加拿大當地星期一起取消獲准入境並已完成疫苗接種人士的檢疫措施，抵達後無需在政府指定酒店等待病毒測試結果，並無需接受第八日檢測。
合資格人士包括加拿大國民、永久居民、留學生等九類人士。其中留學生需持有有效學生簽證，或於2020年3月18日或之前已獲批學生簽證，或正就讀於已被列入指定教育機構（Designated learning Institute，簡稱DLI，以其防疫規劃獲省政府認可）清單的學校。
尚未接種疫苗的兒童及依親成年人，即使與已完成接種人士入境，仍需隔離14日，但無需在酒店隔離。
已完成接種人士不可有新型肺炎病徵，入境前及抵達後仍需接受病毒檢測，入境時呈交疫苗接種證明及檢疫計畫。所有人抵達加拿大前都必須上載所需資料到專門網站ArriveCAN。「復陽」人士出發前須提供至少14日至多90前進行的檢測報告。
加拿大對未完成疫苗接種人士的旅遊限制仍然生效。雖然加拿大目前對已獲批准的永久居民開放邊境，但仍禁止非必要旅行。相關禁令有效期至7月21日。
目前加拿大承認的疫苗包括輝瑞、莫德納、阿斯利康（包括印度版Covishield）以及強生。疫苗接種證明須以英語或法語寫成，或附帶獲認證譯本。未完成疫苗接種至少14日人士，仍須接受強制檢測及檢疫。循空路入境人士須在政府指定酒店等待病毒檢測結果。
（CIC News）
加拿大宣佈，延長關閉邊境至7月21日。
加拿大公共安全部長布萊爾表示，在與美國取得協調後，將延長關閉與美國以及國際之間的非必要人員來往，相關禁令原訂於星期一（6月21日）結束。
總理杜魯多表示，全國需要至少有75%人接種第一劑疫苗，以及至少25%完成接種兩劑疫苗方可放寬限制措施。
魁北克省總理星期五指，聯邦政府計劃向已完成疫苗接種人士開放邊境，最快可望於下月實施。杜魯多曾表示，一旦重開邊境，可能需要疫苗接種證明。他指出，方案將分為兩階段進行，首先是推出可上載接種記錄的手機應用程式。至於全國通行的疫苗認證標準預計會在今年秋季推出。 （Global News）
唔知大家去長途旅行，會鍾意乘坐咩交通工具穿州過省呢？
喺美加，除咗飛機以外，長途大巴一直都係好多人出遠門嘅方式。不過喺加拿大，有九十多年歷史嘅灰狗巴士上星期四（5月13日）宣佈永久結束除美加跨境服務以外當地嘅所有業務，只維持美加兩地之間嘅跨境服務。美國公司營運不受影響。
自2019年10月底起，受廉航、鐵路及公營巴士服務等競爭者衝擊，以及私人汽車數量持續增加等因素影響，灰狗巴士已經結束喺加拿大西部嘅所有路線，只剩低安大略同魁北克兩省嘅服務。而受疫情打擊，所有客運服務已經喺舊年5月起暫停至今。
去加拿大或者北歐旅行，經常都會遇到警告牌，提醒司機注意橫過路面嘅野生動物。而駝鹿就係其中一種。
不過喺加拿大艾伯塔省嘅賈斯珀（Jasper），最近就有新嘅警告牌：「Do not let moose lick your car」，意思係：咪畀駝鹿舐你架車！
當地國家公園發言人就話，啲鹿舐汽車就係要攝取黏喺車身上嘅鹽份。因為喺北方地區，為咗防止路面積雪影響道路安全，一般會喺路上灑鹽。
不過任由鹿舐汽車對人對鹿都好危險。因為咁樣佢哋會習慣咗汽車嘅存在，容易造成鹿同車相撞。
發言人指近年由於「打卡」嘅熱潮，人類更主動去接觸野生動物，冇同動物保持應有嘅距離。佢亦留意到近年駝鹿嘅天敵——狼嘅數量少咗，駝鹿數量亦都因此增加咗：「亦即係話我哋要尊重佢哋，給予佢哋空間。」
發言人提示，避免駝鹿靠近汽車嘅最好方法就係見到佢就行開。園方又強調，喺公園內開車要留喺車上，避免同野生動物有互動。
不過如果真係有動物舐緊你架車，發言人都話無乜選擇可言：「我哋明白有時需要耐性。最安全嘅做法就係留喺車入面。」
另外喺日本都有野鹿舐鐵路路軌嘅情況，原理同駝鹿舐車一樣，目的係要攝取鐵軌嘅鐵質。當地交通部門就嘗試利用狗吠聲嚟驅散鹿群。
新型肺炎疫情持續，進一步打擊娛樂事業。
美國紐約百老匯聯盟星期一宣佈將接受明年1月3日及之前的門票退款，意味著今年內都不會進行演出。至於明年何時能重演，則尚未公佈。
另外太陽劇團（Cirque du Soleil Entertainment Group）同日在加拿大申請破產保護，同時裁減約3500名員工。
攝於2019年7月
Orbis non sufficit — 世界並不足夠（Sir Thomas Bond）
濠遊天下 Macau on Journey, 