新型冠狀病毒感染應變協調中心宣佈，因應廣東省的疫情變化，衛生局根據第2/2004號法律《傳染病防治法》第14條的規定，自2021年7月6日凌晨1時起，取消在入境前14天內曾經到過廣東省東莞市麻涌鎮新華學院東莞校區、深圳市寶安區福永街道的人士須按照衛生當局的要求在指定地點接受14天醫學觀察的措施。
明日凌晨1時起， 在入境前14天內曾經到過廣東省廣州市番禺區大石街道以及雲南省德宏傣族景頗族自治州瑞麗市的人士仍須接受醫學觀察。
另外，中旅跨境巴士宣佈自7月4日起陸續恢復珠海往來佛山、廣州、東莞、常平、博羅、肇慶等地的班車。
暑假來啦！喺呢一個大家繼續要staycation嘅夏天，本地有啲乜嘢嘅新路線、新玩法？今日濠記一連介紹兩個沿澳門西部海岸嘅旅行路線畀大家！
以前澳門人去路環係要坐渡輪嘅。不過隨著路氹連貫公路以及三座澳氹大橋落成通車，渡輪早已經成為上一代人嘅記憶。近年政府以海上遊形式令到路環渡輪重新復活。今個暑假澳門海上遊更推出媽閣至路環全新航線。濠記當然要同大家體驗一下啦！
星期六早上，媽閣新一號碼頭外，就已經迫滿準備乘搭頭班船嘅遊人。用電子支付購買船票，三人同行更可以有優惠。平均一人20蚊，雖然貴過巴士，但亦平過的士，又唔駛怕塞車，CP值唔差！
當日早上第一班船全船爆滿，好多乘客都係長者同埋小朋友。船隻雖小，但喺水上行駛非常平穩，毫無暈船感覺。船上有錄音介紹沿途景觀，欣賞景色之餘又可以增進對澳門、灣仔同橫琴嘅認識，係一個舒適又有教育意義嘅船程！渡輪二十分鐘就到路環碼頭，一落船就可以去買生曬海味，或者食返件葡撻、去荔枝碗嘆返杯400擊咖啡啦！
路環近年係好多本地居民周末渡假好去處。但進入路環市區道路只有兩條。一到假日經常出現車龍。用水路進出路環都不失係一個好選擇！
澳門海上遊（媽閣—路環—媽閣）
班次：逢周四至周日
10：30、12：00、13：00、15：00、16：30、18：00（媽閣—路環）
11：30、12：30、14：00、15：30、17：00、18：30（路環—媽閣）
單程票價：60元（三人同行一人價錢優惠）
船票預訂：澳門海上遊官網
第二個行程，比較有文藝氣息。大家對內港嘅印象可能係水浸連年，或者係每日喺度上落貨物嘅工人。但喺一百幾年前，為來自法國嘅畫家博爾傑（Auguste Borget）嚟講，呢度係一個新嘅世界……
濠記星期六下晝，跟住四維空間，以博爾傑嘅眼光，重新認識內港，呢個澳門最古老、又曾經係最繁榮嘅街區。
博爾傑喺澳門曾經生活咗半年，對昔日分隔中國人同葡國人嘅城牆另一面嘅世界感到十分好奇。佢除咗用畫筆記錄咗當時華人嘅生活習慣外，更將佢哋用文字帶返去祖家。當中包括咗相對歐洲嘅教堂，中國廟宇空間相對較小，而且各種功能嘅建築迫埋喺同一座城市入面。仲有中國人同西方人喺婚喪用色嘅差別……。水上人亦都係博爾傑經常描繪嘅對象，而水上人家嘅女仔，為咗安穩嘅生活，即將嫁上岸，又會面對乜嘢掙扎呢？
最後，主持人同大家介紹咗一個私房景點。喺俗稱「水上街市」嘅沙梨頭街市，原來有個天台，可以眺望內港以及對面珠海灣仔嘅景色。目前係休漁期，內港水面泊滿曬漁船，更顯得熱鬧。而喺天台邊有兩位長者，一男一女，為我哋獻唱流行於廣東一帶水上人家之間嘅「鹹水歌」，等我哋用聲音體驗水上人嘅生活。主持人仲講，如果大家肚餓了，仲可以喺街市買最新鮮嘅海鮮，再畀啲加工貨，就可以品嚐到一餐海鮮餐，唔駛去釜山札嘎其市場啦！
