今日係臘月十七日。尋日食完尾禡（粵音讀牙），農曆新年正式進入倒數階段啦！

新一年（壬寅虎年）大年初一係喺下個月一號，好易記。不過當大家睇一睇日曆，之前嗰一日係1月31日。無問題呀！但點解嗰日上面寫住「廿九」，明明大除夕係年三十㗎？年三十呢？

原來「都是月亮惹的禍」！中國傳統嘅農曆，係根據月亮圓缺循環去計算一個月有幾多日，天文學稱之為「朔望月」（初一新月為朔，十五滿月為望）。由於月球、地球、太陽之間嘅相對運動並非一成不變，所以每個「朔望月」周期都唔係固定嘅，最短29日6小時，最長29日19小時。為咗方便，農曆月份就被分為30日嘅大月同29日嘅小月。

而今年臘月係小月，所以只有29日，亦就無咗年三十啦。除夕就喺年廿九。

不過臘月無年三十唔係第一次發生，一般三到五年就會出現一次，有時甚至會連續幾年出現，例如2003、2006、2013、2016呢四年都係無年三十，而2025年開始到2029年仲會連續五年無年三十。

除咗牛年少咗大年三十之外，即將到來嘅壬寅虎年亦都只有355日。原來喺農曆，平年同閏年嘅計算方法同國際通用、以太陽公轉周期為根據嘅公曆係有分別嘅。公曆原則上係每四年置一閏日，即係2月29日。而農曆係置一閏月，所以平年一年有12個月，每月平均29.53日，每年有354至355日，而閏年有13個月，一年大約384日，而兩者相差10至11日。

中國古代曆法家通過推算發現，只要每19年置七個閏月，就可以好好彌補農曆年同太陽公轉周期嘅偏差。

至於點樣決定邊個月要重覆一次呢？由每年冬至開始數，當某個月不包括以下十二個節氣（中氣）當嘅任何一個，咁嗰個月就會被訂為閏月。

舉個例，2017年係丁酉雞年，當年農曆六月後嘅一個月，即係公曆2017年7月23日至8月21日，中間只有「秋分」，並無「大暑」以及「處暑」呢兩個節氣，咁呢一個月就係「閏六月」。

到呢度大家可能會好奇，如果有「閏正月」，會唔會有得過兩次農曆年呢？「閏正月」係有嘅。不過下一次「閏正月」就要到600年後嘅2622年啦！到時大年初一喺公曆1月20日，正月有三十日，正月三十咁啱又踏正「雨水」節氣。之後一個月係小月，只有廿九日，中間嘅節氣只有驚蟄，而春分喺正再下一個月嘅初一。所以呢一日就係「閏正月」。

（央視新聞客戶端）

農曆新年將至，巿民常會從內地購買年花回澳。經濟及科技發展局提醒，市民在攜帶蘭花等瀕危物種入境前，需先向經科局申領瀕危物種證明書及准照，否則可被科處最少5,000澳門元罰款。

經科局亦呼籲業界及市民，在進出口或個人攜帶動植物及其製品出入境前，應先了解有關物品是否屬瀕危物種，並留意澳門及目的地國家或地區對相關物品的進出口規定，以免違法受罰。

有關蘭花等瀕危物種的進出口規定，可致電經科局熱線85972238或85972636查詢。

大家出外旅遊，通常會住酒店。如果有寵物，可能會帶住「主人 」出埋去一齊玩，或者帶佢哋去寵物酒店代為照顧。原來生活喺中東嘅駱駝都可以住專為佢哋而設嘅酒店！

喺沙特阿拉伯首都利雅得，相信係全球第一間嘅「駱駝酒店」已經開幕啦！呢間酒店係專門為參加第六屆「阿卜杜阿齊茲國王駱駝節」嘅駱駝提供休息、美容等服務嘅。當地駱駝俱樂部星期日發佈咗「駱駝酒店」嘅片段。

俱樂部發言人介紹，酒店有120個房間，超過50名員工為駱駝提供各種所需服務，包括「客房送餐」、房務、照顧、保護，以至美容服務。酒店嘅五星級服務會為「客人」提供餐飲、溫熱奶汁，並為牠們提供清潔溫暖嘅房舍。房價方面，酒店每晚收費400里亞爾（折合約857澳門元）。

有駱駝主人表示：「酒店嘅概念真係好，為駱駝、駱駝主同俱樂部職員提出一個舒適嘅環境。駱駝入住前都需要接受檢查。」

為期四十日嘅「阿卜杜阿齊茲國王駱駝節」，舊年十二月一日起喺利雅得舉行，每日吸引超過十萬名、來自海灣國家、美國、澳洲同俄羅斯嘅駱駝主人同愛好者參加。節日嘅目的係喺沙特阿拉伯走進現代化嘅同時，保留駱駝喺當地貝督因文化傳統嘅角色。

