濠遊天下三月底曾經報道過，為避開俄國領空，香港國泰航空修改了香港來往紐約的航線，使之成為全球飛行時間最長的商業航線。事隔一個月，這項紀錄可能會被打破！不過最快都要後年才能成事。
澳洲航空（Qantas）星期一宣佈，將於2025年開通雪梨（悉尼）直航倫敦和紐約的航線。兩條航線航程都將超過19小時。
繼續閱讀 再次刷新時數最長紀錄！ 澳洲航空2025年直飛雪梨倫敦紐約再次刷新時數最長紀錄！ 澳洲航空2025年直飛雪梨倫敦紐約
Category Archives: 倫敦
倫敦Soho區聖誕燈飾 小朋友設計
今日係聖誕節之前倒數第四個星期日，即係西方基督教教會曆法裡面，將臨期（Advent）第一個星期日。亦即係大家要開始準備過聖誕啦！
呢個時候世界上好多地方都會開始亮起聖誕燈飾，澳門作為中西文化交匯嘅地方當然都唔會例外。不過大家對今年嘅聖誕燈飾似乎都幾多意見喎！
喺英國倫敦，最經典嘅聖誕燈飾就要數到呢款天使造型啦！
不過，素以搞怪出名嘅蘇豪區（Soho），就搵咗當區學校嘅小學生，喺建築師、英國皇家建築師協會建築大使Antonio Capelao指點下設計今年總共廿一處聖誕燈飾，並且已經喺11月8號舉行亮燈儀式。
呢啲燈飾都係由小朋友手繪而成，由傳統嘅雪人、聖誕樹，到充滿異國風情嘅菠蘿都有。不過喺小朋友天真嘅筆觸之下，有啲圖案會令你意想不到，笑完又會有一種暖心嘅感覺，對呢班小朋友嘅天馬行空同埋大人願意畀小朋友機會展示自己對聖誕嘅體驗感到敬佩。
呢批聖誕燈飾將會展出至明年1月3日。至於今年倫敦市內其他區域嘅聖誕燈飾可以睇吓呢個網址：Christmas lights in London。
其實，早在十幾年前，蘇格蘭有條村落就已經邀請小朋友設計聖誕燈飾嘅做法，不過每年只有一件作品入選，最終被製成燈飾點亮。不過亞軍都唔駛失望，佢嘅圖案都會用嚟製成聖誕卡嘅。
（This is Soho / Wales Online）
倫敦交通局停用AEC路霸經典巴士
英國國產嘅AEC路霸（AEC Routemaster）巴士自1954年首次出廠以來，已經成為倫敦經典風景線嘅一部分。
不過，大家再唔會喺倫敦街頭見到呢種經典車款啦。
倫敦交通局（TFL）已經證實，最後一條採用AEC Routemaster行駛、由特拉法加廣場到倫敦塔嘅15號經典線巴士（15H）將不再重新營運。
15H線巴士2005年11月開通，原本每日上午9時半至晚上6時半，每隔15分鐘發車。2015年縮減至每20分鐘一班車。2019年起只在復活節至九月底，逢周末及公眾假期發車。此後受新型肺炎影響暫停行駛至今。路線營運合約已經喺舊年11月14日終止，交通局亦冇再續約。路線站牌已經拆除。
交通局解釋，取消路線嘅原因包括倫敦市中心乘客量下跌以及舊車欠缺無障礙設施等。而最後行駛呢條路線嘅十架巴士嘅命運目前尚未明確。
大家日後想再欣賞呢款經典巴士，就要去倫敦交通博物館啦！
倫敦交通博物館 London Transport Museum（LTM）
時間：博物館目前受新型肺炎影響而關閉，預計將於5月17日重開
地址：Covent Garden Piazza
票價：成人£18.50
網址：http://www.ltmuseum.co.uk/
（Key Buses）
東京成田機場下月起 提供新型肺炎病毒測試
新型肺炎疫情下，透過核酸檢測取得新型冠狀病毒陰性證明成為出門的必備程序。各地機場陸續推出有關服務。
日本東京成田機場與日本醫科大學合作，預計下個月2日起提供新型冠狀病毒檢測服務，是提供同類服務的第一個日本機場。
檢測點分別設於機場身一及第一航廈，每日廿四小時開放，無需預約。測試收費39800日圓（折合約3040澳門元），預計最快兩小時得出結果。
英國倫敦希思羅機場星期二起亦已為前往香港的乘客提供病毒測試，每次收費80英鎊（折合約839澳門元），並保證一小時有結果。
