位於捷克庫特納霍拉（Kutná Hora）、俗稱「人骨教堂」的塞德萊茨埋骨塚教堂（Sedlec Ossuary），吸引各地旅客到來參觀，思考生命。

但面對有旅客在聖堂內自拍，利用亡者遺骨擺姿勢，甚至把遺骨當作拍攝道具的情況，教堂曾以多國語言的告示勸導，收效不大。

教堂最近宣佈明年起對堂內攝影作出新限制。根據新規定，須提前三日獲得批准。堂區負責人表示：「相信旅客會尊重決定，明白導致作出這決定的原因。」

庫特納霍拉目前也是世界文化遺產。

有「水都」之稱嘅義大利威尼斯，近來深受過度旅遊困擾。

繼早前推出不過夜遊客入城稅後，當地市議會16日通過新法規，適用於整個歷史城區，以及各公共交通設施。

法規規定，禁止喺運河游泳、赤膊或只穿泳裝、晚上八時至早上八時喺室外飲酒、未經批准喺夜晚舉辦室外派對。另外亦禁止公共地方野餐、喺橋上扣上鎖、喺橋上或商店櫥窗上坐，或者喺長櫈上躺臥。當局會特別注意教堂、考古遺址以及其他歷史地標周圍嘅地方。

對於行為不檢者警方有權將滋事者逐出威尼斯。而以任何形式整污糟公共地方最高可罰款500歐元（折合4,513澳門元）。妓女亦不可喺街上或運河畔拉客，否則亦可被罰款500歐元。

威尼斯市長表示，呢個法案「為每一個人都係一個開始」：「遊客喺威尼斯嘅行為應該尊重他人……我哋對不良行為零容忍」。但亦有聲音批評法例未有處理好似餐廳酒吧漫天開價等剝削遊客嘅行為。

（攝於2017年1月）

位於澳洲中部嘅烏魯汝（Uluru，英文稱艾爾斯岩 Ayers Rock），係澳洲原住民嘅聖地。

2017年，烏魯汝所屬嘅國家公園嘅管理委員會通過，自今年10月26日起，禁止攀登烏魯汝。近期，全球遊客紛紛把握最後機會，蜂擁到當地作最後遊覽，為當地帶來旅遊高峰，而對上一次咁熱鬧係16 年前。

Yahoo! 新聞網報道，舊年（2018 年）前往烏魯汝嘅遊客人數較 2017 年上升咗兩成。目前未有跡象顯示有關數字會有所放緩。

烏魯汝—卡塔楚塔國家公園前往方法：
艾爾斯岩機場距離烏魯汝15公里，入園費AUS$25

（文字來源：澳洲SBS）

鐮倉係日本東京附近一個好受歡迎嘅旅遊城市。當地除咗有露天大佛、江之島等傳統景點之外，江之島電鐵「鐮倉高校前」站嘅平交道更由於有漫畫、廣告等加持，近年都成為遊客「打咭」必到嘅地點。

不過最近傳聞話平交道禁止攝影。事實又係點呢？

原來鐮倉市早前通過條例，希望改善好似喺馬路上拍攝阻礙交通、路軌周圍等危險地方拍攝、邊行邊食可能導致衣服污損等嘅行為（日文稱影響他人嘅行為做「迷惑行為」）。不過條條例並無罰則，目前仍然係勸導教育為主。

不過情況再惡化落去，遲吓「加辣」都唔出奇！希望大家出去旅行，無論去到邊度都好，都可以注意吓啦！

（攝於2016年12月）