雖然《跟著博爾傑漫步內港》最後兩場已經額滿，但跟接住7月17日起、由英姿舞園負責演出嘅《歸． 航》，將帶大家以舞蹈探索司打口一帶。有興趣嘅朋友記得把握機會報名，支持本地文創啦！
延伸活動
休漁漁家樂
日期：7月10、11、17、18日
時間：上午10:30、下午2:30及4:30
上船地點：青洲塘
售票地點：為澳門媽閣廟前地舊一號碼頭
售票時間：週三至週五上午09:30至下午5:30（購買緊接的週六、日航班之船票）
票價：40澳門元
英姿舞園《歸． 航》
日期：7月17日—8月15日（逢星期六、日）
時間：下午5時至6：30
地點：司打口（柯邦迪前地）
報名：澳門文化局活動報名系統
星期四（7月1日）是中國共產黨成立100周年紀念日。首都北京有多項大型慶祝活動，同時市面也加強保安。
北京地鐵在官方微信宣佈，根據北京市公安局《關於慶祝中國共產黨成立100周年大會期間採取交通管制的通告》，星期三、星期四部分地鐵線路和車站運營將進行調整。
其中沿長安街橫貫北京市中心的一號線，圍繞北京二環的二號線，以及四號、五號線，星期四上午六時半前全面停駛。部分位於重要地點的車站，包括天安門東、天安門西、王府井、東單、西單、前門、和平門、崇文門等站，自星期三下午五時起暫停營運至另行通知。其餘部份車站最晚停用至中午十二時。
另外，首都機場線東直門站星期四上午六時半前暫停與二號線轉乘。
市政署宣佈，明（9）日起進入由市政署發牌監管之第四組及第五組飲食及飲料場所時，例如餐廳、粥麵店、飯店等，除須遵守既有的防疫措施外，亦必須出示有效的綠色「澳門健康碼」，嚴格履行相關防疫責任。倘若「澳門健康碼」為「紅碼」或「黃碼」時，則不予進入相關場所。
市政署強調，有關安排是因應防疫的需要，希望市民理解並作出配合。市政署並會密切留意疫情的發展，與衛生局保持密切溝通，適時調整有關措施，減少疾病在本澳社區傳播的風險。倘若相關場所不遵守相關指引，沒有要求進入場所的人士出示有效的綠色「澳門健康碼」，相關部門可根據第2/2004號法律《傳染病防治法》第三十條，向有關場所或人士，處以最高六個月徒刑，或科最高60日罰金。
同時明（9）日起進入由旅遊局監管的場所：酒店場所和公寓、餐廳、酒吧、卡拉OK、舞廳、桑拿浴室、按摩院及健康俱樂部的人士必須或按要求出示「澳門健康碼」；「澳門健康碼」為「紅碼」或「黃碼」人士將被拒絕進入場所。
新型冠狀病毒感染應變協調中心表示，除必須要求及應要求出示健康碼的場所外，街巿、大型超巿、卡拉OK、理髮店、健身院及健康俱樂部、美容院、舞廳、桑拿浴室及按摩院、遊戲機中心、保齡球場、桌球室、網吧、電影院、博物館、展覽館、圖書館、體育館、游泳館、需逗留較長時間（超過20分鐘）的辦事處、服務站或門巿，以及綜合性商業大樓，可根據場所條件決定是否要求入場人士出示「澳門健康碼」。對於一般零售商店，例如小型超巿、便利店等，由於場所規模和人流較少，以及顧客停留時間較短，因此可以不必要求進入者出示健康碼。
另外應變協調中心表示，因應疫情狀況，根據交通事務局指出，巴士或的士司機有權查詢乘客的健康碼，並有權拒絕接載持「黃碼」或「紅碼」人士乘坐，這等情況不視為拒載。
珠海市口岸局昨日發佈珠澳口岸通關最新提示，表示由於近期拱北口岸通關人流量增多，排隊時間較長，為方便旅客出行，自今日上午6時起開通兩條從拱北口岸總站至橫琴口岸、港珠澳大橋人工島口岸樞紐的臨時免費穿梭巴士線，分別在早上6時及7時50分開出首班車。
