東京日本橋以日本道路起點聞名，但到過嗰度嘅朋友，往往都會失望而回。因為喺揉合日本同西方特色嘅石橋上，一條架空天橋穿過，懸浮喺石橋之上。

呢個局面經歷多年，終於有改變嘅機會。根據《朝日新聞》報道，三井不動產喺上星期四（8月29日）宣佈，為配合首都高速公路地下化，對日本橋再開發，目標令日本橋重現江戶時代嘅水都風貌。

計劃範圍包括日本橋川兩岸全長大約600公尺、面積6.7公頃嘅區域，預計2025年左右動工、2030年代末至2040年代左右完工。據報工程費估計需要幾千億至一兆日圓。

三井不動產自2004年的「COREDO日本橋」開始，一直喺日本橋地區興建商業設施同辦公大樓。今次計畫嘅對象係地區嘅象徵日本橋以及其周邊，將成為再開發嘅核心區域。

針對被高樓大廈圍繞嘅河岸部份，將會鋪設散步道，並配置低樓層嘅餐飲店同埋商業設施。店面嘅入口將面對河川方向，使人可以來往自如。三井不動產社長菰田正信表示：「雖然計畫難度高而且費時，但絕對會將佢完成。」

圖一：日本橋現況（2019年8月）
圖二：工程完工效果圖（圖：三井不動產）

平時坐飛機去日本，空姐都會畀一張入境表同埋海關申報表你填。好快你就可以慳返張黃色嘅海關申報表啦！

後日（8月27日）開始，外國遊客可以透過手機應用程式填寫電子海關申報表，配合專用終端以及人面辨識技術，就可以完成報關手續。

具體做法係，下載日本海關申報APP到智能手機等設備上，然後輸入申報內容，生成二維碼。利用等待領取行李嘅時間，在電子申報終端上進行人面辨識，並讀取IC護照同二維碼。拎好行李後，利用人面辨識技術就可通過專用閘口出閘。

目前呢個服務只限於成田機場第三客運大樓，明年3月起擴展至北海道新千歲機場、東京成田國際機場（一、二號客運大樓）、羽田機場（東京國際機場）、大阪關西國際機場 、名古屋中部國際機場及福岡機場。

詳情可到日本海關網頁查詢（日、英語）：http://www.customs.go.jp

日本北海道有一種著名的商標，叫「熊出沒注意」。依家，真係「熊出沒注意」啦！

位於俄羅斯堪察加半島上克羅諾茨基自然保護區發佈消息稱，哈克岑河上一條熱門旅遊路線，由於七十隻餓熊表現出攻擊性臨時關閉。

消息指，關閉路線同太少三文魚進入千島湖地區一個最大嘅產卵場同熊嘅食物不足有關。自然保護區指出，當地夏末一般會出現紅大麻哈魚集體前往產卵地嘅場景，但現在只有少量三文魚進入產卵地。熊為咗等食物聚集喺河邊，已有七十隻成年熊。由於食物嚴重短缺，熊群之間還經常爆發衝突，因此熊攻擊人嘅風險亦都增加。本週，科學家已經遇到熊表現出攻擊性嘅情況。喺與旅遊路線重疊嘅科考路線上，一隻成年公熊襲擊咗一行三人，好彩熊喺最後一刻轉向另一邊。

自然保護區引述俄羅斯科學院遠東分院水和環境問題研究員謝爾蓋·科爾欽指：「由於目前動物壓力增加，必須暫停使用呢條路線，直到三文魚集體入河、熊吃飽咗，或者熊轉移到更有利嘅地區、密度降低為止。」

