平時大家可能會覺得有個大肚腩或啤酒肚（臺灣人叫「鮪魚肚」，因為好似吞拿魚咁），會覺得好論盡、唔靚、唔想曬出嚟，尤其是去泳池、海灘呢啲鬥身材嘅地方。但原來喺臺灣，都可以一種商機！

喺臺灣「六福村」，經常都會推出各種特色優惠，而喺七月頭三個星期六、日，就輪到有「鮪魚肚」（以能唧出肌肉並小幅搖動為準）或者姓名有「鮪魚」任何一字（同音亦可）嘅朋友有著數啦！只要符合其中一項條件，全日票只需199元台幣（折合約52澳門元）！

優惠到今個周末咋，呢個周末會去臺灣玩，又有個肚腩仔嘅朋友，不妨去六福村玩吓啦！

六福村地址：新竹縣關西鎮60號
前往方法：臺北市區可乘台聯客運5350（直達）或高鐵桃園站轉免費接駁公車（限假日）

龍舟聲響、粽子飄香……星期五就係端午節假期啦！今年仲連住周末，一連三日可以嚟個短線旅行喎！

澳門航空亦趁端午節推出優惠，今次仲係全線都有份！所有航線都係來回價！最平嘅去南寧來回係MOP380（未連稅）咋！首爾MOP1,000就有交易，北京就要MOP1300。而東京同大阪12月1日至12月7日只需MOP1,200，其他日子都係MOP1400-1600。

不過今次出發日期係國慶假期後，回歸聖誕亦唔包。想端午節出發、嚟個快閃遊就無法囉！

購票日期：2019年6月4日至2019年6月11日
出發日期：2019年10月03日至2020年01月15日（部分日期不適用）

請到澳門航空官網或向特約旅行社購買。