市口岸局提醒，根據最新疫情防控形勢，請廣大市民和旅客非必要不前往拱北口岸人員密集區域。如確需前往，請務必做好個人防護，佩戴口罩，保持安全距離，並建議旅客朋友們錯峰出行，優先選擇橫琴口岸、港珠澳大橋珠海公路口岸過關。
市口岸局又建議旅客抵達口岸前提前申領「粵康碼」。另外，珠海市已進入「龍舟水」時期，未來數日降雨趨於頻密，部分時間雨勢較大，建議旅客注意攜帶雨具。
唔知大家去長途旅行，會鍾意乘坐咩交通工具穿州過省呢？
喺美加，除咗飛機以外，長途大巴一直都係好多人出遠門嘅方式。不過喺加拿大，有九十多年歷史嘅灰狗巴士上星期四（5月13日）宣佈永久結束除美加跨境服務以外當地嘅所有業務，只維持美加兩地之間嘅跨境服務。美國公司營運不受影響。
自2019年10月底起，受廉航、鐵路及公營巴士服務等競爭者衝擊，以及私人汽車數量持續增加等因素影響，灰狗巴士已經結束喺加拿大西部嘅所有路線，只剩低安大略同魁北克兩省嘅服務。而受疫情打擊，所有客運服務已經喺舊年5月起暫停至今。
高德地圖近日聯合全國多地交通管理部門共同發佈《2021年五一假期出行預測報告》，數據顯示，今年五一黃金周，隨著疫情防控形勢持續向好，出行政策逐步放寬，公眾出行需求將進一步集中釋放，全國高速擁堵預計較去年同期增長超過10%，或將成為「史上最堵五一」。
數據顯示，近四年五一小長假全國高速擁堵里程占比呈現逐年上升態勢，預計2021年五一假期高速擁堵程度將成為歷年最高，同比去年漲幅預計超10%。
受高速免費通行及出行需求集中的影響，預計2021年5月1日（星期六）將迎來高速出程擁堵高峰，5月2日至4日全國高速擁堵程度整體將處於較高水平，5月5日（假期最後一日）為高速返程擁堵高峰，5月6日高速路況恢復正常。
從具體時段看，預計2021年4月30日（星期五）14時開始，全國高速交通壓力逐漸增大，18時至21時擁堵程度較高。受高速免費通行影響， 預計5月1日9時至13時為高速出程擁堵高峰，特別是10時至11時將達峰值，5月5日15時至18時將迎高速返程擁堵高峰，預計16時至17時為返程擁堵峰值。
數據顯示，5月1日，全國高速出程較易擁堵的路段主要有：S20外環高速上海段，白天擁堵延時指數達17.4，平均速度約為5千米/小時，其次是G1503上海繞城高速上海段以及G4221滬武高速蘇州段。
預計2021年5月5日，全國高速返程較易擁堵的路段主要有：S49新揚高速宿遷、淮安段，白天擁堵延時指數達10.2，平均速度約為9千米/小時；其次是G36寧洛高速滁州段以及G40滬陝高速六安、合肥段，建議計劃途經上述路段的市民錯峰出行。
此外，高德地圖搜索大數據預測，五一期間全國跨城出行熱門城市TOP 10主要分佈在南方地區，其中廣州熱度最高，其次是北京、杭州和上海。五一期間十大自駕熱門古城（鎮）中，排名前三的是：湘西鳳凰古城、嘉興西塘古鎮、麗江古城。
報告預測，部分自駕遊熱門景區車流集中，周邊道路易發生擁堵，建議計劃前往麗江古城、重慶洪崖洞民俗風貌區、蘇州拙政園、西安大雁塔、濟南大明湖等景區的市民儘量提前做好停車規劃，或選擇打車和公共交通出行。
此外，預計五一期間，泰安市泰山風景名勝區、焦作市雲臺山風景名勝區、黃山市黃山等5A級爬山景區將吸引較多的遊客，由於山頂溫差較大，提醒前往登山的遊客帶好保暖裝備，避免著涼。
（人民日報）
英國國產嘅AEC路霸（AEC Routemaster）巴士自1954年首次出廠以來，已經成為倫敦經典風景線嘅一部分。
