上星期三同大家分享過明年請假攻略，大家十分興奮！

徇眾要求，濠遊天下為各位版友製作咗以下呢張圖，方便大家計劃明年外遊。希望大家鍾意！

政府啱啱公佈咗明年公眾假期時間表！濠遊天下第一時間同大家分享來年請假攻略！

【2020請假攻略：澳門篇】政府啱啱公佈咗明年公眾假期時間表！濠遊天下第一時間同大家分享來年請假攻略！

明年公共假期，最多人關心嘅相信係農曆年同埋復活節，因為呢兩個假期都係浮動嘅。

明年農曆大年初一係1月25號星期六。根據澳門法例規定如果公眾假期喺星期六、日，公共行政工作人員係可以豁免上班，即所謂嘅「補假」，變相又多咗假期。所以明年農曆年，係可以放到1月29號（大年初五）。只要請埋1月30同31號，加埋除夕半日，就可以放9.5日啦（1月24日下午至2月2日）！初三赤口想出東南亞去玩吓或者避年都綽綽有餘！

至於復活節就會喺4月12號，而今年清明節係4月4號，係星期六，4月6號星期一補假，又可以串埋一齊，實行「請三放十」（4月4日至13日）啦！如果星期五晚去到香港機場，可以去個歐洲十日都得！

澳門人一到十二月就充滿holiday mood，因為淨係公眾假期就有12月8號聖母無原罪瞻禮、20號回歸紀念日、21或22號冬至、24同25號聖誕節。好消息係出年回歸紀念日係星期日，而冬至喺21號，即係話只需要請23號，就可以由19號放到27號，即係「請一放九」！請埋28到31號上午，仲可以放到1月3號，「請4.5放十六」！認真和味呀！

至於今年聖誕，由於冬至係星期日，星期一補假，所以可以連放六日，想再自製長假，最少請多三日半就可以放到十三日假！

出年十月尾亦可以「請四放十」：重陽節係星期日，會補假，而且貼近11月2號追思節（星期一）。過咗國慶，人流較少，而且秋高氣爽，最適合去返內地行吓山。

至於其他長周末仲包括：佛誕+勞動節超長周末（4/30-5/3），以及國慶+中秋節翌日超長周末（10/1-5）。

行政會完成討論修改《勞動關係法》法律草案，昨（5）日在政府總部公布法案內容，將向立法會提交修訂法案中七項規定。其中備受勞工界關注的「疊假補假」問題，法案引入周假與強制性假日重疊的處理方法。法案建議僱員享受有薪休息時間與強制性假日出現重疊時，重疊當日按強制性假日處理，僱主須在30 日內另行安排僱員的周假。

法案規定適用於生效前訂立的勞動合同及協議，如於生效前訂立的合同條款為該法律不容許者，自動被該法律的強制性規定取代，而法案自公布翌日起生效。

行政會發言人梁慶庭昨（5）日在政府總部舉行記者會公布法案內容，法案增設可選擇性的補償制度，勞資雙方得以書面選定周假及強制性假日工作而獲得補償的方式，可由現行「一工一假」的補償，協商為以「兩假」作補償，而強制性假日工作後獲得的額外「兩工」可協議選擇金錢補償或補休。而為了增加強制性性假日補償休假的靈活性，法案建議將僱員於強制性假日工作後可享受補休的期間，由現行規定的30日內享受，延長至三個月內享受。

法案同時設立平衡勞資雙方權益的補償制度，法案建議增設按比例計算補償的處理方法，如僱員於周假或強制性假日工作期間，因自身原因而終止工作，除當日的報酬外，有關的額外補償均按其已工作的時數計算。

（力報）

內地公佈「五一」勞動節由放一日假，增加至四日後，內地旅遊網站「去哪兒網」平台數據顯示，放假消息發佈一小時之內，網站機票搜索量迅速攀升，國際航線機票搜索量更是增幅達到10倍。

而阿里巴巴旗下嘅「飛豬」資料就顯示，當日早上十點至中午十二點，國內機票預訂量較上周同時段增長超過50%，國際機票增長超過150%。其中10：19—11：19消息發佈嘅一個鐘頭內，國內同國際機票預訂量分別增長咗30%和90%。

另外，攜程旅遊亦發表咗《2018「 五一」 小長假旅游大數據報告》，根據携程門票嘅數據，2018年預訂量最高嘅國內十大收費景區包括有上海迪士尼度假區、北京故宫、峨眉山、黃山風景區等，出境的有香港迪士尼樂園、日本環球影城、澳門新濠影匯等景區。

至於攜程「五一國內十大人氣免費景區」分別係：浙江杭州西湖、上海外灘、北京什刹海、廈門鼓浪嶼、南京中山陵、成都寬窄巷子、湖南鳳凰古城、海南三亞亞龍灣、雲南大理古城以及湖南長沙橘子洲景區。