以色列今日上午攻擊伊朗核設施並擊殺多位伊朗軍方高層。伊朗對以色列派出無人機攻擊作報復。中東多國關閉領空，多家航空公司停飛來往該區航班，並避開相關空域。
繼續閱讀 以色列攻擊伊朗核設施 伊朗報復 中東多國關閉領空以色列攻擊伊朗核設施 伊朗報復 中東多國關閉領空
Category Archives: 中東
澳門航空有意恢復福岡航線？文綺華：暫未收到新消息
澳門旅遊警示慢半拍？中東戰事擴散黎巴嫩伊朗仍未列入？
伊朗襲以中東多國一度關閉領空 多家航司避開伊朗領空
伊朗星期日以無人機及導彈攻擊以色列，以色列及鄰近多個中東國家一度關閉領空。多個外國航空公司取消前往當地航班，並更改來往歐亞及澳洲之間的航線，繞開伊朗等國領空。
繼續閱讀 伊朗襲以中東多國一度關閉領空 多家航司避開伊朗領空下一站：中東？台中？澳門航空第二架廣體機下半年抵澳
各地轉機航班免費住宿比較
去比較冷門的地區旅行，或者由於節省費用的緣故，我們有時候會乘坐中轉航班，犧牲的會是時間和便利性。之前濠記介紹過一些航空公司或者中途站會為轉機旅客提供免費市內觀光，其實航空公司還有另一種優惠，就是免費住宿。
繼續閱讀 各地轉機航班免費住宿比較最快本周末出發 地中海中東郵輪航次精選
各國民眾放星期幾？
中東國家阿聯酋星期二宣佈，明年實行四日半工作日，星期五下晝至星期日休息。咁各國民眾會喺星期幾休息呢？
首先呢度有兩個概念，一個係例假，另外一個係節日。例假就係每隔一段時間休息嘅日子，目前國際上通行每周休息至少一日，但係每周休星期幾、休幾多日就各國不同。
中國傳統上係農業社會，大部份人係以農時安排生活，「日出而作，日入而息」，春天至秋天都要專心耕作，即使係冬天農閒都要進行工具、房屋等修繕，以及要服皇帝派下嘅徭役，例如軍事操練、修建皇陵等工作。定期休息日基本係官員、士兵、太學生嘅專利，漢代係五日一休，稱為「休沐」，唐代壓縮為十日一休，即「旬假」，到元代更一度被撤銷，至明太祖朱元璋死後才恢復月假三日。而七日休息一日係要到清末先至出現。
每七日休息一日係源於一神宗教嘅傳統：猶太人以神花六日創造天地，第七日休息（《創世紀》第2章第1-3節）嘅典故，以星期五日落至星期六日落為安息日。當日不得勞作，即使要外出走路，距離亦有限定。同時，安息日係祈禱、休息，同家人共聚嘅時刻。
而喺基督教文化入面，就以星期日為休息日，因為耶穌基督係喺星期五受難，喺第三日、「一周嘅第一天」（《路加福音》第24章第1節）復活嘅。全球基督徒都會喺呢日舉行崇拜儀式，慶祝耶穌復活。所以喺歐美一啲地區嘅商店星期日會休息。不過部分基督教派，例如基督復臨安息日會，仍然以星期六為安息日。
至於信仰伊斯蘭教嘅地區，就以聚禮日（主麻日），亦即星期五為和平、慈悲之日，亦係休息日。據《古蘭經》第62章（主麻章）記載，「歸信的人們！當聚禮日召人禮拜的時候，你們應當趕快去記念安拉，放下買賣，那對於你們是最好的，如果你們知道。禮拜完畢的時候，你們當散佈在地方上，尋求安拉的恩惠，你們應當多多記念安拉，以便你們成功。」（第9—10節）
目前世界上大部份國家，包括中國內地、臺灣、同澳門，都實行五天工作制，臺灣稱之為「週休二日」。不過香港只有星期日係公眾假期，如果星期六係公眾假期，就唔會補假。中東部份國家過去休星期四、五，不過都已經改為星期五、星期六休息，以便與全球同步。伊朗同巴勒斯坦只休星期五。而巴基斯坦、黎巴嫩、土耳其、突尼西亞同摩洛哥同西方國家一樣，星期六、日休息。
喺東南亞，以穆斯林為主、實行聯邦制嘅馬來西亞，各州都有權自訂休息日。目前柔佛、登嘉樓、吉蘭丹、吉打四州休星期五、六，其他州屬休星期六、日。印尼休星期六、日，但亞齊省同另一個伊斯蘭國家汶萊，就休星期五同星期日。
下次我會再同大家分享吓公共假期嘅情況。
話到尾，2022年就快嚟到啦，咁你又準備好安排你來年嘅假期未呀？如果仲未，不妨參考吓「2022年請假攻略：澳門篇」啦！
歐洲重開邊境！港旅行社再度出團
隨著歐盟、英國等地陸續向港澳開放邊境，有香港旅行社也再度推出長線團，希望吸引近一年半無法出國旅遊的人士。
有出團的旅行社以「不疫樂乎‧再度啟程」作口號，推出前往歐洲和中東的旅行團，當中包括希臘、土耳其、埃及、德國、瑞士（列支敦士登）的行程，由8天到10天不等。價錢最低的土耳其9天團，港幣也只需9433元起。不過最早出發的希臘團，也要到了暑假過後9月3日才有第一團。
旅行社更特別推出7大安心出行保障，包括團隊人數只安排佔旅遊車總座位數之一半，導遊、領隊、司機等工作人員均已完成接種疫苗或持有72小時內核酸檢測之陰性結果，旅遊車提供量度體溫設備、防疫口罩、消毒濕紙巾及酒精搓手液，且每天均會進行消毒及清潔，用餐時只安排與同行親友同桌。如出發日或之前因當地或香港政府延長防疫政策及／或收緊檢疫措施，旅客可選擇延期或取消出發，不需收取任何費用。旅行社更會安排回港前核酸檢測場所及所需檢測之費用。
撒哈拉沙漠驚現雪景
大家一聽到沙漠，會諗到乜嘢？黃沙萬里？炎熱嘅天氣？駱駝商隊？
不過喺非洲，號稱世上最大嘅沙漠撒哈拉沙漠，最近就出現黃沙白雪同場嘅奇景！喺阿爾及利亞西北部嘅艾因塞夫拉（Aïn Séfra），上星期三錄得攝氏零下3度嘅低溫，沙丘上亦鋪上一層白雪，有人拍到人喺被冰覆蓋嘅沙丘上走過，留低黃色嘅腳印。
而喺中東嘅沙特阿拉伯，鄰近約旦嘅塔布克（Tabuk）地區亦錄得攝氏零下2度嘅低溫，有人拍到雪後駱駝嘅景象。當地喺夏天最高氣溫可以高達攝氏50度，而冬天平均氣溫係攝氏20.2度。就算係位於高山嘅塔布克地區，冬天平均氣溫係攝氏4度。
當地上一次出現落雪嘅情形要追溯到2018年。
而喺黎巴嫩、敘利亞同伊朗亦都有落雪，部份地區積雪更多達4英呎深。
有氣象分析員指沙漠落雪並不常見，不過唔係稀奇嘅事。另外有研究員透過分析撒哈拉地區雨量嘅變化，發現過去一個世紀由於氣候變化，沙漠面積明顯擴大。
（紐約郵報）
濠遊天下 Macau on Journey, 