另外喺日本北海道首府札幌市南區連續出現七日嘅黑熊尋日已經成功被捕並放回森林。

（俄羅斯衛星通訊社 / TVBS）

美元匯價兌大部分主要貨幣下跌。

美國總統特朗普再施壓，要求聯邦儲備局減息一厘，又指希望美元轉弱，使美國製造商經營環境改善。

美中兩國貿易戰不確定性、意大利政局不穩及多個國家經濟數據疲弱，引發資金流入日圓避險，美元兌日圓曾經跌至七個月最低。昨日（每百）日圓兌7.41港元。

英國經濟上季出乎意料按季收縮百分之0.2，為2012年來首次收縮，英鎊匯價受影響，兌美元曾經跌至31個月來最低。昨日一英鎊兌9.43港元。

另一種近期備受關注的貨幣是南韓圜。近期受日本把南韓剔出貿易白名單影響，南韓圜自七月底以來持續下跌。昨日（每萬）南韓圜兌64.5港元。

（無線新聞 / xe.com）

七十四年前今日嘅呢一刻（日本時間1945年8月9日早上11點02分），日本長崎遭到原子爆彈攻擊。

尋日，喺原爆中心點不遠，當年遭到原子彈毀滅嘅「浦上天主堂」嘅十字架，亦由美國威明頓大學交還聖堂所屬嘅天主教長崎總教區。

可惜嘅係，美國上星期五（8月2日）正式退出《中程導彈條約》，預計美國幾星期內會試射導彈。咁將會終結上世紀八十年代尾「冷戰」結束以來，相對和平嘅局面。戰爭風險再次升溫。

願世界和平，不要再搞核武，不要軍備競賽，因為下一場戰爭，我哋無一個人係贏家。

日本係深受港澳人歡迎嘅旅遊目的地，有啲人甚至視日本係第二故鄉，去日本都叫「返鄉下」。

但多數人去日本，來來去去都係東京、京阪神、北海道或者琉球（沖繩）。有冇試吓深入一啲，去一啲小島過幾日呢？

根據日本阪急交通社根據2018年6月31日到今年5月31日報團數據，日本最受歡迎嘅十個離島依次係：

1. 利尻島、禮文島（北海道）
2. 石垣島（沖繩縣）
3. 五島列島（長崎縣）
4. 竹富島（沖繩縣）
5. 軍艦島（長崎縣）
6. 西表島（沖繩縣）
7. 屋久島（鹿兒島縣）
8. 小豆島（香川縣）
9. 淡路島（兵庫縣）
10. 宮古島（沖繩縣）

其中石垣島同軍艦島都係近年新寵兒。而屋久島、軍艦島，仲有擁有隱藏基督徒遺址嘅「五島群島」都被列入世界遺產。

至於排名第一嘅利尻島、禮文島，位於北海道西部對開，分別擁有「利尻富士」以及珍貴嘅濕地同高山植物。而小豆島就以類似地中海嘅乾燥氣候以及橄欖樹聞名日本。

—–
原文：
全国の離島ランキングを発表！ 世界遺産効果？で五島列島、軍艦島がランクアップ～阪急交通社の離島関連ツアー年間申込者数より～
shorturl.at/HU135

（圖片來源：株式会社 阪急交通社）

日本西部近日受到大雨影響。

至日本時間下午六時，鹿兒島市、宮崎市等發出第二級的「避難指示」。至於熊本市仍處於第四級的「避難準備」。

日本氣象局廳亦對大阪府、高知縣、愛媛縣、福岡縣、長崎縣、大分縣發出「大雨洪水警報」，對鹿兒島縣、宮崎縣、熊本縣、奄美群島發出「山泥傾瀉警報」。

（圖片：日本氣象廳）

長榮根本沒有飛長崎的航班好嘛！

位於日本四國松山市嘅道後溫泉，係「日本三古湯」之一，亦係宮崎駿動畫《千與千尋》嘅靈感來源。

溫泉旅館（本館）自今年初開始七年大修，而館方為宣揚維修後嘅溫泉將「浴火重生」，同日本漫畫大師、已故嘅手塚治虫筆下嘅著名「火鳥」角色合作，設置了以其為主題嘅遮陽幕同燈籠，仲有光影演出。而七月中開始，東側嘅三分一會以繪有原創彩圖嘅防塵布圍住。

但想享受日本最古老溫泉嘅朋友唔需要擔心，大修期間一樓「神之湯」公眾浴場仍然開放。

道後溫泉前往方法——
JR松山站搭乘伊予鐵道市內電車到道後溫泉站，步行4分鐘

道後溫泉官方網站
https://dogo.jp/tw/