喺沙特阿拉伯，駱駝養殖業係一項產值數以百萬計嘅產業，而喺中東其他地區都有類似嘅活動舉行。

（阿聯酋《國家報》）

今日是2022年元旦，也就是說農曆新年即將到來。今年的大年初一是在下月（2月）1日。

內地早前宣佈，今年內地春運將從本月17日開始，至下月25日結束。

交通運輸部應急辦副主任卓立在上月29日召開的國務院常務會議指出，據初步預測，今年全國春運客運量較去年的8.7億人次將會有較大幅度增長，甚至將超過前年的14.8億人次。

另據上月30日舉行的全國春運電視電話會議透露，2022年春運全國鐵路預計發送旅客2.8億人次。按照內地鐵路門票15日的預售期，今年春運首日（1月17日，臘月十五）的鐵路車票將於本月3日（下星期一）起開售。

（新華社）

無論2021年怎麼反覆變幻，一切都要在這裡定格，成為歷史書上的一頁。

重要的是，大家平平安安一起迎接新的一年！

濠記在這裡感謝各位網友過去一年的支持。新的一年濠記亦會不斷學習，為求給大家全新的體驗！

謹願疫情在新的一年能成為過去，大家能以新的心態再次踏上征途！

聽日就係聖誕節喇！大家做好晒準備未呢？

不過大家又有冇諗過過一個聖誕節，除咗會使一筆錢之外，其實都耗費咗好多資源呢？大家有冇考慮過可以過一個對生態友善嘅聖誕呢？

喺英國肯特郡有一個家庭，一直都崇尚環保嘅概念。2017年開始更以生態友善嘅方式過聖誕。

呢個家庭嘅女主人Imogen表示，「生態友善一直都係佢同伴侶過聖誕嘅一部份。當我哋組織家庭之後就更加係咁。」「生小朋友肯定會激發你去決定點樣塑造自己嘅聖誕節，想創造乜嘢傳統，同埋決定邊一啲事情對你係重要嘅。」

聖誕節期間嘅浪費同過度放縱令佢哋有咗呢一種諗法。「喺慶祝節日嘅時候製造咁多浪費，感覺係一件好荒謬嘅事，而且每年情況似乎越嚟越嚴重。我唔想聖誕只是為小朋友買禮物。」

「聖誕令人興奮嘅一個元素係為呢個冬季節日，用全年時準備同創作。唔係為咗即時滿足，為咗我哋所生活嘅世界着想係重要嘅。」「過一個生態友善嘅聖誕會令你留加留神，而且我認為會令到事情更加特別。」

Imogen相信，隨着時代演變，社會越嚟越鋪張浪費，年前嘅鄉郊生活一般比較有生態意識。

佢又表示，每年有相當於330萬隻企鵝重量嘅塑膠浪費咗，令人震驚。「咁樣對環境同聖誕節嘅魅力都會造成破壞，所以我哋一家唔想再增添浪費。」「聖誕節係一年之中嘅重要嘅時間，佢真正嘅魅力係在於同家人喺一齊，受自然界嘅啓發。」

Imogen細個嘅時候，佢媽媽就會收集冬青葉，自製聖誕花環同其他裝飾品，呢啲概念就喺佢嘅思想入面滋長。佢認為將呢種概念延續落去，不但係由環境角度考慮，亦都係堅守傳統。「我希望兩個囡囡能夠重視事物嘅來源，以及生產物品時所注入的愛和關懷。」

「要意識到物品嘅行程有多遙遠，種植作物時又加咗啲乜嘢入去。見到啲人不假思索就過度放縱令我覺得好難過。我哋一家對於浪費非常在意。」

減少浪費同破壞環境嘅一個方法係採摘食物。Imogen一家擁有季節性食物品牌，經營私人餐飲會所，並開辦社區網上課程。佢哋發現到處都有食材可供採集，就好似尋寶一樣。佢哋會用蕁麻製成青醬和薑啤，又會用摺骨木花製成汽酒和醬汁。佢哋曾經為小朋友編寫一批有關生長喺英國田間或路旁嘅灌木樹籬嘅書，當中有唔少品種，例如黑刺李、薔薇果、黑莓、山楂、烏荊子李、杜松子、榲桲等都可以食用。

