在港澳臺很多人心中，日本可謂是他們的「第二故鄉」。而一般人想到日本，馬上可能會想到東京、大阪、京都或者北海道。

那麼在臺灣人和日本人眼中，日本47個都道府縣最沒有存在感、或者最沒有魅力的是哪一個呢？在疫情後，最少人想前往的又是哪一個地區呢？

根據針對臺灣和香港人的網站「樂吃購！日本」對八千多名臺灣人進行的調查顯示，在臺灣人眼中，位於北關東的栃木縣的認知度在全日本排名最低，其次是位於日本海岸的石川縣和島根縣。而在疫情後，最少人想前往的是位於北陸的福井縣，其次是位於中國地區的山口縣和栃木縣。最受歡迎的目的地，北海道、東京和京都等地區都大熱跑出，不過青森縣卻成功把大阪擠走，進佔第四位。

那麼日本人對自己國家各地區的認知情況又如何呢？原來自2009年開始就有研究機構根據民調，為日本都道府縣的魅力排名。而本年度的結果也在較早前公佈了。調查當中量度的指標包括：民眾對該地區的認知度、資訊接收程度、對地區的印象觀感、旅遊和居住意願、乃至於地區產品的購買欲。有趣的是，北海道年年都得第一。而位居最末的，除了2012年由同屬北關東的群馬縣外，一直都是屬於北關東的茨城縣。

不過在今年，茨城縣再一次洗脫了「最下位」的標籤，同樣由栃木取而代之。部分茨城縣民卻有另一種想法，覺得「最下位」也是一種特色。

小知識：都道府縣

都道府縣是日本第一級的行政區。一共有1都（東京都）、2府（大阪府、京都府）、1道（北海道）、43縣（日本漢字寫成「県」）。下設市（區）、町（鎮）、村。

日本歷史上以「（令制）國」稱呼第一級行政區，至明治維新，廢藩置縣，把過去由武士管治的「國」，改為中央直接統治的「縣」，成為都道府縣的基礎。由於縣經常由多個「國」合併而成（例如靜岡縣由駿河國、遠江國全境和伊豆國的大部分地區），使同一縣內的縣民，有着不同的生活方式和態度。

小知識：栃木縣

栃木縣（栃木県／とちぎけん，栃的意思是日本七葉樹），是日本北關東的一個內陸縣。面積6408平方公里，人口193萬人。首府宇都宮市距離首都東京100公里，乘新幹線需時約50分鐘，以餃子聞名。日光市祭祀德川家康的日光東照宮是世界文化遺產。另外有鬼怒川溫泉等。

內地黑龍江省靠近俄羅斯的兩個市，東寧市和綏芬河市昨日共出現兩宗新型肺炎本土病例。

新型冠狀病毒感染應變協調中心宣佈，因應黑龍江省的最新疫情發展，衛生局根據第2/2004號法律《傳染病防治法》第14條的規定，自12月11日中午12時起，所有在入境前14天內曾經到過東寧市東寧鎮及綏芬河市綏芬河鎮的人士，須按照衛生當局的要求在指定地點接受14天醫學觀察。

文化局早前宣佈取消今年除夕嘅倒數活動，以及煙花表演。今年為世界而言係充滿挑戰嘅一年。大家點樣揮別過去，迎接新嘅一年呢？

喺澳洲雪梨，雖然疫情已經有所緩和，但雪梨所在嘅新威爾斯州州長早前已經宣佈，除夕煙花匯演將縮短至7分鐘。當局將特別為當日制訂公共衛生命令，喺市中心設立「禁區」。喺環形碼頭（Circular Quay）同北雪梨（North Sydney一帶），只准餐飲酒店業嘅顧客或員工、當地居民同埋其訪客進入，而且必須攜帶透過Service NSW手機程式申請嘅「除夕通行證」（New Year’s Eve Pass）。至於雪梨歌劇院等地，更會封鎖預留畀前線工人觀看煙花。

喺全球疫情最嚴重嘅美國，紐約市時代廣場嘅倒數將會改喺網上進行。呢個將會係活動1907年第一次舉辦以來第一次唔會開放民眾參加。活動將會向醫護人員等致敬。

喺日本東京，傳統上喺1月2日，日皇會喺皇居接見民眾，接受祝賀。今年就有68700多人參加。不過明年嘅接見活動預計將會取消。活動上一次取消係1990年、日皇裕仁（昭和）去世後。

至於喺德國，總理默克爾尋日喺國會表示，明確支持德國國家科學院利奧波第那科學院（Deutsche Akademie der Naturforscher Leopoldina）星期二發布嘅建議，當中學校由12月14日開始放寒假，12月24日開始，非必要企業將全部關門至1月10日。

日本京都係日本嘅千年古都，保留住日本嘅傳統文化。

而喺京都眾多嘅名勝之中，名聲最響亮嘅，位於東山嘅清水寺肯定榜上有名。本堂可以眺望整個京都市嘅景色，而「從清水舞台跳下」更係日本人破釜沉舟嘅代名詞。當然唔少得據說可以求取學業、戀愛或長壽（不可貪心）嘅音羽瀑布啦！

