀中國。呢批文物有796件，上至新石器時代陶罐，下至民國紫砂壺。

呢批文物係義大利憲兵2007年查獲嘅，即係非法流出，經審理後歸還中國自然好合理。

但係喺博物館入面公開展覽嘅外國文物呢？

記得小學時候，老師話畀我咃知：大英博物館係「賊贓博物館」。但網上經常有人話呢啲文物，「放喺外國更好，留低可能畀當地人破壞」！

版主引用一位朋友嚟答呢種講法：

//關於中國山寨盜取別國科技之事，常為人垢病，但what if 歐洲文化的興盛，其實也仰賴世紀以來對世界各地文化的盜竊？而歐美各地的知名博物館，正是這些賊贓的最大收藏庫？

去年四月埃塞俄比亞外交照會英國，要求英國歸還全部於150年前盜取，並目前公開於大英博物館展示的埃國文物；算是近年相關議題爭議中，最大爭議的一椿。目前英國方面始終尚未放行——而埃方早在近十年前已曾要求英國交還。

事實上，目前包括土耳其、尼日利亞、希臘、中國、埃及等國，都正處於多年追討取回文物的戰鬥中。其中，據聯合國教科文組織統計，單中國流失到境外的文物就大約有164萬件，分散在全世界47家博物館。

諷刺的是，面對排山倒海的國際呼聲，歐美最重要的18間博物館竟於02年時發動聯合聲明，拒絕歸還文物，因為認為博物館是一個提供全球人類學習、保存資源的儲藏室，而且此本質超越國界和本屬國；甚至暗示若非由歐美博物館的實力協助，某些文化下的文物早已落得無人問津的下場。

但這個聲明卻直接違背1954年海牙會議制定的《武装衝突情況下保護文化財產公約》，這份公約中列明，每一締約國應在敵對行為終止時，向先前被佔領領土主管當局返還處於其領土內的文化財產。但由於包括英國在內的歐洲多國對包括此約在內的同類型公約進行抵制，公約對盜竊國並無約束力。

中東是其中文物遺失後禍甚深的地方，英國的「一」（疑為誤植——版主）埃及文物數量，竟被埃及本國還要多，也著實是為人目瞪口呆。//

攞走人哋嘅嘢就係唔啱。呢啲國家、呢班博物館，侵略人哋已經有錯在先，仲明唔放國際法在眼內，仲有冇可恥啲？

立即將所有外國文物歸還畀原屬國！

（圖片：義大利文化遺產活動部）