（AbemaTV）
著名聖誕樹和它們的產地
星期日（12月1日）就是西方教會年曆將臨期的第一主日，即大家要開始準備心靈迎接耶穌基督降生（聖誕節）。
而作為西方社會最重要的節日，人們每年都會為迎接聖誕節忙碌一番，裝飾家居、準備聖誕大餐。而在聖誕節的各種裝飾中，聖誕樹是一大要角。由於經濟原因，如今小家庭往往都以塑膠或紙製聖誕樹代替真樹。但在公共廣場，還是會按照傳統，使用真樹的。
在美國，最出名的聖誕樹莫過於在華盛頓白宮的聖誕樹了。原來自1966年開始，在美國全國聖誕樹協會的年度大賽得到冠軍的樹，就會被捐給白宮作為裝飾用的聖誕樹，並由第一夫人負責裝飾，而亞軍樹則提供給副總統官邸。而今年雀屏中選的樹是來自賓州一座農場、高5.6公尺的花旗杉（Douglas fir）。
至於在英國倫敦，位於特拉法加廣場上、國家畫廊前的聖誕樹，就是固定由挪威政府贈送的。事緣在二次大戰期間，挪威被納粹德國佔領，王室和政府被迫流亡到英國。戰後為表示對英國保護的謝意，自1947年開始，挪威每年都會從首都奧斯陸（Oslo）的森林選出一棵聖誕樹當作禮物送到倫敦。而今年的用樹是一棵高24公尺的雲杉（Spruce），已經在本月19日完成採伐工作，並將以船運送到英國。
而在天主教的中心梵蒂岡，位於聖伯多祿廣場方尖碑前的聖誕樹連同馬槽也是全場焦點之一。根據資料顯示，聖伯多祿廣場佈置聖誕樹的傳統始於1982年。每年歐洲中北部不同國家都會從用長形大卡車送一棵美麗的聖誕樹奉獻給教廷，例如去年的聖誕樹來自義大利坎斯格里奧森林，由康科迪亞-波代諾內教區贈送。2017年的聖誕樹是來自波蘭埃烏克教區的紅樅樹。2016年的聖誕樹是義大利中部莫里塞地區（Molise）一座小村莊所奉獻的，而2000年聖誕樹是由奧地利卡林西亞州致送的。
但在梵蒂岡不遠處、羅馬市區威尼斯廣場上的聖誕樹，近年來都有提前枯萎或者裝飾被批評的尷尬場面。如果有機會在羅馬過聖誕節，不妨都參觀一下兩棵聖誕樹比較一下！
地球另一端：倫敦市政府拒為UBER續牌
朝早講過澳門網約車嘅最新發展，而喺地球另一個角落，英國倫敦交通局星期一亦宣佈，由於多次安全違規，唔再為網約車公司UBER（優步）續牌。
英國廣播公司引述交通局意見，認為該應用程式雖然已有作出多項改善，但讓其持牌仍然是「唔適合、唔適當」嘅。
優步前年已經被拒絕續牌，但仍然獲得兩次延期，最近一次星期一屆滿。優步表示會上訴，上訴期間仍可繼續運作。如果優步上訴失敗，部分司機預計會轉到其競爭對手，後者將迅速填補市場空缺。
倫敦交通局指優步出現多處失誤，置乘客安全於危險之中，當中包括一項系統修正，讓未獲授權嘅司機上載相片到其他優步司機嘅帳號。咁樣喺舊年年底至今年年初已然導致咗至少14,000宗欺詐個案。
交通局亦發現有被解僱或被停職嘅司機仍可以啟用新帳號載客。喺其中一個案例，有因發放兒童不雅照片而被吊銷的士牌照嘅私人出租車司機仍然能夠繼續為優步做嘢。
據資料顯示，倫敦係優步全球五大市場之一，有45000名司機，全市持牌的士及私人出租車司機就有126,000人。優步除咗倫敦以外，喺另外18個城市都有服務。
倫敦地鐵維多利亞線11/27罷工
英國廣播公司14日報道，倫敦地鐵維多利亞線（Victoria Line）司機將於11月27日晚上10時起罷工24小時。
罷工源於工會指責倫敦地鐵當局在談判時違反先前承諾。另外濫用程序、發薪安排、持續針對員工的騷擾也是爭議的核心問題。
工會指問題不解決的話，下個月將再發動罷工。
維多利亞線是倫敦地鐵十一條路線之一，全長21公里，設16個車站，1968年起分段通車，經過王十字、聖潘克拉斯和維多利亞三個主要火車站，以及著名購物區牛津圓環。按每英里平均車程數計算，是使用率最高的路綫。
濠遊天下 Macau on Journey, 