自2017年起進行維修嘅本堂終於喺尋日（3日）正式完工啦！除咗更換絲柏樹皮屋頂之外，舞台以絲柏木建造嘅地板同欄杆亦都進行咗替換。

希望疫情早日結束，大家都可以安心再去京都欣賞清水寺美景啦！

新型肺炎全歐蔓延，很多人冬季滑雪的計畫可能會落空。不過有瑞士法語區滑雪場打算開設穿梭巴服務，吸引想滑雪的客人到瑞士滑雪。

滑雪場營運者的計畫是用穿梭巴由滑雪場的法國部份接載客人到位於瑞士瓦萊州的部份。瑞士預計今冬仍然繼續開放高山鐵路以及滑雪纜車。

不過，瓦萊州委員會主席警告此舉愚笨，也可視為對法國政府的挑釁。法國政府反對今冬經營高山鐵路以及滑雪纜車。但營運者強調，計畫是應法國旅客的要求。

瑞士聯邦委員會委員會阿蘭·貝爾賽上周四就表示，無論周邊國家有什麼決定，瑞士仍然會開放滑雪場。

德國總理默克爾、法國總統馬克龍和義大利總理孔特正起草一項全歐適用的協定。默克爾上周四呼籲國民不要出國渡假。而奧地利也正考慮關閉滑雪場。孔特在接受義大利傳媒訪問時對今年聖誕節乃至整個冬季不感樂觀：「不可能容許人們在這個冬天出外渡假。我們承擔不起。」

（瑞士《一瞥報》）

今日係12月1號，2020年即將成為過去。係時候告別一年嘅不快，展望未來！濠仔未來一個月將會從多個角度透視旅行相關嘅趨勢，一齊同大家迎接新一年嘅到來。

首先，當然要講吓今個冬天嘅天氣啦！氣象局近日公佈咗今年本澳冬季季度預報。根據最新觀測資料顯示，過去幾個月，赤道太平洋中、東部的水溫繼續下降，並已發展成「拉尼娜」現象。預測該地區水溫會喺今個冬季，即係今年12月至明年2月繼續偏低。「拉尼娜」現象將在今個冬季維持。

氣象局預測今個冬季澳門平均氣溫將屬於正常至偏低；而降雨方面，預測整季累積雨量將屬於正常至偏少。大家日常起居，就要注意啦！

秋天最具代表性嘅花當然就係菊花啦！原來過關坐城際只需36分鐘，就可以欣賞到有超過200年歷史、被列入第一批國家非物質文化遺產嘅小欖菊花會啦！

位於中山市西北部嘅小欖鎮，南宋末年就已經開始有種植菊花。到清朝乾隆年間更開始出現菊花會，尤其是每逢甲戌年規模更加盛大。不過下次有咁大規模嘅菊花會就要等到2054年啦！

今年小欖菊花會嘅會場，佔地350畝，展出咗25個大型造景、共25萬盆菊花。入面嘅菊花有不同品種，亦有各種嘅造型，好似係製成盆栽咁嘅樣，亦有一啲做到好似孔雀開屏咁樣，或者造成瀑布一瀉千里嘅效果。當地各大企業同埋鄉鎮社區亦都設計出不同造景，實行宣傳自己。同場亦都有其他花卉展出，包括係近年喺澳門相當受歡迎嘅向日葵花田，呢度亦都有。

菊花同中國人有着好深厚嘅淵源，亦都產生咗好多同菊花有關嘅文化。會場有花藝比賽展覽，亦都有售賣各種用菊花製成嘅食品。成年人當然可以品嚐傳統嘅菊花酒，想一試新奇嘅亦都可以嘗試菊花刺身。

嚟中山當然要試吓當地嘅美食啦！中山最出名嘅就係石岐乳鴿啦。朋友介紹咗一間位於石岐一間好出名嘅餐廳，好多港澳人都慕名而來。

坐低叫咗一隻滷水乳鴿（RMB22）同埋一個北菇雞煲仔飯（RMB18）。呢個價錢已經十分懷舊。一上枱更加驚艷！乳鴿係新鮮貨色，一咬入面滾湯嘅肉汁就噴出嚟。的確係唔同啲！煲仔飯嘅飯焦亦都非常可口，好容易就食得乾乾淨淨！

大家不妨可以趁花會嘅時候行一趟中山，最好就兩日一夜：早上去參觀菊花會，欣賞同場舉辦嘅第12屆中國民間藝術節，下午喺石岐食午飯行街，夜晚去三鄉浸溫泉，消除疲勞！

2020年小欖菊花會＋第12屆中國民間藝術節
展期至12月13日
時間：
週一至週五上午9時至晚上10時
週六週日上午9時至晚上10:30
門票：
週一至週五RMB20
週六週日RMB30
微倍提前24小時購票更可獲優惠
交通：
珠海站—（廣珠城際）—小欖站（票價RMB40）
轉乘專車（每15至20分鐘一班，票價RMB2）

煲煲掂西區店
中山市西區下閘新村2棟106號
（中山一路維也納酒店直入）