克里姆林宮博物館總經理葉列耶娜∙加加林娜在視頻會議期間表示，原計劃2020年在香港和澳門舉辦克里姆林宮各博物館藏品展會，但受新冠病毒疫情影響延期至2021年。
加加林娜指出，「我們正在非常努力地與同行協作，但誰都沒有想到下半年也會這樣充滿戲劇性。現在兩場展會都已經推遲至2021年，很多歐洲項目也是如此。」
加加林娜透露，大部分國際博物館項目受新冠病毒疫情影響都已經取消或改期。
加加林娜補充說，「這不僅取決於我國的情況，也受全球局勢的影響。我認為，博物館只有來年才能全面運營。遊客可以入館參觀，但我們和其他博物館都會出台一些規則。我們不能接受像以前那麼多的訪客，所有參觀人員都必須佩戴口罩和手套。」
為應對新冠疫情，克里姆林宮博物館自3月18日起對遊客無限期關閉。
（俄羅斯衛星通訊社）
特區政府宣布，決定終止考慮徵收旅客稅。
旅遊局表示，綜合「徵收旅客稅可行性研究」結果、澳門旅遊業的特性及現況變化作分析，決定終止考慮徵收旅客稅。近月訪澳旅客大幅減少，旅遊相關行業均受到不同程度影響，特區政府現階段重點扶助業界復甦，並將透過稅項優惠及經濟扶持等措施扶助業界，儘量避免為旅遊行業帶來不利因素。
旅遊局稱，澳門旅遊業自去年中受到香港事件影響，2019年每月訪澳旅客人次的按年變動由首 7個月的雙位數增長，逐步下滑至年底的雙位數跌幅；而今年在疫情爆發後，旅客人次由 1月的 285萬人次，銳減至 3月的 21萬人次，跌幅超過 9成以上，對本澳旅遊業帶來重大打擊，而旅遊相關行業包括酒店業、餐飲業及零售業等亦受到影響。 （澳門電台）
市政署星期三（4月29日）宣佈開放路環金像步行徑（Trilho do Oscar）。五一勞動節，難得放假，當然要帶大家一齊開箱啦！
步行徑位於路環金像農場，大門口左方。到達時間已經是下午五點半。不過由於路程相當短，只有1150公尺，適合想行山，但時間不多的朋友。走走停停，完成只不過花了80分鐘。去竹灣游泳的朋友，也可以先行山後游泳，大汗淋漓後暢泳會更舒暢！
步行徑上山路以階梯為主，但路面仍然是砂石。兩邊分別是竹灣和路環市區、路氹，以及旅遊塔的景色。不過竹灣方向視野比較開揚，路氹方向樹木較密。
到達定位點C52後，就是條環形路，左方有巨石堆，然後就是一處展望點。竹灣、橫琴南岸，以至萬山列島盡收眼底，天氣好的話更是欣賞日落的好地方。
不過路途上都目睹了一些不良現象，例如是棄置在地上的口罩，以及滿滿的垃圾桶。希望各位山友處理好廢棄物，自己垃圾自己帶走（Take your litter home）！
公共交通：15/21A/26A（竹灣泳池1/2站下車）
何時恢復通關，山頂醫院醫務主任羅奕龍指恢復正常通關是相當複雜的問題，要因應整體社會運作及疫情，內部研判外，也要與不同地方協商以落實政策。
羅奕龍強調行政長官及主要官員一直進行內部討論及努力，但政策需時準備，希望社會要有耐性，有成熟方案、確實政策會即時向外公佈。
（澳門日報）
萬眾期待！
「2021請假攻略：澳門篇」圖卡，經過設計師一輪努力，已經製作完成。現在送畀各位版友，好好在家做功課，準備明年去旅行！
身為澳門人，都應該知道澳門位於中國南方沿海。
不過最近有網民同版主分享佢遇到嘅一張圖，係屬於某社團嘅會徽，當中澳門被標到應該係美國佛羅里達州嘅位置。有朋友就表示羨慕，又有人笑話佛羅里達州係「大澳門帝國海外殖民地」。
其實即使我哋由澳門向下，假設可以挖到地球另一端，都唔會到達佛羅里達。呢個點喺地理學上稱為對蹠點（antipode）。
其實要計出一個地方嘅對蹠點好簡單。澳門地坐標係北緯22°11’47″、東經113°32’58″。然後將佢轉換成南緯22°11’47″、西經68°27’02″（180減去113°32’58″），就係澳門嘅對蹠點啦。
