版主：殺死野貓的確殘忍，但即使係最人道嘅「捕捉、絕育、放回」（CNR）都解決唔到一個問題，就是被放回嘅野貓仍有可能捕食野生動物。要使佢哋不再危害野生生態，殺死佢哋係唯一方法。

到底，野貓係人引入嘅，人類必須為此後果「找數」。

報道連結：http://bit.do/eQWX7

如果大家有機會去新加坡最著名嘅大街烏節路，可能會見到圖中嘅景象。

如果澳門嘅煙民都好似新加坡嘅咁守法，你話幾好呢？！

擠一擠解煙癮 網民：烏節路奇觀
http://bit.do/eQUUs

（圖片：聯合早報）

自從手機有咗「自拍」（selfie）功能後，好多人去親旅行都似乎非要自拍不可。

藝術家Stephanie Leigh Rose近年以「Stefdies」為主題，創作咗一系列嘅照片，將自己化身成屍體，倒臥喺沙灘、噴水池，甚至係巴黎鐵塔面前嘅草地，希望大家重新反省死亡，以及攝影嘅意義，係在於捕捉時間，而所有照片都係興之所至而來，無需特別器材、打光或條件。

利申：版主自問自拍個樣好樣衰，所以絕少咁樣做，無謂獻醜啦。

官方網頁
https://www.stefdies.com/

要保障飛行安全，起飛前嘅檢查必須要做到萬無一失。

好似澳洲維珍航空，最近就喺社交網站發表幾張相，原來有隻貓頭鷹喺飛機引擎嘅螺旋葉之間瞓覺，好彩畀工程師及時發現，經檢查後放返到大自然。飛機同貓頭鷹嘅呢一段奇遇總算平安結束。

事實上，萬一有雀鳥被飛機引擎吸入（鳥擊），除咗隻雀必死無疑之外，雀鳥吸入亦會傷害飛機引擎螺旋葉、卡住引擎，導致引擎停止運作、著火，最終令飛機失去動力墜毀。所以各地機場都會用各種方法趕走雀鳥，例如使用煤氣炮、恐怖眼、錄音、 驅鳥彈，甚至係獵殺、豢養猛禽等。

近期發生鳥擊嘅例子，有舊年11月3號，澳門航空一架前往首爾嘅客機喺澳門機場起飛過程中引擎吸入雀鳥，需要緊急煞停折返。最終乘客需要轉機，幸好無人受傷。

（圖片：澳洲維珍航空）

今日係烏克蘭切爾諾貝爾核災難三十三周年。

隨著越來越多人到當地試圖揭開其神秘面紗，垃圾問題亦都隨之而來。

為了保持當地嘅原貌，一群義工喺專家帶領下，在離核電廠最近嘅「鬼城」普里皮亞季（Pripyat）展開春季大掃除。災難前嘅物品因為有歷史意義會留喺原地，但新增嘅垃圾會收集起來，交給專業機構處理。

當地旅遊業人士艾米里奈可表示，會按照輻射安全標準進行回收。所有廢物都會交給喺禁區工作嘅公司嚟負責回收，一切都會做得安全正確。

（文字：台灣公共電視；圖片：Efrem Lukatsky/AP Photo）

澳門國際旅遊（產業）博覽會今日揭幕啦！作為專業導遊，當然要同大家先睹為快啦！

今年既係中華人民共和國成立七十周年以及澳門回歸二十周年嘅「雙慶年」，亦係《粵港澳大灣區規劃發展綱要》發表後第一個旅博會，所以今年展館嘅亮點包括澳門旅遊發展、「一帶一路」及大灣區旅遊、中葡特色及澳門文創、美食與可持續發展等。

今屆旅博會亦都有好多特色展覽攤位，除了介紹澳門過去二十年來旅遊業發展嘅特展外，仲包括有來自日本多個縣份嘅日本館、澳門對口扶貧縣——貴州從江縣館以及文創館等。多功能廳亦有多場旅遊講座，包括深受澳門朋友歡迎嘅「泰國通」胡慧沖前輩將載譽歸來！

多間本地旅行社亦推出旅展限定優惠，現場仲有大抽獎，送出世界一流品牌智能手機、平版電腦、五星級酒店住宿券等豐富禮品！另外場內消費滿澳門幣300元，更可參加麥麥牆抽獎活動，贏取來回東京、首爾、臺北、曼谷及北京等地的來回機票共200套。萬勿錯過！

旅博會聽日同後日都會向公眾開放，記得嚟威尼斯人金光會展中心D、E館參觀啦！

展館開放時間：
10:00~20:00

交通安排：

往澳門威尼斯人金光會展方向 9:30-18:30
往各站點方向 11:00-20:30
（接駁巴士每30分鐘一班）

港珠澳大橋管理局就東人工島的旅遊及配套設施規劃進行全球招標。本港旅遊業認為，東人工島作為新的旅遊點，可以紓緩旅客對東涌一帶的負荷。

由港珠澳大橋香港口岸出發，大約十五分鐘車程，進入海底隧道範圍前會先經過大橋的東人工島，目前已有一棟大樓，有車路可以進入。

這裡屬於內地管轄區，大橋管理局招標內容，包括東人工島旅遊及配套設施、開發總體策劃、概念設計等，期望塑造成世界級品牌。有內地旅客希望，屆時有購物等設施。

有內地旅客表示：「化妝品、免稅店，因為喜歡化妝、打扮。」

另一名內地旅客則稱：「休息的地方、飲水的地方，商店還是休閒飲食吧。」

有珠海旅行社說東人工島啟用後，會設計專門遊覽大橋的半日團，看看大橋，購物完就回去，不會入境香港。

拱北口岸中旅港澳台中心總監王穎指：「譬如對建築、橋樑等感興趣的群體，另外像很多學生團體，我們現在重新把大橋建造過程等，做一個科普教育。」

旅遊業界相信多了新旅遊點，對本港旅遊業影響不大。

旅遊界議員姚思榮表示：「港珠澳大橋的內地團，來到香港以東涌為目的站， 影響到東涌的日常生活，這部分會大幅下降。大多數都不是過夜旅客，他對整個香港零售，或者其他與旅遊相關的消費，是相對較低。」

他說東人工島屬於內地範圍，若內地旅客由珠海出發，需要辦理類似「禁區紙」手續，而由香港出發則要出境。

（資料：無線新聞，原標題為《港珠澳大橋東人工島擬開放旅遊 業界指可紓緩東涌負荷》；圖片：港珠澳大橋官方網頁）

平時話人「黑口黑面」，通常都唔係好嘢。不過如果係呢啲羊咩咩呢？可能又會有唔同效果喎！

「玩具羊」突然轉身嚇壞遊客　笑笑羊居然是活的
shorturl.at/ajoEZ

（翻攝自Valais Blacknose New Zealand臉書）