佢哋會採集春天嘅野蒜頭，醃製起來到聖誕節都仲可以食到。佢哋亦會收集海帶，用嚟整從肉汁到雪糕等各種菜式，「海帶嘅鮮味係最好嘅。」佢哋甚至會自己用海水做鹽。「發現我哋周圍嘅世界係咁豐富，令我哋感到好驚奇。」

除咗採集食物之外，呢個家庭亦都會種植各種蔬菜同水果，以至香草。Imogen同佢先生都會將水果製成果醬，又會用香草製作油同醋。至於肉食同魚類，佢哋就會購買喺當地養殖嘅。

喺禮物方面，呢一家人會用幫襯慈善機構，購買二手貨。Imogen曾經以一英鎊嘅價錢，買到一本1980年代出版嘅、近乎全新嘅立體書。佢亦都會善用社交媒體：「能夠喺嗰度買嘢、又知道你喺度幫緊人感覺真係好。因啲人通常都係急需要錢，或者係為小朋友做儲蓄。」

佢又舉例，佢幫佢大女買咗一間接近全新嘅單車，認為好過將佢棄置喺堆填區。而買家亦都可以用賣單車嘅錢去幫佢個女買一架大一啲嘅單車，令佢自己對於社區會有歸屬感。

至於佢丈夫Duncan，起初對於買二手禮物比自己嘅仔女有少少擔心，但係佢而家已經習慣咗。「佢唔想令到小朋友覺得佢哋要用次貨，不過小朋友睇唔出有乜嘢唔同，而且亦都好鍾意，就唔再擔心啦。」

佢哋亦都會將自製食物當成禮物送俾親友：「佢哋都好鍾意呢啲禮物同食物，認為咁樣做好好。」「過一個生態友善嘅嘅聖誕，唔係代表要乜都冇，而係要注意到你所有嘅嘢，然後製造畢生難忘嘅回憶。」

（英國《都市日報》）

聖誕樹是聖誕節主要的裝飾物。在俄羅斯，人們稱這棵樹為新年杉樹（ёлка，yolka）。在首都莫斯科，克里姆林宮內大教堂廣場上的新年樹日前完成了安裝與裝飾工作。

今年新年樹的裝飾主題是源自俄羅斯民間傳說的冬日森林，材料是珠子和金銀兩色的玩具，串燈以及38個LED燈球，各種飾物合共超過1,100件，其中360件是專門為這棵樹設計並手工製作。由於去年新型肺炎疫情衝擊，民眾無法參觀克里姆林宮，當局今年決定使用和去年一樣的裝飾。

傳統上負責裝飾新年樹的是莫斯科市內院校的十名學生。今年擔任這項任務的是一家消防拯救學校的學生。

每年挑選克宮新年樹的工作在五月開始，十一月完成。今年中選的樹材，來自莫斯科州的曉爾科沃，樹齡90歲，是在37棵候選樹中挑選出來。這棵樹符合克宮新年樹的標準：樹齡90至100歲之間、高約30公尺，顏色、形狀都要合乎規格。

在克里姆林宮樹立新年樹的習慣是在1996年由時任總統葉利欽提出，當時是用真杉樹。不過在2001至05年間，由於嚴重霜凍天氣，無法從森林運輸真樹，便以人造樹代替。2006年的用樹是來俄羅斯民間傳說「新年老人」（相當於聖誕老人）的故鄉大烏斯秋格。2007年起就選擇莫斯科州的樹為用樹。

（塔斯社）

氣象局三日之內三度調低聖誕節假後的氣溫預報！

根據局方最新預測，一股強烈的冬季季風於聖誕當日（25日）影響澳門，天氣漸轉多雲有雨，北風增強，氣溫顯著下降。下週一（27日）最低氣溫將下降至8度左右，天氣濕冷。

聖誕節三日假期天氣：
明日平安夜（24日）多雲，部份時間有陽光。初時有微雨。吹2至3級北至東北風。氣溫17 – 22°C，濕度 70% – 95%。
星期六聖誕日（25日）多雲，短暫時間有陽光。末期有幾陣雨。吹2至3級北至東北風，後轉4至5級及有陣風。氣溫16 – 21°C，濕度 60% – 95%。

星期日（26日）天氣寒冷。密雲。有雨。吹4至6級北至東北風及有陣風。氣溫11 – 16°C，濕度 75% – 98%。

星期一（27日）將下降至8° – 14C 。預測天氣寒冷。多雲。間中有雨。最低氣溫要到星期三（29日）才會回復到10°C以上，當日氣溫介乎13 – 18°C。屆時天色亦將轉為天晴，部分時間多雲。

氣象局呼籲市民留意天氣變化，注意保暖。