各位想返泰國「鄉下」嘅澳門朋友，又要再等等啦！

泰國今日開始，向多個國家同地區完成接種疫苗嘅人士開放邊境。當局尋日公佈咗最新名單，再有十七個國家同地區上榜，臺灣有份，不過繼續無澳門囉！而且疫情比澳門嚴重好多嘅東南亞同南亞國家，例如越南、緬甸，老撾、印尼、菲律賓、印度、尼泊爾、斯里蘭卡，以及疫情又再爆發兼疫苗接種率得37%嘅羅馬尼亞都有份喎！

不過，點都好，依家喺泰國返澳門，都係要接受廿一日集團醫學觀察嘅。想再去泰國或者其他外國作非必要旅行，除非泰國疫情可以好似同澳門一樣，或者內地防疫政策有變，否則都係唔化算嘅！不如認真儲足「彈藥」，等開關再就可以玩得鬆動啲啦！