Category Archives: 公告

公告

連破500、600likes

發佈留言

上個月先歡迎第400位朋友加入「濠遊天下」嘅行列，今日好開心同大家講，「濠遊天下」已經得到600位朋友支持！

希望各位舊雨新知除咗平時留意本版嘅消息之外，亦都可以同你親戚、朋友、同事、隔離鄰舍……介紹呢個版，一齊分享旅遊嘅樂趣！


（Image by Gerd Altmann from Pixabay）

節日, 公告

五一公告

發佈留言

聽日係五一國際勞動節。濠遊天下祝各位打工仔女節日快樂！

如果你聽日可以放假，甚至可以出去玩返幾日，恭喜你！

如果你聽日要返工，向你致敬！同時都要：恭喜你！因為今日三工！

無論你聽日放假定返工，都請記住今日我哋享有嘅各種勞工權利保障，包括強制性勞工假，都係前人犧牲、爭取嘅成果。我哋享受之餘，希望大家都可以尊重其他人嘅權利。

最後，為咗我哋同我哋嘅下一代，為咗一個更美好、更合乎公義嘅社會，大家要繼續努力奮鬥！

*****
版主聽日要返工，本版暫停更新一日。

澳門《勞動關係法》
https://bo.io.gov.mo/bo/i/2008/33/lei07_cn.asp

公告

版主感言

發佈留言

細心嘅讀者有冇發現，版主之前幾日好似無出帖呢？

無錯，一方面趁清明休息一下，同埋版主之前考嘅導遊牌，終於有用武之地啦！呢幾日開始有團要招呼，生活節奏亦隨之而要調整。依家盡量會集中利用夜晚唔駛開工嘅時間，繼續同大家分享各項旅遊資訊同埋優惠，以及版主嘅旅行經驗同埋經歷。

為咗實現版主遊遍天下嘅夢想，版主會繼續努力！希望大家都可以繼續與我同行！

公告

重要消息

發佈留言

登登登凳！

上星期話有重要消息公佈。冇錯！依家可以講啦！

版主早前經過三個月的嚴格訓練同考試，已考獲本地導遊執照，今日中午已經攞到工作證啦！

從一個熱愛旅遊嘅人，走到呢一步，都係想除咗熱情同經驗，都可以憑著專業知識幫到各位，同大家一齊探索呢個世界。

希望各位鄉親父老叔伯兄弟喺未來嘅日子多多關照小弟！有乜嘢機會都好歡迎留個電郵畀我：macauonjourney@gmail.com