內地近年流行電子支付，喺好多國家嘅商店亦樂於採用。

不過尼泊爾《喜馬拉雅時報》（The Himalayan Times）網站星期二報導，當地中央銀行（Nepal Rastra Bank，NRB）宣布禁止在尼泊爾使用微信支付和支付寶，聲稱係因為中國遊客非法使用呢啲支付程式，導致該國損失海外收入。

原來，呢啲商號嘅數碼錢包並未喺尼泊爾註冊，即係話，儘管服務發生喺尼泊爾，但支付實際就發生喺中國。同時，咁亦令到當地中國商人可以喺唔交稅嘅情況下賺取收益，因為尼泊爾當局無法證明呢啲交易確實發生喺本國境內。

另外，據媒體舊年十二月報道，俄羅斯計劃禁止外國支付服務向俄國公民提供支付服務。喺越南，經官方結算機構（VIMO）授權，按照正規流程支付嘅商戶，先可正使用支付寶和微信支付。

下個月日本就要迎接新天皇同埋「令和」新年號。除咗錢紙要印上新年號，就連設計都會變身！

日本政府今日宣布，一千、五千同一萬日元新鈔的圖樣，大家熟悉嘅福澤諭吉將退出一萬日元封面，由創立第一國立銀行，東京證券交易所嘅澀澤榮一取代。

五千日元繼續由女性擔綱，由創立津田塾大學嘅津田梅子取代作家樋口一葉。而一千日元就由醫學家、細菌學家北里柴三郎取代另一位醫學家野口英世。

新鈔發行嘅主要目的在於防偽。新鈔2024年上半年起陸續發行。另外，同樣具有新防偽技術嘅新版500日圓預計會喺2021年上半年起陸續發行。

至於2000日元設計就唔會改變。