不過，大家再唔會喺倫敦街頭見到呢種經典車款啦。
倫敦交通局（TFL）已經證實，最後一條採用AEC Routemaster行駛、由特拉法加廣場到倫敦塔嘅15號經典線巴士（15H）將不再重新營運。
15H線巴士2005年11月開通，原本每日上午9時半至晚上6時半，每隔15分鐘發車。2015年縮減至每20分鐘一班車。2019年起只在復活節至九月底，逢周末及公眾假期發車。此後受新型肺炎影響暫停行駛至今。路線營運合約已經喺舊年11月14日終止，交通局亦冇再續約。路線站牌已經拆除。
交通局解釋，取消路線嘅原因包括倫敦市中心乘客量下跌以及舊車欠缺無障礙設施等。而最後行駛呢條路線嘅十架巴士嘅命運目前尚未明確。
大家日後想再欣賞呢款經典巴士，就要去倫敦交通博物館啦！
倫敦交通博物館 London Transport Museum（LTM）
時間：博物館目前受新型肺炎影響而關閉，預計將於5月17日重開
地址：Covent Garden Piazza
票價：成人£18.50
網址：http://www.ltmuseum.co.uk/
（Key Buses）
大家日後北上，坐長途大巴，可能再唔會人手一張車飛啦！
事關內地交通運輸部近日發佈咗《2021年推廣道路客運電子客票服務工作方案》，目的係為加快推進全國道路客運電子客票普及應用，全面提升乘客購票乘車便捷性。
方案提出喺總結相關省份道路客運電子客票試點工作經驗嘅基礎上，按照「統一開發、複製推廣」的模式加快推進電子客票系統推廣應用，持續擴大電子客票應用範圍，逐步構建部、省兩級聯網運行嘅全國道路客運電子客票系統，持續改善乘客出行體驗，更好咁滿足乘客快速化、便捷化嘅出行需求。
具體喺遼寧、吉林、浙江、福建、湖南、重慶、四川、雲南、新疆等省（市）深化開展道路客運電子客票推廣應用，依託道路客運行業智能服務設施設備嘅應用和普及，提供無接觸式、無紙化客運服務，實現20個以上省份普及道路客運電子客票服務，為2022年全面普及道路客運電子客票打好基礎。
而內地普速鐵路喺舊年6月20日亦已經推行車票電子化。
清明復活節長假期將至，大家可能會考慮去廣東玩個三四日。依家有個好消息！
中旅巴士日前宣佈，自3月27日（本周六）起，恢復澳門（珠海）至肇慶／三水／四會嘅班車。
澳門（珠海拱北汽車站）至肇慶每日兩班，分別早上10：30同晚上7：05開車，在肇慶分別停星湖大酒店及國際大酒店。肇慶返拱北汽車站亦都係每日兩班，國際大酒店開車時間係早上7點同下午2：40，而星湖大酒店開車時間係早上7：15同下午3：00。肇慶出發單程票最低60元人民幣，澳門出發單程100元。
澳門（珠海拱北汽車站）至三水／四會每日兩班，分別早上11：25同晚上7：15開車。第一班車停靠三水中旅同四會汽車站，第二班車停靠三水中旅同三水廣場前途酒店。三水／四會返拱北汽車站亦都係每日兩班，第一班車由三水中旅出發，開車時間係早上6：50（7：00停靠獅皇麗星華廷酒店，7：10停靠三水廣場前途酒店），而第二班車由四會汽車站出發，開車時間係下午3：00（3：50停三水中旅）。肇慶出發單程票最低60元人民幣，澳門出發單程95元。
肇慶歷史悠久，有超過一千四百年歷史，尤其是鼎湖山，保護區森林面積高達78.8%，空氣相當清新。趁住春天，萬物生長，去「大灣區後花園」嚟一個洗肺之旅，都係唔錯嘅選擇。
濠遊天下 Macau on Journey, 