據此結果，澳門嘅對蹠點係位於阿根廷西北部胡胡伊省聖卡塔里娜縣、接近玻利維亞邊界。以北緯22°11’47″、西經113°32’58″計算，座標係位於墨西哥西南嘅太平洋海面。如果用北緯22°11’47、西經68°27’02″計算，坐標會落喺波多黎各以北、英國屬地特克斯和凱科斯群島以東嘅大西洋海面，但都唔會係佛羅里達。
而由於海洋佔地球表面面積七成，所以「陸地的另一端是陸地」情況並唔常見，而有人居住嘅地方更係少之又少，例如香港嘅對蹠點係胡胡伊省首府聖薩爾瓦多-德胡胡伊。
今年由於新型肺炎打擊，相信大家好多旅遊計劃已經告吹。不過與其感慨今年，不如寄望明年。如果疫情消退，大家就可以重錘出擊！
政府公報刊登行政公職局通告，公佈《二零二一年度公眾假期、公共行政工作人員獲豁免上班及補假日的日期表》。
其中明年農曆年大年初一會喺2月12日，也即係話情人節會喺年初三「赤口」日！各位情人要浪漫又要避免嗌交，真係要花啲心思啦！亦由於初二、初三係星期六、日，初四、初五公務員朋友亦會有補假。
而明年清明節正好係復活節正日，亦由於咁，復活節後星期二亦會補假。
年尾長假期方面，回歸紀念日喺星期一，所以可以由12月18日（星期六）開始放假，請22、23兩日，就可以連聖誕節（星期六）、之後嘅星期日同埋星期一補假，放足十日啦！
周末會有最新請假卡送出。敬請期待！
完整假期表：
https://bo.io.gov.mo/bo/ii/2020/17/avisosoficiais_cn.asp#dsafp
施政報告有關旅遊業的政策：
尋日喺內港柏港停車場掘出一台大炮。好多人話澳門街掘路掘咗咁多年，終於有掘到寶嘅一日！
奇就奇在，喺呢個位置，文獻並無記載有炮台存在過。至於呢支炮點會喺呢個位置，相信要交由專家研究啦！
其實你又知唔知澳門有幾多座炮台呢？一共有十六座咁多！佢哋分別係：大家最熟悉嘅大炮台、松山上嘅東望洋炮台，呢兩座都係澳門歷史城區嘅一部分。其他現存嘅炮台有望廈炮台、燒灰爐炮台、嘉思欄炮台、西望洋山炮台、竹仔室炮台同媽閣炮台，大部分都已經改建。至於仁伯爵炮台 、伯多祿炮台、沙梨頭炮台、青洲山炮台、馬交石炮台同臘一炮台就因拆卸已經消失咗。另外氹仔同路環都各有一座炮台。
其實澳門喺17世紀20年代之前，係一個不設防的城市。但係由於荷蘭人曾經試圖入侵澳門，喺明朝嘅默許下，澳門亦都開始修築自己嘅防禦工事。以大炮台為中心，先以城牆連接澳門東西兩岸，並喺南灣再修築炮台，再用城牆連接炮台與炮台之間，監視海面上嘅動靜。
炮台除咗有防禦、儲存槍械彈藥，甚至食水嘅功能，亦需要架設大炮，作為實際嘅武器之用。澳門早期嘅炮台，例如大炮台，上面嘅大炮都係向着南方。澳葡政府19世紀中期開始對澳門實施殖民管治，新嘅炮台大炮嘅坐向就對住北方，瞄準中國內地。大家去大炮台同望廈炮台參觀嘅時候不妨留意吓！
【澳門航空公佈五月份航班】澳門航空公佈五月一日至三十一日的航班時間表。
因應內地最新檢疫措施，澳門來往內地部份航班有所縮減。北京航線由每周四班增至每日一班，上海浦東每日一班。其他城市包括成都、南京、杭州、廈門、南寧、潮汕。
臺灣航線方面，臺北（桃園）上半月二、四、六、日各一班，下半月每日一班。高雄航線暫停。
至於國外航班方面，將恢復韓國首爾航線，上半月每周三一班、下半月增加星期六航班。由於東京疫情嚴重，來往東京航班取消，大阪航線仍維持服務，上半月每周五一班，下半月增加星期二航班。曼谷航線上半月逢一、三、五、日一班，下半月每日一班。
另外越南航班由於當局航班限制仍未恢復。同時請大家出發前留意各地出入境限制以及抵達後的檢疫安排。
完整航班時間表：shorturl.at/iwHV3
濠遊天下 Macau on Journey, 